ដោយៈ សុខ​សុ​ភ័​ណ្ឌ / កំពង់ស្ពឺៈ បុរស​ម្នាក់ បាន​ស្លាប់​ភ្លាមៗ នៅនឹងកន្លែង បន្ទាប់ពី​រថយន្ត បុក​ពីក្រោយ​រថយន្ត ត្រង់ចំណុច​ភូមិ​ចំការចេក ឃុំ​យាយ​ម៉ៅ ពេជ្រនិល ស្រុក​ភ្នំស្រួច ខេត្តកំពង់ស្ពឺ តាម​បណ្តោយ​ផ្លូវជាតិ​លេខ​៤ ចន្លោះ​គីឡូម៉ែត្រ​លេខ ៩១- ៩២ កាលពី​វេលា​ម៉ោង ២ រំលងអធ្រាត្រ ឈានចូល​ថ្ងៃទី​១៤ ខែឧសភា ឆ្នាំ​២០២២​។​

​នគរបាល​មូលដ្ឋាន បាន​ឲ្យ​ដឹងថាៈ បុរសរងគ្រោះ ដែល​បាន​ស្លាប់​នោះ មានឈ្មោះ ភឿន វណ្ណា អាយុ ៣៨ ឆ្នាំ រស់នៅ​ភូមិ​តាំង​ឫស្សី ឃុំ​ធម្មតា​អរ ស្រុក​សំរោង​ទង ខេត្តកំពង់ស្ពឺ បើករថយន្ត​ម៉ាក ហ៊ីយ៉ាន់ដាយ ពណ៌​ស ពាក់​ស្លាក​លេខ កណ្តាល 3A-1735 សណ្តោង​សឺ​មី​រ៉ឺម៉ក់ ពាក់​ស្លាក​លេខ 4A-0041 បើកបរ​ទិសដៅ ពី​ខាងកើត ទៅខាង​លិច មកដល់​ចំណុចកើតហេតុ ខាងលើ បាន​រេ​ចង្កូត មក​ខាងឆ្វេង​ដៃ បុក​ពីក្រោយ​រថយន្ត ដឹក​នំ ម៉ាក​ហ៊ីយ៉ាន់ដាយ ពណ៌​លឿង ពាក់​ស្លាក​លេខ ភ្នំពេញ 3F-2267 អ្នកបើកបរ មិន​ស្គាល់ អត្តសញ្ញាណ (​ចុះ​រត់គេច​) បណ្តាលឱ្យ​អ្នកបើកបរ​រថយន្ត កុងតឺន័រ កៀប​ស្លាប់ នៅ​កន្លែងកើតហេតុ​។​

​ក្រោយ​កើតហេតុ សព​ជនរងគ្រោះ សមត្ថកិច្ច បានប្រគល់​ឲ្យ​ក្រុមគ្រួសារ យកទៅ​ធ្វើបុណ្យ តាម​ប្រពៃណី វត្ថុតាង​យកទៅ​រក្សាទុក នៅ​អធិការដ្ឋាន នគរបាល ស្រុក​ភ្នំស្រួច រង់ចាំ​ដោះស្រាយ នៅពេល​ក្រោយ​៕/V​-PC