​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ខេត្ត​ហឺ​ណាន​របស់​ចិន​បាន​បញ្ជា​ឱ្យ​ប្រជាជន​ជិត ១០០ លាន​នាក់​របស់​ខ្លួន​ធ្វើតេស្តិ៍​កូវី​ដ​រៀង​រាល់​ពីរ​ថ្ងៃ​ម្តង ដែល​ជា​ជំហាន​មិន​ធ្លាប់​មាន​ពីមុន​មក​ខណៈ​ប្រទេស​​នេះ​កំពុង​ប្រឈម​មុខ​នឹង​ការកើនឡើង​នៃ​ករណី​ឆ្លង​ជំរុញ​ដោយ​អូ​មី​ក្រុង​។​

​ចិន​បាន​បន្ត​អនុវត្ត​គោលនយោបាយ​កូវី​ដ​សូន្យ​របស់ខ្លួន ដោយ​បាន​ដាក់​ចេញ​ការបិទ​ខ្ទប់​យ៉ាង​តឹងរ៉ឹង​និង​ការ​រឹតត្បិត​បំលាស់​ទី​លើ​ទីក្រុង​ជាច្រើន​សូម្បី​ពិភពលោក​ទាំងមូល​បាន​ងាក​ទៅរក​ការ​រស់​​នៅ​ជាមួយ​វីរុស​នេះ​ក៏ដោយ​។​

​ការទប់ស្កាត់ ដែល​រួម​បញ្ចូល​ទាំង​ការបញ្ជា​ឱ្យ​ស្នាក់នៅ​ផ្ទះ​នៅក្នុង​ទីក្រុង​សៀង​ហៃ​ដែល​ជា​ក្បាលម៉ាស៊ីន​សេដ្ឋកិច្ច​និង​ការ​រឹតបន្តឹង​ខ្លាំង​ឡើង​នៅ​ទូទាំង​ទីក្រុង​ប៉េកាំង​បាន​ធ្វើឱ្យ​ប៉ះពាល់​ដល់​សេដ្ឋកិច្ច​ចិន​​យ៉ាងធ្ងន់ធ្ងរ​។​

​ដើម្បី​ចៀសវាង​ការបិទ​ខ្ទប់​ទីក្រុង​ទាំង​ស្រុង រដ្ឋបាល​តាម​តំបន់​នានា​កំពុង​អនុវត្ត​ការធ្វើ​តេស្តិ៍​ញឹកញាប់​ដើម្បី​រកឱ្យឃើញ​ករណី​ឆ្លង​កាន់តែ​លឿន និង​កាត់ផ្តាច់​ចង្កោម​មេរោគ​ដោយ​មិន​ចាំបាច់​បញ្ជា​ឱ្យ​​ប្រជាជន​ទាំងអស់​ស្នាក់​នៅ​ក្នុងផ្ទះ​។​

“​អ្នកស្រុក​នៃ​ខេត្ត (​ហឺ​ណាន​) និង​បុគ្គល​ផ្សេងទៀត​នៅ​ទី​នោះ​គួរតែ​បំពេញ​ការធ្វើតេ​ស្តិ៍​រក​កូ​វីដ​យ៉ាងហោច​ណាស់​ម្តង​រៀង​រាល់ ៤៨ ម៉ោង​” នេះ​បើ​យោង​តាម​អត្ថបទ​ដែល​បាន​បង្ហោះ​កាលពី​ថ្ងៃអាទិត្យ​​នៅលើ​វេបសាយ​របស់​រដ្ឋបា​ល​ក្នុង​តំបន់​។​

​អាជ្ញាធរ​បាន​និយាយថា ការ​ធ្វើតេស្តិ៍​នេះ​នឹង​ចាប់ផ្តើម​នៅក្នុង​ទីក្រុង​ចេងចូ​វ ជាទី​រួម​ខេត្ត​ហឺ​ណាន​នៅមុន​ដំណាច់​ខែ​ឧសភា ដើម្បី​ជួយ “​កំណត់​អត្តសញ្ញាណ​ហានិភ័យ​ដែ​លអាច​កើតមាន​” យ៉ាង​ឆាប់រហ័ស​។​

​របាយការណ៍​បាន​បន្ថែមថា អ្នកស្រុក​ដែល​មិន​គោរព​តាម​នឹង​មាន​បញ្ហា​ក្នុង​ការស្កែន​លេខកូ​ដដែល​ត្រូវការ​ចាំបាច់​ដើម្បី​ចូល​កន្លែង​សាធារណៈ ឬ​ការដឹកជញ្ជូន​សាធារណៈ​៕

​ចិន​បាន​បន្ត​អនុវត្ត​គោលនយោបាយ​កូវី​ដ​សូន្យ​របស់ខ្លួន ដោយ​បាន​ដាក់​ចេញ​ការបិទ​ខ្ទប់​យ៉ាង​តឹងរ៉ឹង​និង​ការ​រឹតត្បិត​បំលាស់​ទី​លើ​ទីក្រុង​ជាច្រើន