ដោយ​: ភ្នំ​ស្វាយ​/​បន្ទាយមានជ័យ​: អាគារ​សិក្សា​មួយ​ខ្នង​ស្មើនឹង​ប្រាំ​បន្ទប់​ស្ថិតនៅក្នុង​សាលាបឋមសិក្សា​អូរ​ឬ​ស្សី សង្កាត់​អូរ​ឬ​ស្សី ក្រុង​ប៉ោយប៉ែត ខេត្តបន្ទាយមានជ័យ ត្រូវបាន​សម្ពោធ​ដាក់អោយ​ប្រើប្រាស់​កាលពី​ថ្ងៃ​ទី​១៧ ខែឧសភា ឆ្នាំ​២០២២​។ ក្នុង​ពិធី​នោះ គណៈអធិបតី​ក៏បាន​ជួប​ជាមួយ​មហាជន ប្រជាពលរដ្ឋ ជាង​១.០០០​នាក់​ផងដែរ ។​

​ពិធី​នេះ​ប្រារព្ធ​ធ្វើឡើង ក្រោម​អធិបតីភាព លោក​ឧបនាយករដ្ឋមន្ត្រី កែ គឹមយ៉ាន ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្តបន្ទាយមានជ័យ ព្រមទាំង​មានការ​អញ្ជើញ​ចូលរួម​ពី​សមាជិក​ព្រឹទ្ធសភា រដ្ឋសភា រាជរដ្ឋាភិបាល ប្រធាន​ក្រុមប្រឹក្សា​ខេត្ត សមាជិក អភិបាល​/​អភិបាលរង​ខេត្ត ប្រតិភូ​អមដំណើរ លោក លោកស្រី មន្ត្រីរាជការ​អាជ្ញាធរ​ក្រុង​ប៉ោយប៉ែត កម្លាំងប្រដាប់អាវុធ ប្រជាពលរដ្ឋ យុវជន ប្រជា​ការពារ និង​និស្សិត សិស្សានុសិស្ស​៕​