ដោយៈ បាយ័ន / សៀមរាបៈ លោក ជា ចាន់តូ អគ្គទេសាភិបាល ធនាគារជាតិ​នៃ​កម្ពុជា និង​សហការី នៅ​ព្រឹក​ថ្ងៃទី​២៤ ខែមេសា ឆ្នាំ​២០២២ នេះ បាន​អញ្ជើញ​មកកាន់​វត្ត​រាជ​បូ​ណ៌ ក្នុង​គោលបំណង ដើម្បី​មក​ក្រាបថ្វាយបង្គំ ព្រះមហា​វិមលធម្ម ពិន សែម សិរី​សុ​វ​ណ្ណោ ព្រះ​រាជាគណៈ​ថ្នាក់​ទោ និង​ជា​ព្រះគ្រូ​ចៅ អធិការ វត្ត​រាជ​បូ​ណ៌ និង​ពិនិត្យមើល​អគារ សាលា​ពុទ្ធិកវិទ្យាល័យ រាជ​បូ​ណ៌ ១​ខ្នង​ថ្មី កំពុងដំណើរការ សាងសង់ និង​ជា​សមិទ្ធផល ដែល​កសាង និង​ឧបត្ថម្ភ​ដោយ សទ្ធា​ជ្រះថ្លា​របស់លោក​ផ្ទាល់​។​

​ព្រះមហា​វិមលធម្ម ពិន សែម សិរី​សុ​វ​ណ្ណោ ព្រះ​រាជាគណៈ​ថ្នាក់​ទោ​និង​ជា​ព្រះគ្រូ​ចៅអធិការ វត្ត​រាជ​បូ​ណ៌ និង​តាងនាម​ឱ្យ​ព្រះសង្ឃ​ក្នុង​វត្ត និង​គណៈកម្មការ​វត្ត សូម​ថ្លែងអំណរគុណ និង​ទឹកចិត្ត​រីករាយ ចំពោះ​សទ្ធា​ជ្រះថ្លា​របស់ លោក ជា ចាន់តូ ដែល​លោក​តែងតែ​យក​ខ្លួន មក​ផ្សារភ្ជាប់​ជាមួយនឹង​វិស័យ​ព្រះពុទ្ធសាសនា​៕/V​