ដោយៈ ប​.​ជ័យ / បន្ទាយ​មាន​ជ័​យៈ អធិករណ៍​ក្នុងសង្គម​ស៊ីវិល​ក្រៅ​ប្រព័ន្ធ នៅ​វត្ត​សាមគ្គី​មានជ័យ អូរ​ល្ហុង ភូមិ​អូរ​ល្ហុង ឃុំ​ទួល​ពង្រ ស្រុក​ម៉ាឡៃ បាន​កើតឡើង​រ៉ាំរ៉ៃ ស្រួចស្រាល ហើយ​មកទល់ពេលនេះ មាន​ដំណោះស្រាយ ជា​កញ្ចប់​មួយ ដើម្បី​បញ្ចប់ ។​

​យោងតាម​ប្រកា​សលេខ ១៤៣/១៩ របស់​ក្រសួង​ធម្មការ និង​សាសនា ស្ដីពី​ការរៀបចំ​ជ្រើសរើស និង​ការប្រព្រឹត្តទៅ​របស់ គណៈកម្មការ​ទូទាំងប្រទេស ឲ្យ​មាន​គោលដៅ ការគោរព​ប្រតិបត្តិ វិស័យ​ព្រះពុទ្ធសាសនា ដើម្បី​ធានា​នូវ​សន្តិសុខ ជាតិ​សាសន៍ តាម​ពុទ្ធបញ្ញត្តិ ដោយ​ផ្អែកលើ​ព្រះ​វិន័យ​។ ម្យ៉ាងទៀត សេចក្ដីប្រកាស​នេះ មាន​គោលបំណង ដើម្បី​គ្រប់គ្រង​ថែរក្សា​ទ្រព្យសម្បត្តិ ពាក់ព័ន្ធ​នឹង​ថវិកា មក​ឲ្យ​មាន គណនេយ្យភាព តម្លាភាព និង​ប្រសិទ្ធភាព​ខ្ពស់​។​

​ដោយឡែក នៅ​ថ្ងៃ​១៥ កើត ខែ​ពិសាខ ឆ្នាំខាល ពុទ្ធសករាជ ២៥៦៥ ត្រូវ​នឹង​ថ្ងៃ វិសាខបូជា និង​ជា​ថ្ងៃបុណ្យ​ដ៏​ធំ នៃ​ព្រះពុទ្ធសាសនា និង​បន្ទាប់​នា​ថ្ងៃទី​១៦ ខែឧសភា ឆ្នាំ​២០២២ មន្ទីរ​ធម្មការ និង​សាសនា​ខេត្ត​បាន​សហការ​ជាមួយ​ព្រះ​មន្ត្រី​សង្ឃ​ខេត្ត បាន​ធ្វេ​ី​ពិធី​ប្រកាស​សមាសភាព អាចារ្យ គណៈកម្មការ​និង ទីប្រឹក្សា នា​វត្ត​អូរ​ល្ហុង ក្នុង​ឃុំ​ទួល​ពង្រ ស្រុក​ម៉ាឡៃ នៃ​ខេត្តបន្ទាយមានជ័យ​។​

​ព្រះ​ឃោស​រ័​ត្ត យី យ៉ុ​ន ព្រះគ្រូ​ចៅអធិការ​វត្ត​សាមគ្គី​មានជ័យ បាន​មាន​សង្ឃដីកា​ថា​: ពិធី​ប្រកាស​សុពលភាព និង​ប្រគល់​សេចក្ដីសម្រេច​តែង​តាំ ង​ឧបាសក ឧបាសិកា និង​ទីប្រឹក្សា ជំនួយការ ព្រះចៅអធិការ​វត្ត នា​ថ្ងៃនេះ គឺមាន​សារៈសំខាន់​ខ្លាំងណាស់ ជួយ​រម្ងាប់​អធិករណ៍ នឹង​អនុវត្ត​នូវ​តួនាទី​ភារកិច្ច​របស់ខ្លួន ឲ្យ​ទទួលបាន​លទ្ធផល ល្អប្រសើរ​។​

​លោក បៀ​វ ថា​ន ប្រធាន​មន្ទីរ​ធម្មការ និង​សាសនា​ខេត្ត ក៏​ដូច​ព្រះ​ឧ​ត្ត​ម​សីល​ញ្ញាណ ធុល សុធា ព្រះ​មេគណ​ខេត្តបន្ទាយមានជ័យ បាន​មានប្រសាសន៍ នឹង​សង្ឃដីកា​ថា​: ដើម្បី​ឲ្យ​វត្ត​នីមួយៗ មាន​សុខសន្តិភាព ស្រុះស្រួល ធ្វើការ​ដោយ​រលូន មិន​ច្រណែន មើលបំណាំ ឬ​រកាំរកូស ឈ្លោះទាស់ទែង​គ្នា គឺ​តម្រូវ​ឲ្យ​មានការ​សាមគ្គីភាព ជា​ចម្បង​។​ព្រោះថា សាមគ្គីភាព ជា​ចលករ​ដ៏​សំខាន់ មនុស្ស​នៃ​សហ​វិជ្ជមាន ពោលគឺ សន្តិភាព ចូលរួម​ទាំងអស់គ្នា​។ និយាយបានថា ជា​ឫសកែវ​ដ៏​រឹងមាំ ជ្រោមជ្រែង និង​ជ​ន្ទ​ល់​នៃ អហិង្សា សាមគ្គី​ភាពល្អ ដើរ​លើ​គន្លង​វិថី​ទូលំទូលាយ សង្គម​នោះបាន​ទទួល បានឮ សាមគ្គី​ផល គាប់ប្រសើរ​តាម​ហ្នឹង​ដែរ​។​

​លោក បៀ​វ ថា​ន បាន​បន្តទៀតថាៈ ” តួនាទី​ភារកិច្ច​របស់​អាចារ្យ គណៈកម្មការ​វត្ត គឺជា​ជំនួយការ​ឲ្យ​គណៈសង្ឃ​វត្ត​។ មិនមែន​បាន​តួនាទី​ហើយ មក​ធ្វើការ​គ្រប់គ្រង ដឹកនាំ​ចាត់ចែង លើ​ព្រះចៅអធិការ​វត្ត និង​ព្រះសង្ឃ​នោះឡើយ ” ៕/V​