​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រុម​ស្ករ​គ្រាប់ Everton បានធ្វើការ​វាយបក​ដ៏​អស្ចារ្យ​ពី​ការ​ដែល​គេ​នាំ​មុខមុន​ពីរ​គ្រាប់​ដើម្បី​រក្សា​ឋានៈ​នៅ Premier League របស់​ពួកគេ​ជា​បន្ត ជាមួយ​នឹង​ជ័យជម្នះ ៣-២ លើ​ក្រុម Crystal Palace ខណៈ​ដែល Burnley បាន​ឡើង​ផុត​ពី​តំបន់​កាត់ចោល​បន្ទាប់​ពី​ស្មើ ១-១ នៅ​ទឹកដី​ក្រុម Aston Villa កាលពី​ថ្ងៃ​ព្រហស្បតិ៍​។​

​ក្រុម​របស់​លោក​ហ្វ្រែង ឡាំ​ផាត​បាន​រើប​ឡើងវិញ​ពី​ការ​របូត​ពីរ​គ្រាប់​ក្នុង​តង់​ទីមួយ ខណៈ​ដែល​កីឡាករ ម៉ៃ​ឃើ​ល ខេន (Michael Keane) និង​រី​ឆា​លី​សុន (Richarlison) បាន​ស៊ុត​បញ្ចូល​ទី​តាម​ស្មើ​បន្ទាប់ពី​ការ​សម្រាក មុន​ពេល​កីឡាករ​ដូ​មីនិក ខាល់​វើត ឡេវី​ន (Dominic Calvert-Lewin) ស៊ុត​ចូល​គ្រាប់​ជ័យជម្នះ បង្ក​ឱ្យ​មាន​ការអបអ​រ​សាទរ​ដូច​កម្រោលចូល​នៅ​កីឡដ្ឋាន Goodison Park ។​

​បន្ទាប់​ពី​ការប្រយុទ្ធ​តស៊ូ​ដ៏​គួរ​ឱ្យ​ភ័យខ្លាច​ដើម្បី​ចៀសវាង​ការលេង​នៅក្រៅ​ក្របខ័ណ្ឌ​កំពូល​ជា​លើកដំបូង​ចាប់តាំងពី​ឆ្នាំ ១៩៥៤ ទីបំផុត Everton អាច​ធូរស្បើយ​ក្នុង​ចិត្ត​ខណៈ​នៅសល់​មួយ​ប្រកួត​ត្រូវ​លេង​។​

​ការ​វាយបក​យកឈ្នះ​វិញ​ដ៏​គួរឱ្យ​រំភើប​របស់​ពួកគេ​គឺជា​សមិទ្ធិផល​តូច​មួយ​នៃ​រជ្ជកាល​របស់​ឡាំ​ផាត ចាប់​តាំងពី​គាត់​បាន​ចូលកាន់​តំណែង​កាលពី​ខែ​មករា នៅពេលដែល Everton មើលឃើញ​គ្រោះមហន្តរាយ​ធ្លាក់​ទៅ​លី​ក​លំដាប់​ទី​ពីរ​នៅ​នឹង​មុខ​។​

Everton មាន​បួន​ពិន្ទុ​ពី​លើ​តំបន់​កាត់ចោល ដោយ​ទុក​ឱ្យ​ក្រុម​លេខ​៤​បាត​តារាង Burnley និង​ក្រុម​លេខ​៣​បាត​តារាង Leeds ប្រជែង​គ្នា​ដើម្បី​រស់​នៅ​ថ្ងៃ​ប្រកួត​ចុងក្រោយ​របស់ Premier League នៅ​ថ្ងៃអាទិត្យ​៕

​ប្រិយមិត្ត Everton អបអរ​ការរស់រាន​ជា​បន្ត​នៅ EPL