​ប្រែ​សម្រួលៈ​បំណង​(ST)៖​កូរ៉េ​ខាងជើង​បាន​និយាយ​កាលពី​ថ្ងៃ​សុក្រ​ទី​២០​ឧសភា​ថា ខ្លួន​«​សំរេចបាន​លទ្ធផល​ល្អ​»​នៅក្នុង​ការប្រយុទ្ធប្រឆាំង​នឹង​ការផ្ទុះ​ជំងឺ​កូវី​ដ​១៩ នៅពេល​ចំនួន​មនុស្ស​ចេញ​រោគសញ្ញា​​ក្តៅខ្លួន​កើន​ហួស​២​លាន​នាក់​។​

​យោងតាម​ទីភ្នាក់ងារ​សារព័ត៌​មា​កណ្តាល​កូរ៉េ​KCNA ប្រទេស​ឯកោ​នេះ​បាន​រាយការណ៍​អ្នកចេញ​រោគសញ្ញា​ក្តៅខ្លួន​ថ្មី​ចំនួន​២៦៣.៣៧០​នាក់​និង​អ្នកជំងឺ​ពីរ​នាក់​ទៀត​បាន​ស្លាប់​។​តួលេខ​ថ្មី​នេះ​នាំអោយ​​ចំនួន​អ្នក​ចេញ​រោគសញ្ញា​ក្រៅ​ខ្លួន​ដែល​គេ​សង្ស័យថា​កើតកូ​វីដ​១៩​ឡើងដល់​២,២៤​លាន​នាក់​និង​៦៥​នាក់​បាន​ស្លាប់​។​

​ចា​មិន​បាន​បញ្ជាក់ថា​មនុស្ស​ប៉ុន្មាន​បាន​ឆ្លងកូវី​ដ​១៩​ទេ​។​

​ទោះជា​ឆ្លង​ទ្រង់ទ្រាយ​ធំ​និង​មេដឹកនាំ​ប្រកាស​បិទ​ប្រទេស ក៏​កូរ៉េ​ខាងជើង​បាន​និយាយថា ការងារ​កសិកម្ម​នៅ​តែ​បន្ត កម្មករ​រោងចក្រ​នៅ​តែ​ធ្វើការ និង​ថែម​ទាំង​មាន​ផែន​រៀបចំ​ពិធី​បុណ្យសព​អតីត​​ឧត្តមសេនីយ៍​ម្នាក់ផង​។​

KCNA បាន​និយាយថា​«​ទោះជា​ស្ថិតក្រោម​វិធានការ​បង្ការ​ជំងឺឆ្លង​គ្រាអាសន្ន​កំរិត​ខ្ពស់​បំផុត​តែ​ផលិតកម្ម​នៅ​រក្សា​ធម្មតា​នៅក្នុង​វិស័យ​ឧស្សាហកម្ម​សំខាន់ៗ​និង​គំរោង​សំណង់​ធំៗ​។​លទ្ធផល​ល្អ​ត្រូវបាន​​រាយការណ៍​មក​ជាប់​ជា​ប្រចាំ​នៅ​ក្នុង​សង្គ្រាម​ប្រឆាំង​ជំងឺឆ្លង​»​។​

​កំណើន​ការឆ្លង​និង​កង្វះ​ប្រភពធនធាន​វេជ្ជសាស្ត្រ​រួមទាំង​វ៉ាក់សាំង​បង្ការ នាំ​អោយ​ទីភ្នាក់ងារ​សិទ្ធិមនុស្ស​របស់​អង្គការសហប្រជាជាតិ​ចេញ​ការព្រមាន​អំពី​ផលវិបាក​ដ៏​មហន្តរាយ​សំរាប់​ប្រជាជន​២៥​លាន​នា​​ក់​របស់​កូរ៉េ​ខាងជើង​។​អង្គការ​សុខភាព​ពិភពលោក ក្នុងពេល​ជាមួយគ្នា បារម្ភ​អំពី​ការឆ្លង​រាលដាល​ដែល​មិន​អាច​គ្រប់គ្រង​បាន ដែលនាំអោយ​ក​កើតចេញ​វីរុស​បំ​ផ្លែងខ្លួន​ថ្មីៗ​៕

​កូរ៉េខាងជើង​បញ្ជូនទាហាន​ទៅ​ជួយ​ការងារ​ដឹកជញ្ជូន​ថ្នាំ​ទៅកាន់​ឳ​សថ​ស្ថាន​ដើម្បី​ប្រយុទ្ធប្រឆាំង​នឹង​ការកើតចេញ​រោគសញ្ញា​ក្តៅខ្លួន​ទ្រង់ទ្រាយ​ធំ​