ប្រែ​សម្រួលៈ​បំំ​ណង​(​ដេល្លី​ម៉េល​)៖ ពួក​អ្នក​ជួយសង្គ្រោះ​បាន​រកឃើញ​អ្នក​នៅ​មាន​ជីវិត​ពីរ​នាក់​ទៀត​ពី​គំនរ​អាគារ​ដែល​បានរ​លំបាក់​កាលពី​បី​ថ្ងៃមុន​នៅ​ចិន​កណ្តាល នេះ​បើ​តាម​ការផ្សាយ​របស់​សារ​​ព័ត៌មាន​រដ្ឋ​កាលពី​ថ្ងៃ​អង្គារ​។​

​ទីភ្នាក់ងារ​សារព័ត៌មាន​ចិន​ស៊ីន​ហួរ​បាន​និយាយថា បុរស​ម្នាក់​និង​ស្ត្រី​ម្នាក់ ត្រូវ​បាន​ទាញ​ចេញ​ពី​គំនរ​ថ្ម​ស៊ីម៉ង់ត៍​កាលពី​រសៀល​ថ្ងៃ​ចន្ទ​និង​ដើម​ថ្ងៃ​អង្គារ​ទី​៣​ឧសភា​។​

​ស្ត្រី​ដែល​ការជួយ​សង្គ្រោះ​គាត់​ត្រូវបាន​ធ្វើឡើង​ក្រោយ​នៅ​ក្រោម​គំនរ​ថ្ម​បាក់បែក​អស់​៨៨​ម៉ោង បាន​អោយ​សញ្ញា​ដល់​បុគ្គលិក​ជួយសង្គ្រោះ ដែល​ប្រើ​ឧបករណ៍​ចាប់​សញ្ញា​ជីវិត​។​ស៊ីន​ហួរ​បាន​និយាយថា ស្ត្រី​​នេះ​នៅ​ដឹងខ្លួនហើយអាច​និយាយ​ទាក់ទង​ជាមួយ​អ្នក​ជួយ​សង្គ្រោះ​។​

​ការបាក់​អាគារ​កំពស់​ប្រាំមួយ​ជាន់​នេះ​បាន​កើតឡើង​កាល​ពី​ថ្ងៃត្រង់​ថ្ងៃ​សុក្រ​សប្តាហ៍​មុន នៅ​ទីក្រុង​ចាង​សា​(Changsha)​ក្នុង​ខេត្ត​ហ៊ូ​ណាន​។​ប៉ូលិស​បាន​ឃាត់ខ្លួន​មនុស្ស​ប្រាំបួន​នាក់ រួម​មាន​ម្ចាស់​សំណង់​ម្នាក់​ចំពោះ​ការ​មិន​យកចិត្តទុកដាក់​បទដ្ឋាន​សំណង់ ឬ​រំលោភ​ច្បាប់​ផ្សេងៗ​។​មនុស្ស​បីនាក់​ដែល​ទទួលបន្ទុក​រចនា​ប្លង់​និង​សាងសង់ និង​ប្រាំ​នាក់​ទៀត​ដែល​បាន​ផ្តល់​ព័ត៌មាន​វាយ​តំលៃ​ក្លែងក្លាយ​សំរាប​សង់ផ្ទះ​​សំណាក់​មួយបន្ថែម​នៅ​លើដំបូល​អាគារ​នេះ ក៏​ត្រូវបាន​ឃាត់ខ្លួន​ផងដែរ​។​

​សូមបញ្ជាក់​ថា អាគារ​ដែលរ​លំបាក់​នេះ មាន​កន្លែង​ស្នាក់នៅ ហាង​កាហ្វេ​មួ​យ​និង​ហាង​លក់ដូរ​ជាច្រើន​ទៀត​។​

​រូប​បញ្ចេញ​ដោយ​សារព័ត៌មាន​ស៊ីន​ហួរ បង្ហាញ​អ្នក​ជួយសង្គ្រោះ​បញ្ជូន​មនុស្ស​ទី​ប្រាំបួន​ដែល​ពួកគេ​បាន​ទាញ​ចេញពី​គំនរ​អាគារ​បាក់​នៅ​ក្រុង​ចាង​សា​កាលពី​ថ្ងៃ​៣​ឧសភា​

​ក្រោម​មាន​ការបាក់​អាគារ​សាង់សង់​ឡើង​ដោយ​ខ្លួនឯង​ជា​ច្រើន​នៅ​ប៉ុន្មាន​ឆ្នាំ​មកនេះ ប្រធានាធិបតី​ចិន ស៊ី ជីន​ភីង បាន​និយាយ​កាលពី​ថ្ងៃ​សៅ​រ៍ថា វា​ចាំបាច់​ត្រូវ​ត្រួតពិនិត្យ​និង​ជួសជុល​សំណង់​ដូច្នេះ​​ដើម្បី​កុំអោយ​កើតមាន​គ្រោះថ្នាក់​។​

​ការអនុវត្ត​ច្បាប់​សំណង់​មិន​ម៉ឺងម៉ាត់ រួម​មាន​ការសង់​ជាន់​បន្ថែម​និង​ការ​មិន​បាន​ដាក់​គ្រោង​ដែក​បន្ថែម ច្រើន​តែ​នាំ​ដល់​គ្រោះថ្នាក់រ​លំបាក់​អាគារ​ដូច្នេះ​នៅ​ចិន​៕

​ទីភ្នាក់ងារ​សារព័ត៌មាន​ស៊ីន​ហួរ​បង្ហាញ​អាគារ​ដួលរលំ​នៅ​ក្រុង​ចាង​សា​