​ប្រែ​សម្រួលៈ​បំណង​(​ដេល្លី​ម៉េល​)៖ ការ​ធ្លាក់ភ្លៀង​ខ្លាំង​បាន​បង្ក​ការ​ជន់​លិច​ទូទៅ​នៅ​ផ្នែក​ជាច្រើន​នៃ​ប្រទេស​បង់​ក្លា​ដែស​និងឥ​ណ្ឌា​ដោយ​នាំ​អោយ​មនុស្ស​រាប់លាន​នាក់​ជាប់​នៅ​កណ្តាល​ទឹក​និង​យ៉ាងហោច​​ណាស់​៥៧​នាក់​ស្លាប់​។​

​នៅ​បង់​ក្លា​ដែស មនុស្ស​ប្រមាណ​២​លាន​នាក់​ជាប់​ក្នុង​ទឹកជំនន់​នៅ​ភាគ​ឦសាន​ប្រទេស​។​យ៉ាងតិច​ភូមិ​១០០​ត្រូវ​ជន់​លិច​ក្រោយ​ទឹក​បុក​មក​ពី​ឥណ្ឌា បណ្តាលអោយ​ទឹក​ឡើង​បាក់​ច្រាំង​ទន្លេ បា​រ៉ាក់​។​

​ម៉ូ​សា​រ៉ា​ហ្វ ហូ​ស​សេន មន្ត្រី​ប្រចាំ​តំបន់​នោះ បាន​និយាយថា «​មនុស្ស​ប្រមាណ​២​លាន​នាក់​ជាប់​ក្នុង​ទឹកជំនន់​តាំងពី​មុន​មក​»​។​

​ទោះជា​យ៉ាងណា​ជំនន់​អាក្រក់​បំផុត​ក្នុង​រយៈពេល​២០​ឆ្នាំ​នៅ​បង់​ក្លា​ដែល​ភាគ​ឦសាន​បានចាប់ផ្តើម​ស្រក​កាលពី​ថ្ងៃអាទិត្យ​ទី​២២​ឧសភា តែ​ពួក​អ្នក​ជួយ​សង្គ្រោះ​បន្ត​ជួយ​មនុស្ស​រាប់លាន​នាក់​នៅ​ឡើយ​។​

​ជំនន់​តែង​បង្ក​ទុក្ខ​លំបាក​ដល់​មនុស្ស​រាប់​លាន​នាក់​នៅ​បង់​ក្លា​ដែសដី​ទាប​និង​ប្រទេស​ក្បែរ​ខាង​ឥណ្ឌា តែ​អ្នកជំនាញការ​ជា​ច្រើន​និយាយ​ថា ការប្រែប្រួល​អាកាសធាតុ​កាន់តែ​បង្កើន​ចំនួន​និង​ទំហំ​ព្រម​​ទាំង​ការ​មិន​អាច​ទស្សន៍ទាយ​ទុក​បាន​អំពី​ជំនន់​។​

​នៅ​មួយ​សប្តាហ៍​មក​នេះ ក្រោយ​ការ​ធ្លាក់ភ្លៀង​ខ្លាំង​នៅ​ឥណ្ឌា ទឹកជំនន់​បាន​ហូរ​បុក​ទម្លាយ​ច្រាំង​ទន្លេធំ​មួយ​នៅ​បង់​ក្លា​ដែស ដោយ​បណ្តាល​អោយ​ប៉ះពាល់​មនុស្ស​ប្រមាណ​២​លាន​នាក់​

​យ៉ាងហោច​ណាស់​មនុស្ស​៤៧​នាក់​ត្រូវបាន​សម្លាប់​នៅ​ឥណ្ឌា​នៅ​សប្តាហ៍​នេះ​ក្នុង​ទឹកជំនន់ ការបា​ក់ដី​សង្កត់​និង​ព្យុះភ្លៀង​។​មនុស្ស​១៤​នាក់​បាន​ស្លាប់​ក្នុង​ការបា​ក់ដី​នៅក្នុង​រដ្ឋ​អា​សាម និង​៣៣​នាក់​ស្លាប់​​ដោយ​ឧបទ្ទវហេតុ​ពាក់ព័ន្ធ​នឹង​ព្យុះ​ភ្លៀង​នៅក្នុង​រដ្ឋ​ប៊ី​ហា​៕