​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ ប៉ូលិស​ទីក្រុង​ហូជីមិញ​បាន​ចាប់​នារី​អាយុ​២២​ឆ្នាំ​ម្នាក់ ចំពោះ​ការជ្រើសរើស​នារី​ប្រមាណ​១.៥០០​នាក់​ភាគច្រើន​ជា​និស្សិត​មហាវិទ្យាល័យ​អោយ​បំរើការ​ជា​ស្ត្រី​​រកស៊ី​ផ្លូវភេទ​។​

​វី ង្វៀន ញឹត វី​(Vu Nguyen Nhat Vy)​ដែល​បច្ចុប្បន្ន​ជា​និស្សិត​មហាវិទ្យាល័យ​មួយ កំពុង​ស្ថិត​ក្រោម​ការស៊ើបអង្កេត​ពីបទ​«​រក​ស្រី​អោយ​ប្រុស​ដើម្បី​ស៊ី​កុំមីស្យុង​»​។​ការចាប់ខ្លួន​នាង​កើត​ឡើង​ក្រោយ​​ពី​នាយកដ្ឋាន​ប៉ូលិស​ព្រហ្មទណ្ឌ​នៅ​ក្រោម​ក្រសួង​សន្តិសុខ​សាធារណៈ សហការ​ជាមួយ​ប៉ូលិស​ក្រុង​ហូជីមិញ​ធ្វើការ​ឆ្មក់​ចូល​ឆែកឆេរ​សណ្ឋាគារ​ជាច្រើន​នៅក្នុង​សង្កាត់​ទី​១​ក្នុង​ទីក្រុង​ភាគ​ខាងត្បូង​នេះ និង​បាន​​រក​ឃើញ​បុរស​និង​ស្ត្រី​ជាច្រើន​ដេក​ជាមួយគ្នា​។​

​ក្រោយមក នាង​វី​បាន​សារភាព​ថា​មាន​ជាប់​ពាក់ព័ន្ធ​នឹង​គូស្នេហ៍​ទាំងនោះ​។​

​ពួក​អ្នក​ស៊ើបអង្កេត​បាន​និយាយថា កាលពី​ខែ​វិច្ឆិកា​មុន វី​បាន​បង្កើត​គណនី​ជាច្រើន​លើ​កម្មវិធី​Zalo​និង​Telegram ក្រៅ​ពី​បង្កើត​ក្រុម​ឯកជន​មួយចំនួន​នៅក្នុង​បណ្តាញ​សង្គម​Facebook​ដើម្បី​​ជ្រើសរើស​ស្ត្រី​បំរើ​សេវាកម្ម​ផ្លូវភេទ​។​ប៉ូលិស​បាន​និយាយថា ក្រុម​នេះ​មាន​ស្រី​ប្រមាណ​១.៥០០​នាក់​ធ្វើ​ការបំរើ​សេវា​ផ្លូវភេទ​មិន​ត្រឹម​តែ​នៅ​ទីក្រុង​ហូជីមិញ តែ​នៅ​បណ្តា​ខេត្ត​ក្បែរ​ខាង​ប៊ិញ​យឿង និង​ដុង​ណៃ​ ព្រមទាំង​ទីក្រុង​ហាណូយ​ផងដែរ​។​

​នាង​វី​បាន​យក​ថ្លៃ​ពី​អតិថិជន​ជា​បុរស ម្នាក់​បី​ទៅ​២៥​លាន​ដុង​(១៣០-១.១០០​ដុល្លារ​)​ក្នុង​ការបំរើ​សេវា​ផ្លូវភេទ​មួយ​លើកៗ ប្រាំមួយ​ទៅ​៥០​លាន​ដុង​សំរាប់​សេវា​មួយ​យប់ ២០​ទៅ​២៥​លាន​ដុង​សំរាប់​ដំណើរ​​កម្សាន្ត​សិច​មួយថ្ងៃ និង​៥០​លាន​ដុង​សំរាប់​រួមភេទ​ប្រាំមួយ​ទៅ​ប្រាំបី​ដង​ក្នុង​មួយខែ​។​

​សំរាប់​ភ្ញៀវ​ណា​មើលរូប​ជ្រើស​យក​ស្រី​ត្រូវ​តាម​ចិត​ចង់​បាន​ត្រូវ​បង់​លុយ​មួយ​លាន​ដុង​ថែម​ទៀត​។​

​ប៉ូលិស​បាន​និយាយថា​វី រក​បាន​ប្រាក់​យ៉ាងតិច​២០០​លាន​ដុង​(៨.៧០០​ដុល្លារ​)​តាំងពី​មុន​មក​ពី​រប​រ​រក​ស្រី​អោយ​ភ្ញៀវ និង​ថា​នាង​បាន​ចំណាយ​លុយ​ទាំង​នេះ​មួយចំនួន​លើ​សេវា​និង​របស់របរ​ប្រើប្រាស់​ប្រ​​ណិ​តៗ​៕

​នាង វី ង្វៀន ញឹត វី​​​​មុននិងក្រោយការចាប់ខ្លួន