ដោយ​: សុវណ្ណ​កុម្ភៈ​/​ភ្នំពេញ​: នេះ​ជា​លើកដំបូង​ហើយ​ដែល​ក្រុម​បាល់ទះ​កម្ពុជា​បាន​ឡើង​ទៅលេង​នៅ​វគ្គ​ពាក់កណ្ដាល​ផ្ដាច់ព្រ័ត្រ​
​ក្នុង​ព្រឹត្តិការណ៍​ស៊ី​ហ្គេម​ជា​លើកដំបូង ។​

​កម្ពុជា​ដែល​ស្ថិតនៅ​ពូ​ល B ជាមួយ​ថៃ និង ហ្វីលីពីន​នោះ ក្នុងជំនួប​ដំបូង​ជាមួយ​ហ្វីលីពីន ដែលជា​ម្ចាស់​មេដាយប្រាក់​ស៊ី​ហ្គេម​លើក​ទី​៣០ ឆ្នាំ​២០១៩ ក្នុង​លទ្ធផល គឺ​កម្ពុជា​ឈ្នះ​ហ្វីលីពីន​៣​ទល់​១​សិត ឯ​ក្រុម​ហ្វីលីពីន​ក៏​បន្ត​ចាញ់​ថៃ​ក្នុង​លទ្ធផល ០​ទល់​៣​សិត ។​
សម្រាប់​ការប្រកួត​ជាមួយ​ក្រុម​ថៃ​នា​ថ្ងៃទី​១៨ ឧសភា កម្ពុជា​លេង​ចាញ់​ក្រុម​ថៃ​ក្នុង​លទ្ធផល ២​ទល់​៣​សិត គឺ​ក្រុម​ទាំងពីរ​នេះ​តតាំង​ជាមួយគ្នា​រហូតដល់​ទៅ​៥​សិត ។​

​ទោះបី​កម្ពុជា​ចាញ់​ក្រុម​ថៃ​ក៏ពិតមែន ក៏​កម្ពុជា​បាន​កក់​កៅអី​សម្រាប់​វគ្គ​ពាក់កណ្ដាល​ផ្ដាច់ព្រ័ត្រ​រួចទៅហើយ​។ កម្ពុជា​ឈរ​នៅ​ចំ​
​ណាត់​ថ្នាក់​លេខ​២​នៃ​ពូ​ល B ។ វគ្គ​ពាក់កណ្ដាល​ផ្ដាច់ព្រ័ត្រ ដោយ​ត្រូវ​ជួប​ក្រុម​លេខ​១ ពូ​ល A ឥណ្ឌូនេស៊ី ត្រៀម​ប្រកួត​នៅ​ថ្ងៃទី​២០ ខែឧសភា ឆ្នាំ​២០២២​ខាងមុខនេះ ជូនពរ​ក្រុម​បាល់ទះ​កម្ពុជា​ឈ្នះ​នៅ​វគ្គ​ពាក់កណ្ដាល​ផ្ដាច់ព្រ័ត្រ ៕​