​ប្រែ​សម្រួលៈ​បំណង (Xinhua)៖ ជំនួប​កំពូល​ដ៏​ប្រញាប់ប្រញាល់​ចំនួន​បី​ក្នុង​រយៈពេល​ពីរ​ថ្ងៃ​កាលពី​ថ្ងៃ​ព្រហស្បតិ៍​និង​សុក្រ គេ​ឃើញ​ប្រធានាធិបតី​អាម៉េរិក​ប្រញាប់ប្រញាល់​ធ្វើដំណើរ​ទៅ​កាន់​ទីក្រុង​ព្រុច​​សែ​ល ដោយ​ចាប់​ដៃ​ថតរូប​និង​ព្យាយាម​ល្បួង​បង្ហាញ​ការឯកភាព​គ្នា​មួយ​ជាមួយ​ដៃគូ​អឺរ៉ុប តែ​ទោះជា​យ៉ាង​ដូច្នេះ​លោក​បរាជ័យ​ក្នុងការ​បញ្ចុះបញ្ចូល​អោយ​ពួក​គេ​ដាក់​ទណ្ឌកម្ម​ថែម​ទៀត​លើ​រុស្ស៊ី​។​

​ក្រោយពី​ជំនួប​របស់​អង្គការ​សន្និសញ្ញា​អា​ត្លង់​ទិច​ខាងជើង​(​ណា​តូ​) និង​G-7 កិច្ចប្រជុំ​កំពូល​របស់​ក្រុមប្រឹក្សា​អឺរ៉ុប​ត្រូវបាន​រៀបចំ​ធ្វើឡើង​បន្ទាប់​កាលពី​ថ្ងៃ​ព្រហស្បតិ៍​និង​បន្ត​ចូល​ដល់​ថ្ងៃ​សុក្រ​ទី​២៥​មីនា​​ដោយ​ក្នុងអំឡុង​កិច្ចប្រជុំ​នេះ វិបត្តិ​អ៊ុយ​ក្រែន​ជា​ការផ្តោត​អារម្មណ៍ខ្លាំ​ង​បំផុត​។​

​ទោះជា​ហាក់​មាន​ការមូល​មតិ​គ្នា​ជា​ឯកច្ឆន្ទ​ប្រឆាំងនឹង​រុស្ស៊ី​នៅ​ទូ​ទាំង​ភាពជា​ដៃគូ​ឆ្លង​មហាសមុទ្រ​អា​ត្លង់​ទិច ក៏​ការព្រួយបារម្ភ​ផ្នែក​ភូមិសាស្ត្រ​នយោបាយ​និង​ផលប្រយោជន៍​ផ្សេង​គ្នា​បាន​ចូល​មក​ជ្រៀត​​ជ្រែក ដោយ​ធ្វើអោយ​លំបាក​ក្នុង​ការថ្លឹងថ្លែង​ការទាមទារ​របស់​ភាគី​ផ្សេងៗ​។​

​និយាយអោយចំ​កិច្ចប្រជុំ​កំពូល​របស់​ក្រុមប្រឹក្សា​អឺរ៉ុប​មិនបាន​យល់ស្រប​លើ​ការដាក់ទណ្ឌកម្ម​បន្ថែម​លើ​រុស្ស៊ី ទោះជា​មាន​វត្តមាន​របស់​ប្រធានាធិបតី​អាម៉េរិ​ក ចូ បៃ​ដិន ដែល​នេះ​វា​ឆ្លុះបញ្ចាំង​គោលជំហរ​​ផ្សេង​គ្នា​ក្នុងចំណោម​សមាជិក​សហភាព​អឺរ៉ុប​(​អ៊ី​យូ​) នៅ​ពេល​ពួកគេ​កាន់តែ​បារម្ភ​ខ្វល់ខ្វាយ​អំពី​ផលវិបាក​ចេញពី​ចំណាត់ការ​ដូច្នេះ ។​

​ពួក​មេដឹកនាំ​ដែល​បាន​ចូលរួម​កិច្ចប្រជុំ​ក្រុមប្រឹក្សា​អឺរ៉ុប​នៅ​ក្រុង​ព្រុយ​សែ​ល ប្រទេស​បែ​ល​ហ្ស៊ិ​ច កាលពី​ថ្ងៃ​២៤​មីនា​

