​ប្រែ​សម្រួលៈ​បំណង​(​ដេល្លី​ម៉េល​)៖ ប្រធានាធិបតី​អាម៉េរិក​លោកចូ បៃ​ដិន កាលពី​ថ្ងៃអាទិត្យ​ទី​២២​ឧសភា​បាន​ចេញដំណើរ​ទៅកាន់​ជប៉ុន​សំរាប់​ការឈប់​សំចត​ជើង​ទី​ពីរ​ក្នុង​ដំណើរ​មួយ​ដែល​មាន​បំណង​បង្កើន​​ភាពជា​អ្នក​ដឹកនាំ​របស់​អាម៉េរិក​នៅ​ទូ​ទាំង​អាស៊ី នៅក្នុង​ការ​ប្រឈម​ទប់ទល់​នឹង​កំណើន​ឥទ្ធិពល​ចិន ព្រមទាំង​កូរ៉េខាងជើង​ប្រដាប់​ដោយ​សព្វាវុធ​នុយក្លេអ៊ែរ​ដែល​មិន​អាច​ទស្សន៍ទាយ​បាន​។​

​បៃ​ដិន បាន​ចាកចេញ​ពី​កូរ៉េខាងត្បូង ក្រោមជួបប្រជុំជាមួយ​ប្រធានាធិបតី​ទើប​ជាប់ឆ្នោត​ថ្មី លោក យូ​ន ស៊ុក​-​យ៉ូល

​បៃ​ដិន បាន​ចាកចេញ​ពី​កូរ៉េខាងត្បូង កន្លែង​ដែល​លោក​បាន​ចូលរួម​ជាមួយ​ប្រធានាធិបតី​ទើប​ជាប់ឆ្នោត​ថ្មី លោក យូ​ន ស៊ុក​-​យ៉ូល​(Yoon Suk-yeol)​ដោយ​បាន​ពិភាក្សា​អំពី​ការពង្រីក​សមយុទ្ធ​យោ​​ធា​រួមគ្នា​ដើម្បី​ទប់ទល់​នឹង​កូរ៉េខាងជើង​ផង​។​

​នៅពេល​មន្ត្រី​នៃ​ប្រទេស​ទាំង​ពីរ​បាន​ព្រមាន​ថា គីម ជុង​អ៊ុន របស់​កូរ៉េ​ខាងជើង​អាច​បង្ក​ភាព​តានតឹង​ជាមួយនឹង​ការសាកល្បង​នុយក្លេអ៊ែរ​ក្នុងពេល​លោកបៃ​ដិន​កំពុង​ស្ថិត​ក្នុង​តំបន់ មេដឹកនាំ​អាម៉េរិក​​រូបនេះ​បាន​និយាយថា សម្ពន្ធមិត្ត​ប្រជា​ធិបត្យ​ត្រូវតែ​ពង្រឹង​ទំនាក់ទំនង​។​

​នៅ​សន្និសីទកាសែត​រួមគ្នា​មួយ​ជាមួយ​លោក​យូ​ន លោកបៃ​ដិន បាន​និយាយ​យោង​ដល់​ការប្រកួតប្រជែង​សកល​មួយ​រវាង​ប្រទេស​កាន់​លទ្ធិប្រជាធិបតេយ្យ​និង​ផ្តាច់ការ និង​បាន​និយាយថា តំបន់​ឥណ្ឌូ​ប៉ា​ស៊ី​​ហ្វិក​ទំនង​នឹង​ក្លាយ​ជា​សមរភូមិ​សំខាន់​មួយ​។​

​នៅពេល​ចិន​ជា​គូប្រជែង​ធំ​របស់​អាម៉េរិក​ក្នុង​សមរភូមិ​នេះ លោកបៃ​ដិ​នក៏បាន​បង្ហាញអោយឃើញ​ការប្រ​ឈម​ស្រួចស្រាល់​មក​ពីរុ​ស្ស៊ី នៅ​ពេល​លោក​ចុះហត្ថលេខា​លើ​ពង្រាង​ច្បាប់​ថវិកា​៤០​ពាន់​លាន​ដុល្លារ​​ដើម្បី​ជួយ​អ៊ុយ​ក្រែន​អោយ​កាន់តែ​មាន​លទ្ធភា​ព​ប្រយុទ្ធ​ទល់​នឹង​កងកម្លាំង​រុស្ស៊ី​។​

​ពង្រាង​ច្បាប់​ដែល​ទើប​ត្រូវ​សភា​អាម៉េរិក​ទាំង​ពីរ​ថ្នាក់​អនុម័ត​ត្រូវបាន​ដឹក​ទៅ​កាន់​ទីក្រុង​សេ​អ៊ូ​ល​ដើម្បីអោយ​លោកបៃ​ដិន​ចុះហត្ថលេខា​អោយ​វា​ក្លាយជា​ច្បាប់​ដោយ​មិន​ចាំបាច់​ដល់​ពេល​លោក​វិល​មក​កាន់​​ទីក្រុង​វ៉ាស៊ីនតោន​វិញ​នៅ​យប់​ថ្ងៃ​អង្គារ​សប្តាហ៍​ក្រោយ​ទេ​។​

​មុន​ចាកចេញ​ពី​ទីក្រុង​សេ​អ៊ូ​ល លោកបៃ​ដិនបាន​ជួប​ប្រធាន​ក្រុមហ៊ុន​Hyundai​ដើម្បី​អបអរ​ការសំរេចចិត្ត​របស់​ក្រុមហ៊ុន​ផលិត​រថយន្ត​ខ្នាត​យក្ស​មួយ​នេះ​ក្នុង​ការវិនិយោគ​យ៉ាងតិច​១០​ពាន់​លាន​ដុល្លារ​​លើ​ការសង់​រោងចក្រ​ផលិត​រថយន្ត​អគ្គិសនី​មួយ​នៅក្នុង​រដ្ឋ​ច​ច​ជៀ របស់​អាម៉េរិក​៕

​បៃ​ដិន ចង់​បាន​ទាំង​ផលប្រយោជន៍​ធុរកិច្ច​និង​សន្តិសុខ​នៅ​ពេល​លោក​បញ្ចប់​ដំណើរ​ទស្សនកិច្ច​កូរ៉េខាងត្បូង​កាលពី​ថ្ងៃអាទិត្យ​។​ក្នុង​រូប លោកបៃ​ដិន ជួប​និង​ថត​ជាមួយ​ប្រធាន​ក្រុមហ៊ុន​Hyundai​លោក​​អ៊ុយ​ស៊ុន ជុង កាលពី​ថ្ងៃ​២២​ឧសភា​