​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ កាលពី​ថ្ងៃ​ព្រហស្បតិ៍​ទី​១៩​ឧសភា ព្រឹទ្ធសភា​អាម៉េរិក​បានផ្តល់​ការអនុម័ត​យ៉ាង​រហ័ស​លើ​កញ្ចប់​ថវិកា​ចំនួន ៤០ ពាន់​លាន​ដុល្លារ​នៃ​ជំនួយ​ផ្នែក​យោធា សេដ្ឋកិច្ច​និង​​ស្បៀងអាហារ​សម្រាប់​អ៊ុយ​ក្រែ​ន​និង​សម្ពន្ធមិត្ត​អាម៉េរិ​កដោយ​បង្ហាញ​ការគាំទ្រ​ពី​បក្ស​ទាំង​ទ្វេ​លើ​ការប្តេជ្ញា​ចិត្ត​ដ៏​ធំ​បំផុត​របស់​អាម៉េរិក​ដើម្បី​ប្រែក្លាយ​ការឈ្លានពាន​របស់​រុស្ស៊ី​ទៅ​ជា​ការប៉ះទង្គិច​ដ៏​ឈឺចាប់​​សម្រាប់​ទីក្រុង​មូ​ស្គូ​។​

​ច្បាប់ ដែល​បាន​អនុម័ត​ក្នុង​សំឡេង ៨៦-១១ ត្រូវបាន​គាំទ្រ​ដោយ​សមាជិក​គណបក្ស​ប្រជាធិបតេយ្យ​ទាំងអស់​ដែល​បាន​បោះឆ្នោត និង​សមាជិក​គណបក្ស​សាធារណរដ្ឋ​ភាគច្រើន​។​ខណៈ​បញ្ហា​ជាច្រើន​​ក្រោម​ការដឹកនាំ​របស់​ប្រធានាធិបតី ចូ បៃ​ដិន បាន​ដួលរលំ​នៅ​ក្រោម​ការជាប់គាំង​ខាង​នយោបាយ ការបោះឆ្នោត​កាលពី​ថ្ងៃ​ព្រហស្បតិ៍​បាន​ផ្តល់​សញ្ញា​ថា​គណបក្ស​ទាំងពីរ​បាន​រួបរួម​គ្នា​យ៉ាង​ទូលំទូលាយ​​អំពី​ការបញ្ជូន​សម្ភារៈ​សឹក​ដល់​អ៊ុយ​ក្រែន​ដែល​ត្រូវការ​ចាំបាច់​ដើម្បី​ទប់ទល់​នឹង​កងកម្លាំង​របស់​ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន ដែល​មាន​ចំនួន​ច្រើនជាង​។​

​លោកបៃ​ដិនបាន​និយាយ​នៅក្នុង​សេចក្តីថ្លែងការណ៍​ជា​លាយលក្ខណ៍អក្ស​រថា “​ខ្ញុំ​សូម​អបអរសាទរ​សភា​សម្រាប់​ការផ្ញើ​សារ​ទ្វេ​គណបក្ស​យ៉ាង​ច្បាស់លាស់​ទៅ​កាន់​ពិភពលោក​ថា​ប្រជាជន​នៃ​សហរដ្ឋ​អាម៉េរិក​​ឈរ​រួមគ្នា​ជាមួយ​ប្រជាជន​អ៊ុយ​ក្រែនដ៏​ក្លាហាន នៅពេលដែល​ពួកគេ​ការពារ​លទ្ធិប្រជាធិបតេយ្យ​និង​សេរីភាព​របស់​ពួកគេ​”​។​

​ប្រធានាធិបតី​អ៊ុយ​ក្រែនលោក​វ៉ូ​ឡូឌី​មៀ ហ្សេ​លេន​ស្គី​បាន​ថ្លែងអំណរគុណ​ដល់​សហរដ្ឋអាម៉េរិក​នៅ​ក្នុង​វីដេអូ​ឃ្លី​ប​ពេលយប់​របស់​គាត់​ថា​”​នេះ​គឺជា​ការបង្ហាញ​ពី​ភាព​ជា​អ្នកដឹកនាំ​ដ៏​រឹងមាំ​និង​ការរួមចំណែក​​ដ៏​ចាំបាច់​ដល់​ការការពារ​សេរីភាព​រួម​របស់​យើង​”៕

​ព្រឹទ្ធសភា​អាម៉េរិក​បោះឆ្នោត​គាំទ្រ​ភ្លាមៗ​លើ​កញ្ចប់​ជំ​នួន​៤០​ពាន់​លាន​ដុល្លារ​ដល់​អ៊ុយ​ក្រែ​ន​និង​សម្ពន្ធមិត្ត​អាម៉េរិក​