ដោយ​៖ សុវណ្ណ​កុម្ភៈ / ភ្នំពេញ​៖ ការប្រកួត​ចំបាប់ ក្នុង​ព្រឹត្តិការណ៍​ស៊ី​ហ្គេម ក្នុងថ្ងៃនេះ ក្រុម​កម្ពុជា ហាក់ដូចជា​មានសំណាង មិនល្អ​ឡើយ គឺ​សុទ្ធតែ​ចាញ់​គូប្រកួត ទាំងអស់គ្នា​។​

​កីឡាការិនី ឌិន សាំង បាន​ចាញ់​កីឡាការិនី​ហ្វីលីពីន ក្នុង​វគ្គ​ជម្រុះ​ជុំ​ទី​២ ។ ពួកគេ​ប្រកួត​គ្នា ក្នុង​ប្រភេទ​ទម្ងន់ ៥០ គីឡូក្រាម លើ​វិញ្ញាសា​ចំបាប់​សេរី (Freestyle) ។ ចំបាប់​វិញ្ញាសា​ចំបាប់​សេរី (Freestyle) ដែរ លើ​ប្រភេទ​ទម្ងន់ ៦២ គីឡូក្រាម កីឡាការិនី ជា កញ្ញា របស់​កម្ពុជា ចាញ់​កីឡាការិនី​វៀតណាម ក្នុង​វគ្គ​ជម្រុះ​ជុំ​ទី​១ ។ កីឡាការិនី សម្បត្តិ វណ្ណៈ ប្រកួត​វិញ្ញាសា Freestyle ទម្ងន់ ៥៣ គីឡូក្រាម ប្រកួត​ចាញ់​កីឡាការិនី​វៀតណាម នៅ​វគ្គ​ជម្រុះ​
​ជុំ​ទី​១ ដែរ ។ កីឡាការិនី សឿន នឿន ប្រកួត​វិញ្ញាសា Freestyle ទម្ងន់ ៥៧ គីឡូក្រាម ប្រកួត​ចាញ់​កីឡាការិនី​ថៃ ក្នុង​វគ្គ​ជម្រុះ​ជុំ​ទី​១ ៕/V​