ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ស្ត្រី​នៅ​រដ្ឋ​កាលីហ្វ័រ​ញ៉ា​ម្នាក់​បាន​ដាំ​ក្បាល​ចូលទៅ​ក្នុង​បង្គន់​ក្នុងព្រៃ​ឧទ្យាន​ជាតិ​មួយ បន្ទាប់​ពី​ជ្រុះ​ទូរស័ព្ទ​ចូល​ទៅក្នុង​បង្គន់ រួច​ក៏​ដាំដូង​ចូល​លាមក ពេល​នាង​ព្យាយាម​យក​ស្មា​ត​ហ្វូន​មកវិញ​។​

​ស្ត្រី​មិន​បញ្ចេញ​អត្តសញ្ញាណ​នេះ​បាន​ជ្រុះ​ទូរស័ព្ទដៃ ពេល​ដើរ​លេង​នៅ​ភ្នំ Walker ក្នុង​រដ្ឋ​វ៉ាស៊ីនតោន​កាលពី​ថ្ងៃ​អង្គារ ក្នុងអំឡុងពេល​ធ្វើដំណើ​រ​ទៅកាន់​ព្រៃ​ជាតិ​អូឡាំពិក​។​

​បន្ទាប់មក នាង​បាន​សម្រេចចិត្ត​យក​ខ្សែ​ចង​ក​ឆ្កែ​មក​ចង​ខ្លួនឯង​ដើម្បី​ព្យាយាម​ទម្លាក់​ខ្លួន​ចូល​ទៅក្នុង​បង្គន់ តែ​បង្គន់​បាន​បាក់​ដោយសារ​ទម្ងន់​របស់​នាង​ជាហេតុ​ធ្វើឱ្យ​នាង​ដាំ​ក្បាល​កប់​លាមក​មនុស្ស​។​

​បន្ទាប់​ពី ២០ នាទី ស្ត្រី​នោះ​អាច​យក​ស្មា​ត​ហ្វូន​របស់​នាង​បាន​មក​វិញ បន្ទាប់មក​បាន​ប្រើ​វា​ដើម្បី​តេ​ទៅលេខ ៩១១ ដើម្បី​សុំ​ជំនួយ​។​

​ឧបទ្ទវហេតុ​គួរ​ឱ្យ​រអើម​នេះ​ត្រូវបាន​រៀបរាប់​លម្អិត​នៅក្នុង​សារ​បង្ហោះ​តាម​ហ្វេ​សប៊ុក​ដោយ​នាយកដ្ឋាន​ពន្លត់អគ្គិភ័​យ​ប្រ៊ី​ន​ណុន (Brinnon) ដោយ​អ្នក​ពន្លត់​អគ្គិភ័យ​ពីរ​នាក់​បាន​ឈរ​ថតរូប​នៅ​ខាងក្រៅ​បង្គន់​បន្ទាប់ពី​ការជួយ​សង្គ្រោះ​។​

​បង្គន់​នៅ​ឧទ្យាន​ខាងលើ​គឺជា​បង្គន់​ដាក់​ខាងក្រៅ​ជា​អចិន្ត្រៃយ៍ ដែល​មិន​បញ្ចេញ​ទឹក​ឬ​ប្រើប្រាស់​ទឹក​នោះទេ ហើយ​ជួនកាល​គេ​ហៅ​វា​ថា “​បង្គន់​រណ្តៅ​” ដោយសារ​គេ​ដាក់​ធុង​ក្រោម​ដី​សម្រាប់​ផ្ទុក​កាកសំណល់​។​

​កាកសំណល់​ត្រូវបាន​យកចេញ​នៅពេល​ដែល​រថយន្ត​មក​បូម​ចេញ​ហើយ​ដឹក​ទៅ​កន្លែង​ប្រព្រឹត្តិកម្ម​ទឹក​៕

​អ្នក​ពន្លត់​អគ្គិភ័យ​ពីរ​នាក់​ឈរ​ថតរូប​នៅ​ខាងក្រៅ​បង្គន់​បន្ទាប់ពី​ការជួយ​សង្គ្រោះ