​ដោយ​: សុខ​សុ​ភ័​ណ្ឌ​/​កំពង់ស្ពឺ​: យ៉ាងហោចណាស់​មនុស្សម្នា​ក់​ស្លាប់​ភ្លាមៗ​នៅនឹងកន្លែង ឯ​ម្នាក់ទៀត​រងរបួស​ធ្ងន់​បន្ទាប់ពី​ម៉ូតូ​ប៉ះ​ជាមួយ​រថយន្ត នៅតាម​បណ្តោយ​ផ្លូវជាតិ​លេខ​៤ ចន្លោះ​គីឡូម៉ែត្រ​លេខ​៣៧-៣៨ ត្រង់ចំណុច​ភូមិ​អូរ​ក្រាំង​អំបិល ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ កាលពី​វេលា​ម៉ោង​១២:២០​នាទី​យប់​ថ្ងៃទី​២៦ ខែមេសា ឆ្នាំ​២០២២​។​

​នគរបាល​មូលដ្ឋាន​បាន​ឲ្យ​ដឹងថា ជន​រង​ដែល​បាន​ស្លាប់​ដោយសា​រថយន្ត​ប៉ះ​ម៉ូតូ​ហើយ​ដួល​ត្រូវ​រថយន្ត​កិន​នោះ​មានឈ្មោះ​សុខ រស្មី ភេទ​ប្រុស អាយុ​២០​ឆ្នាំ រស់នៅ​ភូមិ​ខ្នុរ​អំពិល ឃុំ​វាល​ពង់ ស្រុក​ឧ​ដុ​ង្ត​។ បើកបរ​ម៉ូតូ​មួយគ្រឿង​ម៉ាក​អ៊ឹម​ស្លា​ស ពាក់​ស្លាក​លេខ ភ្នំពេញ ១IL-៨២៩៣និង​អ្នករួមដំណើរ​ឈ្មោះ​ឈួន វិ​រៈ ភេទ​ប្រុស អាយុ​១៩​ឆ្នាំ​រងរបួស​ធ្ងន់​​រស់នៅ​ភូមិ​ព្រៃខ្លា​ខាងជើង ឃុំ​ព្រៃខ្លា ស្រុក​កោះអណ្តែត ខេត្តតាកែវ ​បើកបរ​ពី​ទិស​ខាង​លិចទៅ​ទិសខាងកើត មកដល់​ចំណុចកើតហេតុ​ខាងលើ​បាន​ប៉ះ​ជាមួយ​រថយន្ត​មួយគ្រឿង​មិន​ស្គាល់​ម៉ាក​នឹង​អត្តសញ្ញាណ​នាក់​បើកបរ បណ្តាលឱ្យ​ម៉ូតូ​ដួល រួច​រថយន្ត​នោះ​ក៏​កិន​ជង​រងគ្រោះ​ស្លាប់​តែម្តង​៕​