​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ស្រា​វី​ស្កុតវី​ស្គី​ដប​ធំ​ហើយ​វែង​បំផុត​របស់​ពិភពលោក ដែល​មាន​កម្ពស់​មនុស្ស និង​បំពេញ​ដោយ​ស្រា​នៅ​ហាង Macallan អាយុ ៣២​ឆ្នាំ​ចំណុះ​៣១១​លីត្រ​​ដែល​ស្មើនឹង​ដប​ស្តង់ដារ​៤៤៤​ដប នឹង​ត្រូវ​ស្ថិតក្រោម​ញញួរ​ដេញថ្លៃ​ឆាប់ៗ​។​

​នៅពេល​ដែល​វា​ដាក់លក់​នៅ​ឯ​ក្រុមហ៊ុន Lyon & Turnbull ដែល​មាន​មូលដ្ឋាន​នៅ​ទីក្រុង​អេឌីន​បឺក (Edinburgh) នៅ​ខែ​ក្រោយ គេ​សង្ឃឹមថា ស្រា The Intrepid នឹង​បំបែក​កំណត់ត្រា​តម្លៃ ១,៩ លាន​ដុល្លារ ហើយ​ក្លាយជា​ស្រា​ថ្លៃ​បំផុត​មិន​ធ្លាប់​លក់​ពីមុនមក​។​

​លោក ខូលីន ហ្វ្រា​សឺ (Colin Fraser)​នៃ​ក្រុមហ៊ុន​ដេញថ្លៃ Lyon & Turnbull ដែល​នឹង​ដឹកនាំ​ការដេញថ្លៃ​នេះ បាន​និយាយថា​”​ខ្ញុំ​ប្រាកដថា​នឹង​មាន​ចំណាប់អារម្មណ៍​ជា​សកល​នៅ​ក្នុងការ​​ដេញថ្លៃ​ស្រា The Intrepid ជា​ប្រជុំ​ស្រា​ពិសេស​តែមួយគត់​ដែល​មាន​ដប​បំបែក​ឯតទគ្គ​កម្ម​ឈរ​នៅ​កម្ពស់ ១,៥៦ ម៉ែត្រ​មិន​គួរ​ឱ្យ​ជឿ​”​។

“​អ្នកដេញថ្លៃ​នឹង​មាន​ឱកាស​ទិញ​ចំណែក​នៃ​ប្រវត្តិ​សា​សស្ត្រ​ស្រា​វី​ស្កុតវី​ស្គី​។ ពួកគេ​នឹង​ក្លាយ​ជា​ម្ចាស់​ស្រា​ស្កុតវី​ស្គី​ផ្តាច់មុខ​ចំណាស់ ៣២ ឆ្នាំ​ពី​កន្លែង​ផលិត ដែល​គេ​ចាត់ទុក​យ៉ាង​ទូលំទូលាយ​ថា​ជា​រោងចក្រ​ចម្រាញ់​ស្រា​ល្អ​បំផុត​របស់​ពិភពលោក គឺ The Macallan”៕

ស្រា​ស្កុតវី​ស្គី The Intrepid រំពឹង​លក់​ដេញថ្លៃ​បាន​យ៉ាងតិច ១,៩ លាន​ដុល្លារ