​ប្រែ​សម្រួលៈ​បំណង (BLOOMBERG)៖​ស្រីលង្កា​ធ្លាក់​ចូល​ក្នុង​ស្ថានភាព​លែង​អាច​សងបំណុល​បានជា​លើកដំបូង​នៅ​ក្នុង​ប្រវត្តិសាស្ត្រ​របស់​ខ្លួន នៅពេល​រដ្ឋាភិបាល​ខិតខំ​តស៊ូ​បញ្ឈប់​ការដួលរលំ​សេដ្ឋកិច្ច​ដែល​​ជំរុញ​ឡើង​ដោយ​ការតវ៉ា​ប្រឆាំង​អូសបន្លាយ វិបត្តិ​នយោបាយ​និង​ជំងឺឆ្លង​។​

​ពួក​អ្នក​បង្កើត​គោលនយោបាយ​បាន​អោយ​សញ្ញា​ទៅ​ម្ចាស់បំណុល​នានា​ថា ប្រទេស​នេះ​នឹង​មិន​អាច​ធ្វើ​ការទូទាត់​សង​បានទេ​ដរាបណា​ពួកគេ​មិន​រៀបចំ​ការ​សងបំណុល​ឡើងវិញ ហើយ​ដូច្នេះ​ស្រីលង្កា​សុំ​ផ្អាក​​ការសង នេះ​បើ​តាម​ការប្រកាស​របស់​ទេសាភិបាល​ធនាគារកណ្តាល​ស្រីលង្កា​កាលពី​ថ្ងៃ​ព្រហស្បតិ៍​ទី​១៩​ឧសភា​។​

​អ្នក​ប្រឆាំង​តវ៉ា​ធ្វើ​បាតុកម្ម​នៅ​មុខ​លេខាដ្ឋាន​ប្រធានាធិបតីក្នុង​ទីក្រុង​កូឡុំបូ កាលពី​ថ្ងៃ​១៧​ឧសភា​

​ស្រីលង្កា​បាន​ធ្លាក់​ក្នុង​ចលាចល​ចំពេល​មាន​អតិផរណា​ដល់​កំពូល ដោយ​ប្រធាន​ធនាគារ​កណ្តាល​មើលឃើញ​អតិផរណា​នឹង​កើន​ដល់​៤០​ភាគរយ​នៅ​ប៉ុន្មាន​ខែ​ខាងមុខ ខណៈ​រូបិយ​បណ្ណ​ក្នុងស្រុក​ហើម ហើយ​ខ្វះ​រូបបិយបណ្ណ​បរទេស​សំ​រាប់នាំចូល​ស្បៀង​និង​ប្រេងឥន្ធនៈ​។​

​កំហឹង​សាធារណជន​បាន​ពុះកញ្ជ្រោល​ក្លាយទៅជា​អំពើហិង្សា​និង​បាន​នាំ​ដល់​រដ្ឋាភិបាល​ប្រកាស​កាលពី​ខែ​មុន​ថា ខ្លួន​ឈប់​ទូទាត់​បំណុល​បរទេស​ប្រមាណ​១២,៦​ពាន់​លាន​ដុល្លារ​ដើម្បី​ទុក​ប្រាក់​ទិញ​ទំនិញ​ចាំ​​បាច់​។​វា​កត់សំគាល់​ការមិន​អាច​សងបំណុល​បរទេស​បាន​ជា​លើកដំបូង​ចាប់តាំងពី​ប្រទេស​ទទួលបាន​ឯករាជ្យ​ពី​អង់គ្លេស​នៅ​ឆ្នាំ​១៩៤៨​។​

​ប្រទេស​នៅ​អាស៊ី​ខាងត្បូង​នេះ​បាន​និយាយថា ខ្លួន​ត្រូវការ​ប្រាប់​៣​ទៅ​៤​ពាន់​លាន​ដុល្លារ​នៅ​ឆ្នាំ​នេះ​ដើម្បី​ដកខ្លួន​ចេញពី​វិបត្តិ​៕

​ស្រីលង្កា​បានប្រកាស​អស់​ប្រេងសាំង​កាលពី​ថ្ងៃ​១៦​ឧសភា បន្ទាប់​ពី​កំហិត​ម្នាក់​ទិញ​បាន​តែ​ប្រាំ​លីត្រ​