ដោយ​: ទេ​ពក​ង្រី / ខេត្តកំពង់ឆ្នាំង​: លោក អ៊ូ ជួប​កុសល ប្រធាន​ក្រុមការងារ​ថ្នាក់​ខេត្ត​ចុះ​មូលដ្ឋាន​ឃុំ​ពោធិ៍ ស្រុក​កំពង់លែង បាន​ថ្លែង​ថា សន្តិភាព ស្ថិរភាព និង​ការអភិវឌ្ឍ​នៅ​កម្ពុជា រីកចំរើន​ដល់​បច្ចុប្បន្ន ដោយសារតែ​ការដឹកនាំ​ដ៏​ឈ្លាសវៃ​របស់​ថ្នាក់ដឹកនាំ​គណបក្ស​ប្រជាជន​កម្ពុជា​។

​ប្រសាសន៍​ខាងលើនេះ នៅក្នុង​ពិធី​ជួប​សំណេះសំណាល​ជាមួយ​គ្រួសារ​បក្ស​ចំនួន​២​ភូមិ គឺ​ភូមិ​សំរោង និង​ភូមិ​កំពង់​បា​ចិន ក្នុង​ឃុំ​ពោធិ៍ ស្រុក​កំពង់លែង ដែលមាន​តំណាង​គ្រួសារ​ចូលរួម​ចំនួន ៣២៣​នាក់ នៅ​ថ្ងៃ​
​ទី​១៤ ខែឧសភា ឆ្នាំ​២០២២ ដោយមាន​ការចូលរួម​ពី​លោក យ៉ង់ វណ្ណា ក្រុមការងារ​ថ្នាក់​ខេត្ត ស្រុក ឃុំ​ផងដែរ​។​

​ប្រធាន​ក្រុមការងារ​ថ្នាក់​ខេត្ត​ចុះ​មូលដ្ឋាន​ឃុំ​ពោធិ៍ ស្រុក​កំពង់លែង បានធ្វើការ​អំពាវនាវ​ដល់​ប្រជាពលរដ្ឋ​អញ្ជើញ​ទៅ​បោះឆ្នោត​ជ្រើសរើស​ក្រុមប្រឹក្សា ឃុំ សង្កាត់ អាណត្តិ​ទី​៥ ឲ្យ​បាន​គ្រប់ៗ​គ្នា​នៅ​ថ្ងៃទី​៥ ខែមិថុនា ឆ្នាំ​២០២២ ខាងមុខ​៕​