​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

​ទើស​

​កិរិយាសព្ទ​

​ប៉ះ​, ទល់​; លូក​មិន​ចុះ​
​ចូរ​កាប់​មែកឈើ​ដែល​ទោរ​មកលើ​ផ្លូវ​នេះ​ចោល​ចេញទៅ កុំ​ឲ្យ​ទើសក្បាល​, លើក​ទូ​ចូល​មិន​រួច ព្រោះ​ទើស​នឹង​ទ្វារ ។ ទើសទាល់ ទើស​ផង​ទាល់​ផង​គឺ​ទើស​ដំណើរ​ទាល់​ទំនង​ដោយ​ស្គាល់​យោគយល់​គ្នា​ជាដើម : សូមអ្នក​មានប្រសាសន៍​មក​ចុះ កុំ​ទើសទាល់​អ្វី​! គេ​លក់​អីវ៉ាន់​ឲ្យ​ទាំង​ទើសទាល់ ។ ទើស​ទាស់ ទើស​ផង​ទាស់​ផង​,…​។ ទើស​មេឃ ព​.​ប្រ​. លើកកម្ពស់​ហួសពេក ។ ល ។​

​ធ្លាក់​

​កិរិយាសព្ទ​

​របូត​ពីលើ​ជ្រុះ​ចុះមក​ក្រោម​
​ធ្លាក់​អីវ៉ាន់​ពីលើ​រានហាល ។​
​របូតមាត់​ចេញ​សំដី​ប្រាប់​ការណ៍​ពិត​
​សួរ​ឈ្លេច​ទាល់តែ​ធ្លាក់​សំដី​ពិត​។ ធ្លាក់ខ្លួន ចុះ​សិរី​ខូច​យសស័ក្តិ​ឬ​ទ្រព្យសម្បត្តិ ។ ល ។​

​បណ្ដោះ​

​កិរិយាសព្ទ​

​នាំ​ដោះចេញ​, នាំ​ឲ្យ​ឃ្លាត ដោយ​លបលាក់​
​បណ្ដោះទ្រព្យ​, បណ្ដោះអីវ៉ាន់​, បណ្ដោះ​កូន​ឲ្យ​គេច​ចេញពីផ្ទះ ។​

​ប្រណែងប្រណោង​

​កិរិយាវិសេសន៍​

​រតែងរតោង​, រយេងរយោង​
​រែក​អីវ៉ាន់​ប្រណែងប្រណោង ។​

​ផ្ញើ​

​កិរិយាសព្ទ​

​ប​ញ្ចូ​ន​បញ្ញើ​ពី​ទីមួយ​ទៅកាន់​ទីមួយ​ទៀត​
​ផ្ញើ​សំបុត្រ​ទៅ​បងប្អូន​នៅ​កំពង់ចាម​, ផ្ញើ​អីវ៉ាន់​តាម​កប៉ាល់ ។​
​ដាក់​ទុក​ឲ្យ​គេ​ទទួលបញ្ញើ​ដោយមាន​ពាក្យ​ផ្ដាំ ឬ សន្យា​យ៉ាងណាៗ​
​ខ្ញុំ​សុំ​ផ្ញើ​ហិប​នេះ​នៅផ្ទះ​អ្នក​សិន​ដល់​ថ្ងៃស្អែក​ខ្ញុំ​នឹង​មក​យក ។​