ដោយៈ ប​.​ជ័យ / បន្ទាយ​មាន​ជ័​យៈ កម្លាំង​នគរបាល​ប៉ុស្តិ៍​រដ្ឋបាល​គោ​កឋិន សហការ​ជាមួយនឹង​ក្រុមការងារ បោសសំអាត​មីន​ហេ​ឡូ​ត្រា​ស្ត (Halo Trust) កាលពី​ម៉ោង ៩ ព្រឹក​ថ្ងៃទី​២៤ ខែមេសា ឆ្នាំ​២០២២ បាន​ទៅ​ទទួលយក គ្រាប់​យុទ្ធ​ភ័​ណ្ឌ មិន​ផ្ទុះ ប្រភេទ​គ្រាប់ មីន​ជាន់ PMN2 (​ប្រឆាំង​រថក្រោះ ឬ​មីនតោន​) ចំនួន ១២ គ្រាប់ នៅ​ចំណុច​ខាងជើង​ភូមិ​ព្រះ​ឈរ ឃុំ​គោក​កឋិន ដែល​ម្ចាស់​គ្រឿងចក្រ អេស្កាវ៉ាទ័រ ចូក​លើក​ផ្លូវ ហើយ​បាន​ប្រទះឃើញ​។​

​ករណីនេះ នគរបាល​ស្រុក​ថ្មពួក នៅ​ថ្ងៃទី​២៥ ខែមេសា បាន​ទាក់ទង​ខាង​ជំនាញ ផ្នែក​កម្ទេច​គ្រឿងផ្ទុះ និង​ការពារ​ជនរងគ្រោះ នៃ​អង្គការ​បោសសម្អាត​មីន ដើម្បី​មក​យកទៅ​រក្សាទុក នៅ​ទីកន្លែង​សុវត្ថិភាព​ហើយ ៕/V​