ដោយ​:​ដេប៉ូ​/ព្រះសីហនុ​៖​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​ព្រះសីហនុ បាន​ថ្លែងថា​៖«​ច្រក​ផ្លូវ​ទៅកាន់​ចំណេះដឹង និង​វប្បធម៌ បណ្ណាល័យ​បាន​ដើរតួនាទី​យ៉ាងសំខាន់​ដែលជា​មូលដ្ឋាន​នៅក្នុង​ការសិក្សា ក៏ដូចជា​សង្គម​»​។

ពិធី​ក្រុង​ពាលីសុំ​ម្ចាស់​ទឹក​ម្ចាស់​ដីដើម្បី​សាងសង់​បណ្ណាល័យ នៅ​សាលាបឋមសិក្សា និង​វិទ្យាល័យ​ហ៊ុន សែន មិត្តភាព ស្ថិតនៅ​សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ(រូបថតក្រសួងបរិស្ថាន)

ថ្លែង​ក្នុង​ពិធី​ក្រុង​ពាលីសុំ​ម្ចាស់​ទឹក​ម្ចាស់​ដីដើម្បី​សាងសង់​បណ្ណាល័យ នៅ​សាលាបឋមសិក្សា និង​វិទ្យាល័យ​ហ៊ុន សែន មិត្តភាព ស្ថិតនៅ​សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ លោក សាយ ​សំ​អាល់ ​រដ្ឋមន្ត្រី​ក្រសួងបរិស្ថាន បាន​មានប្រសាសន៍ថា បណ្ណាល័យ​ជា​កន្លែង​បង្កើត​ឱកាស​សម្រាប់​សិស្ស និស្សិត ធ្វើការ​សិក្សា ស្រាវជ្រាវ និង​ជួយ​បង្កើត​គំនិត និង​ទស្សនៈ​ថ្មីៗ ដែលជា​ចំណុច​ស្នូល​នៃ​សង្គម ប្រកបដោយ​ភាព​ច្នៃប្រឌិត និង​ទំនើបកម្ម​។​

គួរ​បញ្ជាក់ថា​បណ្ណាល័យ​ដែលជា​ចំណងដៃ​ថ្មី​សម្រាប់​សិស្សានុសិស្ស​សាលាបឋមសិក្សា និង​វិទ្យាល័យ​ហ៊ុន សែនមិត្តភាព មាន​បណ្តោយ​២៥​ម៉ែត្រ ទទឹង​៨​ម៉ែត្រ កម្ពស់​២​ជាន់ ហើយនឹង​ត្រូវ​ចំណាយពេល​សាងសង់​ជាង​៥​ខែ ក្រោម​ការឧបត្ថម្ភ​កសាង​ដោយ​ក្រសួងបរិស្ថាន រដ្ឋបាលខេត្ត​ព្រះសីហនុ ក្រសួង​អប់រំ និង​កំពង់ផែ​ស្វយ័ត​ក្រុងព្រះសីហនុ​៕​srn

ពិធី​ក្រុង​ពាលីសុំ​ម្ចាស់​ទឹក​ម្ចាស់​ដីដើម្បី​សាងសង់​បណ្ណាល័យ នៅ​សាលាបឋមសិក្សា និង​វិទ្យាល័យ​ហ៊ុន សែន មិត្តភាព ស្ថិតនៅ​សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ(រូបថតក្រសួងបរិស្ថាន)