ដោយៈ អង្គា៍​ហេង / កណ្ដាលៈ នារី​ជា​អ្នក​ថ្មើរជើង​ម្នាក់ បាន​ស្លាប់បាត់ បាន​ត្រូវ​ម៉ូតូ​មួយគ្រឿង បើក​បុក នៅពេល​គាត់ កំពុង​ដើរ​តាមផ្លូវ កំពុង​ដើរ​ត្រូវ​ម៉ូតូ​មួយគ្រឿង​បុក រីឯ​អ្នកបើកបរ​ម៉ូតូ ពីរ​នាក់ បាន​រងរបួស​ធ្ងន់​ស្រាល​។ ករណី​គ្រោះថ្នាក់​ចរាចរណ៍​នេះ បានកើត​ឡើង វេលា​ម៉ោង ៦​និង​៣០​នាទី ថ្ងៃទី​២១ ខែឧសភា ឆ្នាំ​២០២២ នៅលើ​ផ្លូវជាតិ​លេខ​៣ ត្រង់​ចន្លោះ​គីឡូម៉ែត្រ លេខ ៣៣-៣៤ ស្ថិត​ក្នុងភូមិ​គ្រាំង​គាំ ឃុំ​ត្បែង ស្រុក​កណ្ដាលស្ទឹង ខេត្តកណ្ដាល​។​

​មន្ត្រីនគរបាល ស្រុក​កណ្ដាលស្ទឹង បាន​ឲ្យ​ដឹងថាៈ នារី​រងគ្រោះ ឈ្មោះ តុ​ក ស្រី​យិ​ត ភេទ​ស្រី អាយុ ២២ ឆ្នាំ មាន​ទីលំនៅ​បច្ចុប្បន្ន ភូមិ​ស្រែ​ជ័យ ឃុំ​បឹង​ត្រាញ់ ស្រុក​សំរោង ខេត្តតាកែវ ។​
​ចំណែក​អ្នកបើកបរ​ម៉ូតូ ឈ្មោះ សឿន ផន ភេទ​ប្រុស អាយុ ៣៦ ឆ្នាំ (​របួសធ្ងន់​) បើក​ម៉ូតូ​ម៉ាក ហុងដា ឌ្រី​ម សេ​១២៥ ពណ៌​ខ្មៅ ពាក់​ស្លាក​លេខ ភ្នំពេញ ១BJ-០៧៤៨ មាន​អ្នករួមដំណើរ មួយ​នាក់ ឈ្មោះ មុត សុខ​គៀង ភេទ​ស្រី អាយុ ៣៥ ឆ្នាំ (​របួសស្រាល​) ទាំងពីរ​នាក់ ត្រូវជា​ប្ដី​ប្រពន្ធ​នឹង​គ្នា មាន​ទីលំនៅ បច្ចុប្បន្ន ភូមិ​ស្ដុក ឃុំ​ស្ដុក ស្រុក​គងពិសី ខេត្តកំពង់ស្ពឺ​។​

​ប្រភព​ដដែល បាន​បន្តថាៈ នៅវេលា​ម៉ោង​កើតហេតុ សាក្សី​បានឃើញ​ម៉ូតូ ម៉ាក​ហុងដា ឌ្រី​ម សេ​១២៥ ពណ៌​ខ្មៅ ពាក់​ស្លាក​លេខ ភ្នំពេញ ១BJ-០៧៤៨ បើក​ដោយ​ឈ្មោះ សឿន ផន មាន​អ្នករួមដំណើរ​មួយ​នាក់​ជាមួយ ឈ្មោះ មុត សុខ​គៀង ត្រូវជា​ប្ដី​ប្រពន្ធ បើកបរ​ក្នុងទិសដៅ ពី​ខាងត្បូង មក​ខាងជើង (​តាកែវ​-​ភ្នំពេញ​) ពេលមកដល់​ចំណុចកើតហេតុ ខាងលើ បាន​បុក និង​ជនរងគ្រោះ ឈ្មោះ តុ​ក ស្រី​យិ​ត ដែល​កំពុង​ដើរ​ឆ្លងផ្លូវ ពី​ខាងកើត ទៅខាង​លិច បណ្ដាល ឱ្យ​រងរបួស​ធ្ងន់ ហើយ​បន្ទាប់មក ក៏បាន​ស្លាប់ ក្រោយពេល​បញ្ជូន ដល់​មន្ទីរពេទ្យ​។ ចំពោះ វ​ត្តុ​តាង​ម៉ូតូ កម្លាំង​ជំនាញ បាន​យកមក​រក្សាទុក នៅ​អធិការដ្ឋាន ជា​បណ្ដោះអាសន្ន​៕/V​