​ដោយ​: ចាន់តូ​/​ភ្នំពេញ​: យុវ​សិស្ស​ពីរ​នាក់ ត្រូវបាន​រថយន្ត​ដឹក​ស៊ីទែន​ប្រេង បើក​បុក​ម៉ូតូ​ពីក្រោយ កាលពី​វេលា​ម៉ោង​១១:២០​នាទី ព្រឹក​ថ្ងៃទី​២៤ ខែឧសភា ឆ្នាំ​២០២២ នៅតាម​ផ្លូវជាតិ​លេខ​៤ ភូមិ​អង្គ​កែវ សង្កាត់​ចោមចៅ​៣ ខណ្ឌ​ពោធិ​សែន​ជ័យ​។​

​បើតាម​ប្រភព​នៅ​កន្លែង​បាន​ឲ្យ​ដឹងថា មុន​កើតហេតុ យុវ​សិស្ស​រងគ្រោះ​បាន​ជិះ​ម៉ូតូ​ម៉ាក​ហ្ស៊ូ​ម​មឺ​រ គ្នា​ពីរ​នាក់ ពណ៌​ស ពាក់​ស្លាក​លេខ កំពង់ស្ពឺ ១K-១០៦៤ ចេញពី​សាលារៀន​ជម្ពូ​វ័ន ពី​កើ​តទៅ​លិច ដល់​ចំណុចកើតហេតុ ស្រាប់តែ​រថយន្ត​បង្ក ម៉ាក CHENGLONG ពណ៌​ទឹកប្រាក់ ពាក់​ស្លាក​លេខ ភ្នំពេញ ៣F-៩៤៧៣ ស៊ីទែន​ដឹក​ប្រេង របស់​ក្រុមហ៊ុន​សូគីម៉ិច បើក​ពី​កើ​តទៅ​លិច ជ្រុល​បុក​ពីក្រោយ បណ្តាល​ឲ្យ​យុវ​សិស្ស​ទាំងពីរ​នាក់​រងរ​បួស​ធ្ងន់ ចំណែក​អ្នកបើកបរ​រថយន្ត​ចុះ​គេចខ្លួនបាត់​។​

​ក្រោយ​កើតហេតុ ជនរងគ្រោះ​ទាំងពីរ​នាក់​ត្រូវបាន​រថយន្ត​គ្លីនិក​ឯកជន​ដឹក​យកទៅ​សង្គ្រោះ ចំណែក​រថយន្ត និង​ម៉ូតូ សមត្ថកិច្ច​វាស់វែង​យកទៅ​រក្សាទុក នៅ​ផ្នែក​ជំនាញ​ខណ្ឌ រងចាំ​ដោះស្រាយ​ពេល​ក្រោយ​៕​