ដោយ​: ទេ​ពក​ង្រី / ខេត្តកំពង់ឆ្នាំង​: នៅ​ថ្ងៃទី​២១ ខែឧសភា ឆ្នាំ​២០២២​ម្សិលមិញ​នេះ លោក អ៊ុ សុភា សមាជិក​គណៈកម្មាធិកា​រ​គណបក្ស​ប្រជាជន​កម្ពុជា​ខេត្តកំពង់ឆ្នាំង អនុប្រធាន​ក្រុមការងារ​យុវជន​គណបក្ស​ខេត្ត និង​ជា​ប្រធាន​ក្រុមការងារ​គណបក្ស​ថ្នាក់​ខេត្ត​ចុះ​មូលដ្ឋាន​ឃុំ​ក្តុល​សែន​ជ័យ ស្រុក​ទឹកផុស បាន​អញ្ជើញ​ចូលរួម​ក្នុង​ពិធី​បើក​យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ​សង្កាត់​អាណត្តិ​ទី​៥ នៅ​ស្នាក់ការ​គណបក្ស​ប្រជាជន​កម្ពុជា​ឃុំ​ក្តុល​សែន​ជ័យ ក្រោម​អធិបតីភាព ប្រធាន​ក្រុមការងារ​គណបក្ស​ថ្នាក់ជាតិ​ចុះ​មូលដ្ឋាន​ឃុំ​ក្តុល​សែន​ជ័យ ស្រុក​ទឹកផុស ខេត្តកំពង់ឆ្នាំង​។​

​អញ្ជើញ​មានមតិ​សំណេះសំណាល​ក្នុងឱកាស​នេះ លោក អ៊ុ សុភា បាន​មានប្រសាសន៍ ថ្លែងអំណរគុណ​ដល់​ស​មា​ជិ​ក សមាជិកា​ទាំងអស់​ដែល​បាន​ចំណាយពេល​វេលា​ដ៏​មានតម្លៃ​អញ្ជើញ​ចូលរួម​ក្នុង​ពិធី​បើក​យុទ្ធនាការ​នាពេលនេះ និង​បានធ្វើការ​ផ្តាំផ្ញើ​ដល់​សមាជិក​ក្រុម​បក្ស​ទាំងអស់ ទៅ​បោះឆ្នោត​នៅ​ថ្ងៃទី​០៥ ខែមិថុនា ឆ្នាំ​២០២២ ខាងមុខនេះ​៕​