ប្រែ​សម្រួលៈ​បំណង(ស្ពុ​ត​និច​)៖ ដុន​បាស (Donbass)​តំបន់​ធ្លាប់តែ​ជា​មជ្ឈមណ្ឌល​ឧស្សាហកម្ម​និង​រ៉ែ​ធ្យូងថ្ម​របស់​អ៊ុ​យក្រែន បាន​ក្លាយជា​កន្លែង​ប្រយុទ្ធ​បង្ហូរឈាម​ចាប់តាំងពី​និទាឃ​រដូវ​ឆ្នាំ​២០១៤ បន្ទាប់​​ពី​រដ្ឋាភិបាល​ក្រុង​គៀវ​បញ្ជូនទាហាន​ចូល​កំទេច​ការតស៊ូ​បះបោរ​ក្នុងមូលដ្ឋាន​រហូតដល់​មានរដ្ឋប្រហារ​ទម្លាក់​រដ្ឋាភិបាល​និយម​រុស្ស៊ី​មួយ​កាលពី​ឆ្នាំ​២០១៤​។​

​ពូ​ទីន ថ្លែង​នៅ​ទីលាន​ក្រហម​ក្នុង​ទីក្រុង​មូ​ស្គូ​កាលពី​ថ្ងៃ​ចន្ទ ក្នុងពេល​ប្រទេស​ប្រារព្វ​ទិវា​ជ័យជម្នះ​របស់​សហភាព​សូ​វៀត​លើ​អាឡឺម៉ង់​ណា​ស៊ី

​មនុស្ស​ជាង​១៣.០០០​នាក់ រួម​មាន​ជន​ស៊ីវិល​ជាង​៣.៣០០​នាក់​ត្រូវបាន​សម្លាប់ រាប់ពាន់​នាក់​រងរបួស និង​ជាង​២​លាន​នាក់​ភៀសខ្លួន​នៅ​រយៈពេល​ប៉ុន្មាន​ឆ្នាំ​ក្រោយមក​។​

​បើ​តាម​ប្រធានាធិបតី​រុស្ស៊ី​លោក​វ្ល៉ា​ឌី​មៀ ពូ​ទីន រុស្ស៊ី​មិន​ត្រូវបាន​ផ្តល់​ឳ​កាស​ដើម្បី​ដោះស្រាយ​បញ្ហា​ដុន​បាស​នេះ​ដោយ​សន្តិវិធី​ទេ និង​ថា​«បើសិនជា​សូម្បីតែ​មាន​ឳ​កាស​ម្តង​ដើម្បី​ដោះស្រាយ​បញ្ហា​នេះដោយ​​មធ្យោបាយ​អហិង្សា ពិត​ណាស់​យើង​ទទួលយក​វា តែ​យើ​មិន​ត្រូវបាន​ផ្តល់​ឳ​កាស​សោះ»​។​

​លោក​បាន​បន្តថា ទាហាន​រុស្ស៊ី​ដែល​កំពុង​ចូលរួម​ក្នុង​ប្រតិបត្តិការ​នៅ​អ៊ុយ​ក្រែន​កំពុង​ប្រយុទ្ធ​ដោយ​ក្លាហា​ន វីរភាព​និង​ប្រកប​ដោយ​វិជ្ជាជីវៈ​យោធា និង​ថា​«​ពួកគេនឹង​សំរេចបាន​លទ្ធផល​ដោយគ្មានអ្វី​ត្រូវ​មន្ទិល​ទេ​»​។​

​ការលើកឡើង​របស់​ពូ​ទីន​កាលពី​ថ្ងៃ​ចន្ទ​ជា​ការបញ្ជាក់​ជា​ថ្មី​ឡើងវិញ​ចំពោះ​សម្តី​ដែល​លោក​បាន​និយាយ​កាលពី​ថ្ងៃ​២៤​កុម្ភៈ នៅ​ថ្ងៃ​ដែល​រុស្ស៊ី​និង​សម្ពន្ធមិត្ត​តំបន់​ដុន​បាស​របស់ខ្លួន​ចាប់ផ្តើម​ប្រតិបត្តិការ​យោ​​ធា​របស់គេ​នៅ​អ៊ុ​យក្រែន​។​ក្នុងអំឡុងពេល​ថ្លែង​សុន្ទរកថា​នោះ លោក​បាន​និយាយថា នៅ​ឆ្នាំ​១៩៤០​និង​១៩៤១ មុន​កផ្ទុះ​មហាសង្គ្រាម​ស្នេហា​ជាតិ​(​រណសិរ្ស​ខាងកើត​នៃ​សង្គ្រាមលោកលើកទីពីរ​) សហ​​ភាព​សូ​វៀតបាន​ខិតខំ​រារាំង​សង្គ្រាមឬក៏​យ៉ាងហោច​ណាស់​បាន​ពន្យារ​ពេល​ការផ្ទុះ​សង្គ្រាម ហើយ​ការខិតខំ​នេះ​បាន​ធ្វើអោយ​ពួក​ឈ្លានពាន​ធូរចិត្ត​…​ដែល​វា​បង្ហាញ​កំហុស​មួយ​ដោយសារ​ប្រជាជន​យើង​ត្រូវ​ខាត​​បង់​ច្រើន ។​យើង​នឹង​មិន​សាង​កំហុស​នេះ​ជា​លើក​ទី​ពីរ​ទេ ហើយយើង​ក៏គ្មាន​សិទ្ធិ​ធ្វើ​ដូច្នេះ​ដែរ​»​។​

