​ប្រែ​សម្រួលៈ​បំណង​(Bloomberg,ST)៖ កុមារ​បួន​នាក់​ទៀត​បាន​ស្លាប់​ក្នុង​ការផ្ទុះ​ជំងឺថ្លើម​ស្រួចស្រាល់​ចុងក្រោយ​នេះ​នៅ​ឥណ្ឌូនេស៊ី ដោយ​នាំ​អោយ​ចំនួន​កុមារ​ឥណ្ឌូនេស៊ី​ស្លាប់​ដោយ​ជំងឺ​អាថ៌កំបាំង​​នេះ​កើន​ដល់​ប្រាំ​ពីរ​នាក់​។​

​ករណី​កើត​ជំងឺ​នេះ​ត្រូវបាន​រកឃើញ​នៅ​ទូ​ទាំង​ប្រជាជាតិ​អាស៊ីអាគ្នេយ៍​មួយ​នេះ ដោយ​ភាគច្រើ​នៅក្រុង​ហ្សា​ការតា នេះ​បើ​តាម​វេជ្ជបណ្ឌិត ម៉ូ​ហា​ម៉ា​ត ស្យា​រី​ល​(Mohammad Syahril) ប្រធាន​មន្ទីរ​​ពេទ្យ​រដ្ឋ​មួយ​។​

​វេជ្ជបណ្ឌិត ម៉ូ​ហា​ម៉ា​ត ស្យា​រី​ល បាន​និយាយថា រដ្ឋាភិបាល​កំពុង​ធ្វើកា​រ​វិភាគ​លើ​អ្នកជំងឺ​ដោយ​ប្រើ​បច្ចេកវិទ្យា​រៀប​សំណុំ​ហ្សែ​ន​។​លោក​បាន​អំពាវនាវ​អោយ​មាតាបិតា​នាំ​កូន​មក​ពេទ្យ​បើសិនជា​ពួកគេ​ចេញ​​រោគសញ្ញា​ដូចជា ហៀរ​សំបោរ ក្អួត រាគរូស​ខ្លាំង ក្តៅខ្លួន ចេញ​លឿង​សាច់ ឬ​សន្លប់​ជាដើម​។​

សូមបញ្ជាក់ថា ​នៅ​ទូទាំង​ពិភពលោក កុមារ​ជាង​២០០​នាក់​បាន​កើត​ជំងឺថ្លើម​នេះ ដោយ​នាំអោយ​មាន​ការបារម្ភ​អំពី​ការឆ្លង​រាលដាល​។​កុមារ​ខ្លះ​ដែល​កើត​ជំងឺ​នេះ​ទាមទារ​ការវះកាត់​ដូរ​ថ្លើម​ហើយអ្នកជំនាញើការខ្លះកំពុងសង្ស័យថាវាពាកើព័ន្ធនឹងជំងឺកូវីដ១៩។

​នៅ​មិនទាន់​មាន​ការបញ្ជាក់​នៅ​ឡើយ​ថា​វ៉ាក់សាំង​បច្ចុប្បន្ន​អាច​កាត់បន្ថយ​រោគ​នេះ​៕