ដោយ​: សុវណ្ណ​កុម្ភៈ​/​ភ្នំពេញ​: គិត​ត្រឹម​ម៉ោង​១១​កន្លះ​យប់​ថ្ងៃទី​១៣ ខែឧសភា កម្ពុជា​ដណ្ដើមបាន​មេដាយ​ចំនួន​៨​គ្រឿង​ហើយ ដែល​ក្នុង​
​នោះ​មេដាយមាស​១​គ្រឿង មេដាយប្រាក់​៣​គ្រឿង និង​មេដាយសំរិទ្ធ​៤​គ្រឿង ។​

មេដាយមាស​ដណ្ដើមបាន​ដោយ​អ្នក​ប្រដាល់​ឃី​ក​បុក​ស៊ី​ង ទូច រ៉ា​ឆាន់ មេដាយប្រាក់​ដណ្ដើមបាន​ដោយ​អ្នក​ប្រដាល់​ឃី​ក​បុក​ស៊ី​ង ឈឿង ល្វៃ អ្នក​ប្រដាល់​សាន រ៉ា​គីម អ្នក​ប្រដាល់​កាន់ ម៉េង​ហុង និង​អ្នក​ប្រដាល់​លន បញ្ញា ដែល​ចាញ់​គូប្រកួត​នៅ​វគ្គ​ផ្ដាច់ព្រ័ត្រ ។​

​សម្រាប់​ប្រភេទ​កីឡា​ប៊ូល និង​ប៉េតង់ កីឡាករ​កម្ពុជា សុខ ចាន់​មាន ដណ្ដើមបាន​មេដាយសំរិទ្ធ​លើ​វិញ្ញាសារ​វាយយក​ពិន្ទុ​ឯកត្តជន​បុរស កីឡាការិនី​ប៊ូល និង ប៉េតង់ អ៊ុក ស្រីមុំ ដណ្ដើមបាន​មេដាយសំរិទ្ធ​លើ​វិញ្ញាសា​វាយយក​ពិន្ទុ​ឯកត្តជន​នារី​ដែរ​។ ប្រភេទ​កីឡា​វាយ​កូនឃ្លី​​លើ​តុ​វិញ្ញាសារ​ប្រកួត​ជា​ក្រុម​បុរស​កម្ពុជា​ចាញ់​ថៃ​០​ទល់​៣ និង​ប្រកួត​ជា​ក្រុម​នារី​កម្ពុជា​ចាញ់​ក្រុម​ម្ចាស់ផ្ទះ​វៀតណាម​០​ទល់​៣​ដែរ​៕​