​ប្រែ​សម្រួល : កញ្ញា​ដា​លី​ស (​បាងកក​ប៉ុស្តិ៍​) ៖ រដ្ឋាភិបាល​នៅ​អាស៊ីអាគ្នេយ៍​កំពុង​បញ្ចេញ​ផែនការ​មហិច្ឆតា​យ៉ាងខ្លាំង​ក្នុង​ការចាប់យក​ចំណែក​ទីផ្សារ​រថយន្ត​អគ្គិសនី​។ ហើយ​វា​ជា​រឿង​ត្រឹមត្រូវ​ណាស់​ខណៈពេល​​ដែល​ពិភពលោក​ត្រៀម​ខ្លួន​សម្រាប់​ការ​មិន​បំភាយ​កាបូ​ន ឧស្សាហកម្ម​រថយន្ត​កំពុង​ចាប់ផ្តើ​ម​ការផ្លាស់ប្តូរ​ជា​មូលដ្ឋាន​។

​នៅក្នុង​កិច្ចប្រជុំ​កំពូល COP26 កាលពី​ខែ​វិច្ឆិកា ប្រទេស​និង​ក្រុមហ៊ុន​ផលិត​រថយន្ត​ឈាន​មុខ​គេ​ជាច្រើន​បាន​សន្យា​បញ្ឈប់​រថយន្ត​ដែល​ប្រើ​ឥន្ធនៈហ្វូស៊ីល​នៅត្រឹមឬ​មុន​ឆ្នាំ ២០៤០​។​

​នៅ​អាស៊ី​អាគ្នេយ៍ គោលបំណង​គឺ​ច្បាស់​ណាស់​ក្នុង​ការបង្កើត​ឱកាស​សម្រាប់​ឧស្សាហកម្ម​រថយន្ត EV ដើម្បី​បម្រើ​ទាំង​ទីផ្សារ​នាំចេញ​និង​ក្នុងស្រុក​។​

​ជា​ប្រពៃណី ប្រទេស​ថៃ​មាន​កន្លែង​ផលិត​រថយន្ត​ខ្លាំង​បំផុត​នៅក្នុង​តំបន់ ដោយ​ដំឡើងរថយន្ត ២,៥ លាន​គ្រឿង​នៅ​កម្រិត​ខ្ពស់​បំផុត​ក្នុង​ឆ្នាំ ២០១៣​ហើយ​បន្ទាប់​ពី​ជំងឺ​រាតត្បាត​បាន​វាយប្រហារ​បាន​ដំឡើង​១,៧ លាន​គ្រឿងក្នុង​ឆ្នាំ ២០២១​។ ប្រទេស​នេះ​រំពឹង​ទិន្នផល ៣០ ភាគរយ​របស់​ខ្លួន​នឹង​ជា​រថយន្ត​អគ្គិសនី​នៅ​ចុងបញ្ចប់​នៃ​ទសវត្សរ៍​នេះ នេះ​បើ​យោង​តាម​ផែនទី​បង្ហាញផ្លូវ​ដែល​បាន​ចេញផ្សាយ​កាលពី​ឆ្នាំមុន​។​

​ឥណ្ឌូណេស៊ី ជា​ប្រទេស​ផលិត​នី​កែ​ល​ធំ​បំផុត​របស់​ពិភពលោក ដែល​ជា​សមាសធាតុ​សំខាន់​នៅក្នុង​អាគុយ​លី​ចូម មាន​បំណង​ក្លាយជា​មជ្ឈមណ្ឌល​ផលិត និង​នាំ​ចេញ​រថយន្ត EV ។ នៅ​ប្រទេស​វៀតណាម ក្រុមហ៊ុន​រថយន្ត EV របស់​ជាតិ VinFast មានបំណង​ចង់​កាន់កាប់​ទីផ្សារ​សហរដ្ឋ​អាម៉េរិក​និង​អឺរ៉ុប​។​

VinFast​អគ្គិសនី​កំពុង​ព្យាយាម​ដណ្តើម​ចំណែក​ទីផ្សារ​អាម៉េរិក​មុន​ងាក​មក​អាស៊ី​

​ការផ្លាស់ប្តូរ​ទៅ​រក​រថយន្ត​អគ្គិសនី​នឹងមាន​សារៈសំខាន់​ដើម្បី​ការពារ​ការផលិត​យានយន្ត​នៅក្នុង​តំបន់​។ ទោះ​យ៉ាងណា​អ្នកទិញ​នៅ​អាស៊ី​អាគ្នេយ៍​និង​ក្រុមហ៊ុន​ផលិត​រថយន្ត​ដែល​មាន​ស្រាប់​ភាគច្រើន​​មិនទាន់​ត្រៀម​ខ្លួន​រួចជាស្រេច​ក្នុងការ​សម្រប​ខ្លួន​ទេ ដែល​បើក​ឱកាស​សម្រាប់​តួអង្គ​ក្នុងស្រុក​ដើម្បី​ឈាន​ជើង​ចូល​៕

រថយន្ត Nissan Leaf EV កំពុង​សាក​ភ្លើង​នៅ​ពិព័រណ៍​រថយន្ត​អន្តរជាតិ​ក្រុង​បាងកក​ឆ្នាំ​២០២២