ដោយ​: សុខុម / ស្ទឹងត្រែង​: បុរស​ម្នាក់ បើកបរ​ម៉ូតូ ទៅបុក​បង្កា​ន់ ដៃ​ដែក​ស្ពាន ពេញទំហឹង កៀប​ជាប់ ស្លាប់​មួយ​រំពេច ដោយហេតុ​ការណ៍​នោះ បានកើត​ឡើង នៅ​ចំណុច​ស្ពាន អូរ​ចាប ព្រំប្រទល់ ភូមិ​បាន​ប៊ុង និង ភូមិ​កំ​ភុ​ន ស្រុក​សេសា​ន ខេត្តស្ទឹងត្រែង នា​វេលា​ម៉ោង ៥​និង​៤០​នាទី ល្ងាច ថ្ងៃទី​២៥ ខែមេសា ឆ្នាំ​២០២២​។​

​សមត្ថកិច្ច បាន​ឲ្យ​ដឹងថាៈ ជនរងគ្រោះ ឈ្មោះ ជា ហូ​ម អាយុ ៣២ ឆ្នាំ រស់នៅ​ភូមិ​ភ្លុក ឃុំ​ភ្លុក ស្រុក​សេសា​ន​។ ករណី​គ្រោះថ្នាក់​នេះ បង្កឡើង​ដោយ ខ្លួនឯង ក្នុងទិសដៅ ពី​ខាងលិច ទៅខាង​កើត​។ ម៉ូតូ​ដែល​ជនរងគ្រោះ ជិះ​ម៉ាក​ហុងដា វ៉េវ អេស គ្មាន​ស្លាក​លេខ ពណ៌​ក្រហម ខូចខាត​ខ្លាំង នៅ​ផ្នែក​ខាងមុខ​។​

​ក្រោយពេល​កើតហេតុ សមត្ថកិច្ច ក៏បាន​យក​ម៉ូតូ មក​រក្សាទុក​នៅ​អធិការ ដ្ឋា​ន​នគរបាល ស្រុក​សេសា​ន​។ រីឯ​សព​បានប្រគល់​ទៅឱ្យ ក្រុមគ្រួសារ​យក ទៅធ្វើ​បុណ្យ តាម​ប្រពៃណី ៕/V​-PC