​សូមបញ្ជាក់​ថា រុស្ស៊ី​បាន​ជំរុញ​អោយ​មាន​ដំណោះស្រាយ​ដោយ​អហិង្សា​ចំពោះ​ជម្លោះ​នៅ​ដុន​បាស​នេះ​កាលពីរ​ដូវក្តៅ​ឆ្នាំ​២០១៤ និង​បាន​ចូលរួម​ក្នុង​កិច្ចព្រមព្រៀង​សន្តិភាព​ទីក្រុង​មីន​សខ៍ទី​១​និង​មី​នស​ខ៍​​ទី​២​នៅ​ឆ្នាំ​២០១៤​និង​២០១៥​។​នៅ​ប៉ុន្មាន​ឆ្នាំ​ក្រោយមក រដ្ឋាភិបាល​ទីក្រុង​មូ​ស្គូ​បាន​ប្រើ​ឋានៈ​របស់​ខ្លួន​ជា​អ្នកធានា​កិច្ចព្រមព្រៀង​នេះ​ដើម្បី​ព្យាយាម​ជំរុញអោយមាន​ដំណោះស្រាយ​មួយ​ចំពោះ​វិបត្តិ ដោយ​​តំបន់​ដុន​បាស​ត្រូវធ្វើ​សមាហរណកម្ម​ចូល​ជាមួយ​អ៊ុយ​ក្រែន​ជាមួយនឹង​ស្វ័យភាព​ធំ​ឡើង​សំរាប់​តំបន់ដូណិត​ស​ខ៍​(Donetsk)​និង​លូ​ហ្កានស​ខ៍​(Lugansk)​។​

​សារព័ត៌មាន​ស្ពុ​ត​និច​របស់​រុស្ស៊ី​បាន​បន្ថែមថា រដ្ឋាភិបាល​អ៊ុយ​ក្រែន​បន្តបន្ទាប់​មិនបានប​ង្កើ​ត​លក្ខខណ្ឌ​ចាំបាច់​សំរាប់​អនុវត្ត​កិច្ច​ព្រមព្រៀង​ទីក្រុង​មីន​ស​ខ៍ ហើយ​ជម្លោះ​បាន​អូសបន្លាយ​ពេល​រាប់​ឆ្នាំ​។​

​នៅ​ដើមឆ្នាំ​២០២២ ជម្លោះ​ដុន​បា​ស ដែល​បាន​ស្ងប់​មួយរយៈ​ដោយសារ​បទ​ឈប់​បាញ់​មិន​ឋិតថេរ​មួយ បានចាប់ផ្តើម​កញ្ជ្រោល​ឡើងវិញ ដោយ​អង្គការ​សំរាប់​កិច្ចសហការ​សន្តិសុខ​នៅ​អឺរ៉ុប​បាន​រាយការណ៍​​អំពី​ការរំលោភ​រាប់ពាន់​លើ​របប​ផ្អាក​ការប្រយុទ្ធ​គ្នា ក្នុង​ទំរង់​ជា​ការបាញ់​ផ្លោង ការ​លប​លួច​បាញ់​និង​ការវាយប្រហារ​បែប​វិច្ឆេទកម្ម​ពី​សំណាក់​ភាគី​អ៊ុយ​ក្រែន​នៅ​ប៉ុន្មាន​សប្តាហ៍​ដើមខែ​កុម្ភៈ​។​នៅ​ថ្ងៃ​១៨​កុម្ភៈ​​អាជ្ញាធរ​តំបន់ ដូណិត​សខ៍និង​លូ​ហ្កានស​ខ៍បាន​បញ្ជា​អោយ​ជន​ស៊ីវិល​ភៀសខ្លួន និង​ថ្ងៃ​២១​កុម្ភៈ រុស្ស៊ី​ទទួលស្គាល់​សាធារណរដ្ឋ​ប្រកាស​ដោយ​ខ្លួនឯង​ដូណិត​សខ៍និង​លូ​ហ្កានស​ខ៍ថាជារ​ដ្ឋឯក​រាជ្យ​និង​មាន​អធិប​​តេ​យ្យ​។​

​នៅ​ថ្ងៃ​២៤​កុម្ភៈ នៅពេល​ការបាញ់​ផ្លោង​និង​ការ​លប​លួច​បាញ់​នៅតែ​បន្ត លោកពូ​ទីន​បានប្រកាស​ចាប់ផ្តើម​ប្រតិបត្តិការ​ពិសេស​មួយ​ចូល​អ៊ុ​យក្រែន ក្នុង​បំណង​បន្ថយ​កម្លាំងយោធា​និង​កំទេច​ចោល​ពួក​​ណា​ស៊ី​និយម​នៅ​ក្នុងប្រទេស​ក្បែរ​ខាង​មួយ​នេះ​៕