​ប្រែ​សម្រួលៈបំណង​(NYTIMES)៖​រដ្ឋមន្ត្រី​ការពារជាតិ​អង់គ្លេស​បេន វ៉ាល់​ឡេស​(Ben Wallace)​បាន​ប្រាប់​សភា​កាលពី​ថ្ងៃ​ចន្ទ​ទី​២៥​មេសា​ថា​ទាហាន​រុស្ស៊ី​ប្រមាណ​១៥.០០០​នាក់​ត្រូវបាន​សម្លាប់​ចាប់តាំងពី​ពេល​​ចាប់ផ្តើម​សង្គ្រាម​នៅ​អ៊ុ​យក្រែន​។​

​ការប៉ាន់ស្មាន​នេះ​ផ្អែកលើ​ការ​វាយ​តំលៃ​របស់​ក្រសួង​ការពារជាតិ​អង់គ្លេស បន្ថែម​លើ​ការ​វាយ​តំលៃ​របស់​មន្ត្រី​អង្គការ​ណា​តូ​កាល​ពី​មួយ​ខែ​មុន​ដែលថា រដ្ឋាភិបាល​ទីក្រុង​មូ​ស្គូ​បាត់បង់​ទាហាន​ពី​៧.០០០​ទៅ​១៥.០០០​នាក់​។​ទោះជា​យ៉ាងណា​វា​នៅ​ទាប​ជាង​ឆ្ងាយ​ពី​ការអះអាង​របស់​រដ្ឋាភិបាល​អ៊ុយ​ក្រែន​កាលពី​ថ្ងៃច​ន្ទ​ដែល​ថា ទាហាន​រុស្ស៊ី​ប្រមាណ​២១.៩០០​ត្រូវបាន​សម្លាប់​។​

​ក្រសួង​ការពារជាតិ​អង់គ្លេស​ក៏បាន​វាយ​តំលៃ​ថា រុស្ស៊ី​បាន​បាត់បង់​រថពាសដែក​ជាង​២.០០០​គ្រឿង រួម​មាន​រថក្រោះ​យ៉ាងតិច​៥៣០​គ្រឿង ឧទ្ធម្ភាគចក្រ​និង​យន្តហោះ​ប្រយុទ្ធ​ជាង​៦០​គ្រឿង​ចាប់​តាំងពី​ពេល​​ចាប់ផ្តើម​សង្ក្រាម​កាលពី​ចុងខែ​កុម្ភៈ​។​

​អង់គ្លេស​អះអាងថា រុស្ស៊ី​បាន​បាត់បង់​រថ​ពាស​ដែល​ជាង​២.០០០​គ្រឿង រួម​មាន​រថក្រោះ​យ៉ាងតិច​៥៣០​គ្រឿង

​ការប៉ាន់ស្មាន​របស់​អង់គ្លេស​ខ្ពស់ជាង​ការអះអាង​របស់​រុស្ស៊ី​ខ្លួនឯង​ដល់​ទៅ​១១​ដង​។​រុស្ស៊ី​កាលពី​ថ្ងៃ​២៥​មីនា​បាន​រាយការណ៍​ថា​ទាហាន​ខ្លួន​ស្លាប់​តែ​១.៣៥១​នាក់​និង​មិនបាន​ធ្វើ​បច្ចុប្បន្នភាព​តួលេខ​ស្លាប់​​ចាប់តាំងពី​ពេលនោះ​មក​។​

​លោក​រដ្ឋមន្ត្រី​បេន វ៉ាល់​ឡេស​ក៏​បាន​ប្រាប់​សភា​ថា អង់គ្លេស​នឹង​បង្កើន​ជំនួយ​យោធា​សំរាប់​អ៊ុ​យក្រែន ដោយ​ផ្តល់អោយ​នូវ​រថ​ពាស​ដែល​បំពាក់​កាំជ្រួច​បាញ់​យន្តហោះ​ធុន​ស្តម​មឺ​(Stormer)​។​

​រថពាសដែក​Stormer​ទម្ងន់​១៣,៥​តោន​នេះ​បំពាក់​កាំជ្រួច​បាញ់​យន្តហោះ​ដែល​អាច​ប្រតិបត្តិការ​ទាំងថ្ងៃទាំងយប់​និង​បើ​ក្នុង​ល្បឿន​៨០​គីឡូម៉ែត្រ​ក្នុង​មួយ​ម៉ោង​។​វា​បំពាក់​កាំជ្រួច​ស្តា​ស្ត្រេក​(Starstreak)​ចំនួន​ប្រាំបី​គ្រាប់ ដោយ​កាំជ្រួច​មួយៗ​បំពាក់​ក្បាល​គ្រាប់​បញ្ជា​នាំ​ផ្លូវ​ដោយ​ឡាស៊ែរ​ហើយ​បំបែក​ជា​បី ដើម្បី​កំទេច​គោលដៅ​ណាមួយ​អោយ​សុះ​ខ្ទេច​។​

​លោក​រដ្ឋមន្ត្រី​បេន វ៉ាល់​ឡេស បានអោយដឹងថា កាំ​ជ្រួច​Starstreak​ត្រូវ​បាន​កងកម្លាំង​អ៊ុយ​ក្រែន​ប្រើ​ក្នុងស​មរភូមិ​រួច​ហើយ ហើយ​ការបញ្ជូន​យាន​Stormer​វា​កាន់តែ​ធ្វើ​អោយ​កងកម្លាំង​អ៊ុ​យក្រែន​​ងាយស្រួល​បាញ់​កាំជ្រួច​ទម្លាក់​យន្តហោះ​រុស្ស៊ី​ថែម​ទៀត​៕

​រថពាសដែក​Stormer​ទ​បំពាក់​កាំជ្រួច​ស្តា​ស្ត្រេក នឹង​ត្រូវ​បញ្ជូន​អោយ​កងកម្លាំង​អ៊ុ​យក្រែន​