ប្រែ​សម្រួលៈ​បំណង​(​ដេល្លី​ម៉េល​)៖ គេ​ថា ប្រពន្ធ​ដ៏​ឆើតឆាយ​របស់​សេដ្ឋី​និង​អ្នកនយោបាយ​អ៊ុយ​ក្រែន​មា្នក់បាន​យួ​រលុយ​២២​លាន​អឺរ៉ូ​(២៨,៩១​លាន​ដុល្លារ​) កាត់​ព្រំដែន​ជនភៀសខ្លួន​ចូលក្នុង​សហភាព​​អឺរ៉ុប ។​លុយ​ជា​ប្រាក់​ដុល្លារ​និង​អឺរ៉ូ ត្រូវបាន​គយ​ហុងគ្រី​ឆែក​ឃើញ​នៅក្នុង​វ៉ា​លី​ស​របស់​ភរិយា​របស់​អតីត​សមាជិកសភា​អ៊ី​ហ្គ័​រ កូត​វីត​ស្គី (Igor Kotvitsky)​។​

​ឥឡូវ​ការស៊ើបអង្កេត​ករណី​ព្រហ្មទណ្ឌ​មួយ​ត្រូវបាន​ធ្វើ​ឡើង​ដោយសារតែ​នាង អាណា​ស្តា​ស្យា កូត​វីត​ស្កា​(Anastasia Kotvitska)​មិន​បាន​រាយការណ៍​អំពី​ការបញ្ជូន​ប្រាក់​សន្ធឹកសន្ធាប់​បែប​នេះ​ចេញ​​ពី​ប្រទេស​។​

​លោក កូត​វីត​ស្គី ដែល​ធ្លាប់​ជា​សមាជិក​សភា​មាន​ទ្រព្យធន​បំផុត​របស់​អ៊ុ​យក្រែន បាន​និយាយថា ប្រពន្ធ​លោក​បាន​ចាកចេញ​ពី​ប្រទេស​ដើម្បី​សម្រាល​បុត្រ តែ​បាន​បដិសេធ​របាយការណ៍​ថា​នាង​នាំ​លុយ​២៨​លាន​ដុល្លារ​និង​១,៣​លាន​អឺរ៉ូ ចេញពី​ប្រទេស​។​

​លោក​បាន​និយាយថា «​លុយ​របស់​ខ្ញុំ​នៅ​ក្នុង​ធនាគារ​អ៊ុ​យក្រែន​។​ខ្ញុំ​អត់​មាន​យក​អ្វី​ចេញ​ទេ​»​។​

​សេចក្តីថ្លែងការណ៍​មួយ​បង្ហោះ​ក្នុង​បណ្តាញ​សង្គម ដោយ​កូនស្រី​លោក បាន​និយាយថា វា​ជា​«​ព័ត៌មាន​ក្លែងក្លាយ​និង​ជា​ពាក្យ​ចចាមអារ៉ាម​»​។​

​នាង អាណា​ស្តា​ស្យា កូត​វីត​ស្កា​ដែល​ត្រូវបាន​រាយការណ៍​ថា​បាន​ធ្វើ​ដំណើរ​ជាមួយ​បុរស​ហុងគ្រី​ពីរ​នាក់​និង​ម្តាយ មិន​បាន​និយាយ​យ៉ាងណា​ទេ​អំពី​ព័ត៌មាន​នេះ​៕

​នាង អាណា​ស្តា​ស្យា កូត​វីត​ស្កា ប្រពន្ធ​របស់​សេដ្ឋី អ៊ី​ហ្គ័​រ កូត​វីត​ស្គី ត្រូវបាន​គេ​រាយការណ៍​ថា​បាន​នាំ​លុយ​ជាង​២៨​លាន​ដុល្លារ​កាត់​ព្រំដែន​ដែន​ចូល​ក្នុង​សហភាព​អឺរ៉ុប​