ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ្នកជំនួញ​មាន​ស្តុកស្តម្ភ​បី​នាក់​បាន​ត្រឡប់មក​ពី​ស្ថានីយ​អវកាស​អន្តរជាតិ​វិញ ជាមួយនឹង​អវកាសយានិក​អមដំណើ​រ​របស់​ពួកគេ​កាលពី​ថ្ងៃ​ចន្ទ​ទី​២៥​មេសា ដោយ​បាន​បញ្ចប់​ដំណើរ​កម្សាន្ត​ដ៏​ថ្លៃ ដែល​កត់សម្គាល់​ពី​ការចាប់ផ្តើម​ដំបូង​រប​ស់ណា​សា​ក្នុងនាម​ជា​ម្ចាស់ផ្ទះ B&B ។​

​ហោះ​ត្រឡប់មកវិញ​តាម​យាន SpaceX ពួកគេ​បាន​ទម្លាក់​ខ្លួន​ចុះ​ក្នុង​មហាសមុទ្រ​អា​ត្លង់​ទិក​ក្បែរ​ឆ្នេរសមុទ្រ​ផ្លរីដា​ដើម្បី​បិទ​បញ្ចប់​ដំណើរ​ទេសចរណ៍​រយៈពេល ១៧ ថ្ងៃ ដែល​ចំណាយ​អស់ ៥៥​លាន​ដុល្លារ​ក្នុង​​ម្នាក់​។​

​ដំណើរ​កម្សាន្ត​នេះ​តាមពិត​ត្រូវ​ចំណាយពេល​តែ​មួយ​សប្តាហ៍ ប៉ុន្តែ​អាកាសធាតុ​អាក្រក់​បាន​រក្សា​ពួកគេ​នៅ​លើ​ដង​តារាវិថី​យូរ​ជាង​ការគ្រោងទុក​ជិត​ពីរ​ដង​។​

​ស្ថានីយ​គ្រប់គ្រង​បេសកកម្ម SpaceX នៅ​រដ្ឋ​កាលីហ្វ័រ​ញ៉ា​ភាគខាងត្បូង​បានប្រកា​សតាម​វិទ្យុ​ទាក់ទងថា “​សូម​ស្វាគមន៍​ការ​ត្រឡប់មក​ផែនដី​វិញ​។ យើង​សង្ឃឹមថា អ្នក​រីករាយ​នឹង​ការបន្ថែម​ពេល​ប៉ុន្មាន​ថ្ងៃ​នៅក្នុង​លំហ​”​។​

​លោក ឡា​រី ខុន​ន័រ (Larry Connor) មហាសេដ្ឋី​អចលនទ្រព្យ​បាន​និយាយថា “​បេសកកម្ម​ដ៏​អស្ចារ្យ​”​។​

​មុនពេល​ចាកចេញ​ពី​ស្ថានីយ​អវកាស​នៅ​យប់​ថ្ងៃអាទិត្យ​ខាងមុខ មហាសេដ្ឋី​ទាំងបី​បាន​ថ្លែងអំណរគុណ​ដល់​ម្ចាស់ផ្ទះ​ចំនួន​ប្រាំពីរ​នាក់​របស់​ពួកគេ រួម​ទាំង​អវកាសយានិក​ណា​សា​បីនាក់​ដែល​បេសកកម្ម​​ផ្ទាល់ខ្លួន​របស់​ពួកគេ​ជិត​ឈាន​ដល់​ទីបញ្ចប់​ហើយ​។​

​នេះ​ជា​លើកទីមួយ​ហើយ​ដែល​ណា​សា​បើក​ស្ថានីយ​អវកាស​របស់ខ្លួន​ដល់​អ្នកទេសចរ បន្ទាប់​ពី​គេចវេស​ពី​ការអនុវត្ត​បែប​នេះ​អស់​រយៈពេល​ជាច្រើន​ទសវត្សរ៍​ដោយសារ​រុស្ស៊ី​គេ​ធ្វើ​បាន​ល្អប្រសើរ​ជាង​។ កាល​ពី​រដូវ​ស្លឹកឈើ​ជ្រុះ​កន្លងទៅ ក្រុម​អ្នក​ផលិត​ភាពយន្ត​រុស្ស៊ី​បាន​ហោះ​ឡើង​ទៅ​ទី​អវកាស បន្ទាប់​ពី​មហាសេដ្ឋី​ម៉ូដ​ជនជាតិ​ជប៉ុន​និង​ជំនួយការ​របស់​គាត់​បា​ន​ទៅលេង​នៅ​ទីនោះ​។ ក្នុងករណី​នីមួយៗ​ខាងលើ អវកាស​យានិក​ដែល​មាន​កាតព្វកិច្ច​សកម្ម​បាន​ធ្វើដំណើរអ​ម​ជា​មួយពួ​ក​គេ​៕

មហាសេដ្ឋី​សម្បូរ​លុយ​ទាំង​បី​វិល​មក​ផែនដី​វិញ​កាលពី​ថ្ងៃ​ចន្ទ