ប្រែ​សម្រួលៈ​បំណង​(​ដេល្លី​ម៉េល​)៖ នៅ​ប៉ុន្មាន​ម៉ោង​មុន​ការបោះឆ្នោត​ជាតិ​ហ្វីលីពីន​ចាប់ផ្តើម​កាលពី​ព្រឹក​ថ្ងៃ​ចន្ទ​ទី​០៩​ឧសភា មនុស្ស​ប្រាំបួន​នាក់​បាន​រងរបួស​នៅពេល​គ្រាប់បែក​ចំនួន​ប្រាំ​បាន​ផ្ទុះ​នៅក្រៅ​​ស្ថានីយបោះឆ្នោត​មួយ​ក្នុង​តំបន់​ភាគខាងត្បូង​ដែល​បាន​ការបោះ​បោរ​របស់​ក្រុម​អ្នក​កាន់​សាសនា​អ៊ីស្លាម​។​

​តាម​ទម្លាប់​ការបោះឆ្នោត​នៅ​ហ្វីលីពីន​ជា​ពេល​ងាយ​នឹង​មាន​អំពើ​ហិង្សា នៅក្នុង​ប្រទេស​មួយ​ដែល​ច្បាប់​គ្រប់គ្រង​អាវុធ​មាន​ភាព​ធូររលុង គួបផ្សំ​នឹង​វប្បធម៌​នយោបាយ​ហិង្សា តែ​ប៉ូលិស​បាន​និយាយថា​​ការបោះឆ្នោត​នា​រដូវ​នេះ​មាន​ភាពស្ងប់ស្ងាត់​ជាទូទៅ​។​

​ហ្វីលីពីន​ដាក់ពង្រាយ​កងកម្លាំង​សន្តិសុខ រួម​មាន​ទាហាន​និង​ប៉ូលិស​រាប់ពាន់នាក់​ដើម្បី​ធានា​សន្តិសុខសំរាប់​ការបោះឆ្នោត​នា​ថ្ងៃ​០៩​ឧសភា​

​ការវាយប្រហារ​បាន​កើត​ឡើង​កាលពី​យប់​ថ្ងៃអាទិត្យ ក្នុង​ទីប្រជុំជន ដា​ទុ អ៊ុន​សាយ​(Datu Unsay)​លើ​កោះ​មីន​ដា​ណាវ​ដែលជា​តំបន់​ធ្វើ​សកម្មភាព​របស់​ក្រុម​ប្រដាប់​អាវុធ​ជា​ច្រើន​ចាប់​ពី​ពួក​បះបោរ​​កុំម្មុយនីស្ត ដល់​ពួក​សកម្មប្រយុទ្ធ​អ៊ីស្លាម ។​

​នៅ​ប៉ុន្មាន​នាទី​ក្រោយមក​ទៀត គ្រាប់បែកដៃ​មួយ​បាន​ផ្ទុះ​នៅក្នុង​ទីប្រជុំជន​សារីហ្វ អា​ហ្គ័​ក​(Shariff Aguak) តែ​មិន​មាន​ជនរងគ្រោះ​ទេ​។​ទីប្រជុំជន​កើតហេតុ​ទាំងពី​ស្ថិតនៅក្នុង​ខេត្ត​ ម៉ា​ហ្គូ​អ៊ីនដា​ណាវ​(Maguindanao)​។​

​ប៉ូលិស​បាន​និយាយថា ជនរងគ្រោះ​បាន​កំពុង​ដើរ​ចេញពី​ភូមិ​នៅ​តំបន់​ភ្នំ​ទៅ​បោះឆ្នោត​នៅ​សាលាក្រុង​នៅពេល​ស្ថានីយបោះឆ្នោត​បើ​កនៅ​ម៉ោង​៦​ព្រឹក​ថ្ងៃ​ចន្ទ​នៅ​ទូទាំង​ប្រទេស​ប្រជុំ​កោះ​នេះ​។​

​សូម​រំលឹក​ថា នៅ​ឆ្នាំ​២០០៩ ខេត្ត​ម៉ា​ហ្គូ​អ៊ីនដា​ណាវជា​កន្លែង​ប្រយុទ្ធ​គ្នា​សម្លាប់​មនុស្ស​ច្រើន​បំផុត​មួយ​រវាង​ក្រុម​ឈរឈ្មោះ​បោះឆ្នោត​ប្រជែង​គ្នា​។​ពេល​នោះ​មនុស្ស​៥៨​នាក់​ត្រូវបាន​សម្លាប់​នៅពេល​ខ្មាន់​កាំ​​ភ្លើង​របស់​ស្តេចត្រាញ់​មួយ​បាន​រារាំង​មិន​អោយ​មនុស្ស​របស់​ក្រុម​ប្រជែង​មួយ​ដាក់ពាក្យ​ឈរឈ្មោះ​បោះឆ្នោត​។​អ្នកស្លាប់​រួម​មាន​អ្នកកាសែត​រាប់សិប​នាក់​ផង​ដែល​បាន​ទៅយក​ព័ត៌មាន​អំពី​ហេតុ​ការប្រ​​ទាំង​ប្រទើស​គ្នា​នោះ​។​

​ក្នុងពេល​ជាមួយគ្នា អ្នកនាំពាក្យ​គណៈកម្មាធិការ​រៀបចំ​កា​រ​បោះឆ្នោត​បាន​និយាយថា គេ​កំពុង​កំណត់​ថា​តើ​ការផ្ទុះ​គ្រាប់​បែ​កាលពី​យប់​ថ្ងៃអាទិត្យ​មាន​ពាក់ព័ន្ធ​នឹង​ការបោះឆ្នោត​ដែរ​ឬ​អត់​។​

​សូមបញ្ជាក់​ថា មុខ​តំណែង​ជាង​១៨.០០០​ចាប់ពី​ប្រធានាធិបតី អនុ​ប្រធានាធិបតី រហូត​ដល់​អភិបាលក្រុង​និង​សមាជិក​ក្រុមប្រឹក្សា​ខេត្ត​ក្រុង​កំពុង​ឈរឈ្មោះ​សំរាប់​ការបោះឆ្នោត​នៅ​ថ្ងៃ​ចន្ទ​ទី​០៩​ឧសភា​​នេះ​នៅ​ហ្វីលីពីន​។​កូនប្រុស​របស់​អតីត​មេដឹកនាំ​ហ្វែរ​ឌីណ​ង់ ម៉ាកូ​ស លោក ម៉ាកូ​ស ជូនៀ ត្រូវ​គេ​រំពឹង​ទូទៅ​ថា​នឹង​ឈ្នះ​ការបោះឆ្នោត​នេះ​៕

​លោក ម៉ាកូ​ស ជូនៀ ត្រូវ​រំពឹងថា​នឹង​យក​ឈ្នះ​គូប្រជែង​លំដាប់​ទី​ពីរ​លោក​ស្រីឡេ​នី រ៉ូ​ប្រេ​ដូ ដោយ​ងាយ ដោយសារ​ការស្ទង់មតិ​បង្ហាញ​ថា​លោក​នាំមុខ​៣០​ភាគរយ​