​នៅ​ពេល​លោកបៃ​ឌិន​រវល់​តែ​បង្ហាញ​ឯកភា​ព​នៅ​ជំនួប​កំពូល​កាលពី​ថ្ងៃ​ព្រហស្បតិ៍ សេត​វិមាន​បាន​ប្រកាស​ដាក់​ទណ្ឌកម្ម​ថ្មី​លើ​សភា​រុស្ស៊ី​និង​ពួក​មហាសេដ្ឋី​រុស្ស៊ី​មួយចំនួន រួម​ទាំង​បណ្តា​ស្ថាប័ន​ហិរញ្ញវត្ថុ​ជា​​ច្រើន​និង​មេដឹកនាំ​របស់​វា​។​

​ផ្ទុយទៅវិញ ពួក​មេដឹកនាំ​អ៊ី​យូ បន្ទាប់​ពី​ផ្លាស់ប្តូរ​យោបល់​ជាមួយ​ប្រធានាធិបតី​អាម៉េរិក​ស្តីពី​កិច្ច​សហការ​ឆ្លង​មហាសមុទ្រ​ក្នុង​បរិបទ​វិបត្តិ​អ៊ុ​យក្រែន បាន​សំរេច​ថា ប្លុក​នេះ​នឹង​មិន​ដាក់​ទណ្ឌកម្ម​ថែម​លើ​​រុស្ស៊ី​ទេ ដោយ​បាន​ចេញ​សេចក្តីថ្លែងការណ៍​មួយ​ថា​« សហភាព​អឺរ៉ុប​តាំងពី​មុន​មក​បាន​ដាក់​ទណ្ឌកម្ម​ធ្ងន់ធ្ងរ​គួរសម​ដែ​លបាន​បង្ក​ផលប៉ះពាល់​ធំធេង​លើ​រុស្ស៊ី​និង​បេឡា​រូស ហើយ​ត្រៀម​បិទ​ចន្លោះប្រហោង​ និង​ផ្តោត​លើ​បញ្ហា​ប្រឈម​ជាក់ស្តែង ព្រមទាំង​ត្រៀម​ចាត់ការ​អោយបាន​លឿន​ជាមួយនឹង​ការដាក់ទណ្ឌកម្ម​បែប​សម្របសម្រួល​គ្នា​ដ៏​ស្វាហាប់​»​។​

​ថ្លែង​ទៅ​កាន់​អ្នកយក​ព័ត៌មាន​មុន​ជំនួប​កំពូល​អ៊ី​យូ នាយករដ្ឋមន្ត្រី​ហូ​ឡង់ បាន​និយាយថា លោក​មិន​រំពឹង​ថា​ពួក​មេដឹកនាំ​អ៊ី​យូ យល់ព្រម​បន្ថែម​ទណ្ឌកម្ម​ទេ ។​

​ក្នុងពេល​ជាមួយគ្នា នាយករដ្ឋមន្ត្រី​ក្រិច​បាន​ទទួលស្គាល់​ផលប៉ះពាល់​ដ៏​ធំ​ចេញពី​ទណ្ឌកម្ម​របស់​អ៊ី​យូ​បច្ចុប្បន្ន​លើ​រុស្ស៊ី និង​បាន​និយាយថា អ៊ី​យូ​ទំនង​ជា​រង​ផល​ពី​ទណ្ឌកម្ម​ទាំងនេះ​ផងដែរ​។​ចំណែក​នាយក​រដ្ឋ​​មន្ត្រី​លុច​ហ្សំ​បួ​រ បាន​ក៏​បាន​ច្រាន​ចោល​ទណ្ឌកម្ម​ថ្មី​ដរាបណា​រុស្ស៊ី​នៅ​មិនទាន់​«​ឆ្លង​ហួស​បន្ទាត់​ក្រហម​»​ទេ​។​

​សូមបញ្ជាក់​ថា ទោះជា​អាម៉េរិក​និង​អ៊ី​យូ​បាន​ប្រកាស​បង្កើត​ក្រុមការងារ​មួយ​កាលពី​ថ្ងៃ​សុក្រ​ដើម្បី​បន្ថយ​ការពឹងផ្អែក​របស់​អឺរ៉ុប​លើ​ឥន្ធនៈផូស៊ីល​(​ប្រេង​និង​ហ្គាស​)​របស់​រុស្ស៊ី ក៏​ប្រទេស​ជាច្រើន​នៅ​អឺរ៉ុប រួម​​មាន​អាល្លឺម៉ង់ នៅតែ​ស្ទាក់ស្ទើរ​ប្រកាស​ចាត់វិធានការ​គំហ៊ុក​ប្រឆាំង​ថាមពល​របស់​រុស្ស៊ី​ដោយ​ខ្លាច​មាន​បញ្ហា​ផ្គត់ផ្គង់​វា​ភ្លាមៗ​៕