​ដោយ​: រិ​ទ្ធ​សែន / ខេត្តពោធិសាត់​: លោក ជាវ តា​យ អភិបាល​នៃ​គណៈ​អភិបាលខេត្ត​ពោធិ៍សាត់ នៅ​ព្រឹក​ថ្ងៃទី​៣១ ខែមីនា ឆ្នាំ​២០២២ បានដាក់​ចេញ​នូវ​ផែនការ​មួយចំនួន ទៅដល់​រដ្ឋបាល​ក្រុង​ស្រុក​មន្ទីរ​អង្គភាព​ជុំវិញ​ខេត្ត និង​គ្រប់​ទី​វត្ត​អារាម​ត្រូវ​ត្រៀម​រៀបចំ​សំអាត​តុបតែង​របង​រំលេច​ដោយ​បដា​ទង់ជាតិ ទង់​ក្អែប ទង់ជ្វាលា​អម ដោយ​ពន្លឺ​ភ្លើងពណ៌​តាម​ដងផ្លូវ​ទីប្រជុំជន ត្រូវ​យកចិត្តទុកដាក់​ប្រុងប្រយ័ត្ន​អំពី​អគ្គិភ័យ គ្រឿងផ្ទុះ​ហាម​មិន​ឲ្យ​លេងល្បែង​ដែល​នាំ​ឲ្យ​ខាតបង់​ទ្រព្យសម្បត្តិ និង​ផ្ទុយ​ពី​ប្រពៃណី​ជាតិខ្មែរ​។​

​ចំពោះ​កងកម្លាំងប្រដាប់អាវុធ​ទាំង ៣ និង​រដ្ឋបាល​ក្រុង​ស្រុក​ត្រូវបង្កើត​កិច្ចការពារ​ធានា​សន្តិសុខ​ឲ្យ​បានល្អ​ប្រសើរ ។​

​លោក​អភិបាលខេត្ត​បានលើកឡើង​បែបនេះ នៅក្នុង​កិច្ចប្រជុំ​គណៈកម្មការ​និង​អនុគណៈកម្មការ​រៀបចំ​អបអរសាទរ​ពី​ធី​បុណ្យចូលឆ្នាំថ្មី​ប្រពៃណី​ជាតិខ្មែរ ដោយបាន​ការចូលរួម​ពី​លោក​លោកស្រី​អភិបាលរង​ខេត្ត​កងកម្លាំងប្រដាប់អាវុធ​ទាំង ៣ នាយក​នាយករង​រដ្ឋ​បាល​ខេត្ត​ដឹកនាំ​នឹង​គេ​អង្គភាព​ចាត់តាំង និង​អង្គភាព​ចំណុះ​សាលាខេត្ត​ជាច្រើន​នាក់​ទៀតផង​៕​