​ដោយ​: វ៉ៃ​កូ / ខេត្តស្វាយរៀង​:​ ក្នុងនាម​លោកស្រី​កិត្តិ​សង្គហ​បណ្ឌិត ម៉ែន សំអន អនុប្រធាន​គណបក្ស​ប្រជាជន​កម្ពុជា និង​ជា​ប្រធាន​ក្រុមការងារ​គណបក្ស​ចុះ​មូលដ្ឋាន​ខេត្តស្វាយរៀង លោក លី ធុជ សមាជិក​គណៈកម្មាធិកា​រ​កណ្តាល និង​ជា​ប្រធាន​ក្រុមការងារ​គណបក្ស​ចុះ​មូលដ្ឋាន​ក្រុង​បាវិត រសៀល​ថ្ងៃទី​០៨ ខែឧសភា ឆ្នាំ​២០២២ នេះ​បាន​អញ្ជើញ​ចុះសាកសួរ​សុខទុក្ខ​តាម​ខ្នង​ផ្ទះ និង​នាំយក​អំណោយ​ដ៏​ថ្លៃថ្លា​របស់ សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ចែកជូន​ដល់​ប្រជាពលរដ្ឋ​ចំនួន ២៥​គ្រួសារ ដែលមាន​ជីវភាព​ខ្វះខាត ព្រមទាំង​បាន​ជួប​សំណេះសំណាល​ជាមួយ​លោកយាយ​-​លោកតា ស្ថិតក្នុង​ភូមិ​បាវិត​លើ សង្កាត់​បាវិត ក្រុង​បាវិត​។​

​ក្នុងឱកាស​នោះ លោក លី ធុជ បាន​ពាំ​នាំនូវ​សេចក្តី​នឹករលឹក និង​សាកសួរ​សុខទុក្ខ​ពីស​ម្តេច​តេ​ជោ នាយករដ្ឋមន្ត្រី និង​សម្តេច​កិត្តិ​ព្រឹទ្ធ​បណ្ឌិត ប្រធាន​កាកបាទក្រហមកម្ពុជា ជូន​ដល់​បងប្អូន​ប្រជាពលរដ្ឋ​ស្ថិតក្នុង​ក្រុង​បាវិត ព្រមទាំង​បានស្នើ​សុំ​ឲ្យ​ប្រជាពលរដ្ឋ​បន្ត​គាំទ្រ​ការដឹកនាំ​របស់​រាជរ​ដ្ឋា​ភិ​បាល​កម្ពុជា និង​គណបក្ស​ប្រជាជន​កម្ពុជា ដើម្បី​បន្ត​រក្សា​សន្តិភាព និង​ការអភិវឌ្ឍ​។​

​លោក លី ធុជ បាន​បន្តទៀតថា មានតែ​គណបក្ស​ប្រជាជន​កម្ពុជា​តែមួយគត់ ដែល​តែងតែ​នៅ​រួមរស់ ស្គាល់​ទុក្ខលំបាក និង​ដោះស្រាយ​រាល់​បញ្ហា​ប្រឈម​របស់​បងប្អូន​ប្រជាពលរដ្ឋ​គ្រប់ពេលវេលា ព្រមទាំង​បាន​កសាង​នូវ​សមិទ្ធផល​យ៉ាងច្រើន​ចាប់ពី​ទីប្រជុំជន រហូតដល់​មូលដ្ឋាន ដូច​អ្វីដែល​បងប្អូន​បានឃើញ​យ៉ាងច្បាស់​នាពេល​បច្ចុប្បន្ននេះ​។​

​ក្នុងការ​បោះឆ្នោត​ជ្រើសរើស​ក្រុមប្រឹក្សាឃុំ​សង្កាត់​អាណត្តិ​ទី​៥​ខាងមុខនេះ លោក លី ធុជ បាន​អំពាវនាវ​ឲ្យ​បងប្អូន​ប្រជាពលរដ្ឋ​ទាំងអស់​ទៅ​បោះឆ្នោត​ឲ្យ​បាន​គ្រប់ៗ​គ្នា និង​បោះឆ្នោត​ជូន​គណបក្ស​ប្រជាជន​កម្ពុជា ដើម្បី​ការអភិវឌ្ឍ​នៅ​មូលដ្ឋាន និង​ដើម្បី​គ្រួសារ​របស់​យើងទាំងអស់គ្នា​៕​