ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មាន​កម្ពស់​តែ​ជាង​កន្លះ​ម៉ា​យ (៨២៩,៨ ម៉ែត្រ​) អគារ Burj Khalifa គឺជា​អគារ​ខ្ពស់​ជាង​គេ​បំផុត​នៅលើ​ពិភពលោក​ចាប់តាំងពី​វា​ត្រូវបាន​សាងសង់​ក្នុង​ឆ្នាំ ២០០៤​។​ប៉ុន្តែ​អគារ​ដ៏​ធំ​សម្បើម​របស់​ទីក្រុង​ឌូ​បៃមាន​មាឌតូ​ចជាង​នោះ​ទេ​បើ​ប្រៀបធៀប​ទៅ​នឹង​អាចម៍ផ្កាយ​ដែល​គ្រោង​នឹង​ហោះ​ឆ្លងកាត់​ផែនដី​ក្នុង​សប្តាហ៍​នេះ​។​

​អាចម៍​ផ្កាយ​ដែល​មានឈ្មោះ​ថា 7335 (1989 JA) មាន​អង្កត់ផ្ចិត ១,៨ គីឡូម៉ែត្រ ហើយ​នឹង​ហោះ​ឆ្លងកាត់​ភពផែនដី​របស់​យើង​នៅ​ថ្ងៃ​សុក្រ​ទី​២៧​ឧសភា​។​

​ខណៈ​ណា​សា​ចាត់ថ្នាក់​អាចម៍ផ្កាយ​នេះ​ថា​ជា “​គ្រោះថ្នាក់​ដែល​អាច​កើតមាន​” វា​មិន​ទំនង​បង្ក​ការគំរាមកំហែង​ដល់​ភពផែនដី​របស់​យើង​នោះទេ ដោយ​ឆ្លងកាត់​នៅ​ចម្ងាយ​ប្រហែល​៤​លាន​គីឡូម៉ែត្រ​។​

​បើ​គិត​ក្នុង​បរិបទ នោះ​គឺ​ស្មើ​ជិត ១០ ដង​នៃ​ចម្ងាយ​ជា​មធ្យម​រវាង​ផែនដី​និង​ព្រះ​ចន្ទ​។​

​យោង​តាម​មជ្ឈមណ្ឌល​សិក្សា​វត្ថុ​នៅ​ជិត​ផែនដី​របស់​ណា​សា ដែល​តាមដាន​ថ្ម​អវកាស​បានឱ្យដឹងថា អាចម៍ផ្កាយ​នេះ​នឹង​ហោះ​ឆ្លងកាត់​ផែនដី​នៅ​ម៉ោង ១៤៖២៦​នាទី​ម៉ោង​សកល​នៅ​ថ្ងៃ​សុក្រ​ទី​២៧​ឧសភា​។

​នៅ​ចំណុច​នោះ អាចម៍ផ្កាយ​នឹងមាន​ចម្ងាយ ០,០២៦ ឯ​កតា​តារាសាស្ត្រ (៤ លាន​គីឡូម៉ែត្រ​) ពី​ផែនដី ហើយ​ធ្វើ​ដំណើរ​ក្នុង​ល្បឿន​ដ៏​គួរឱ្យភ្ញាក់ផ្អើល​ប្រហែល ៤៧.៣២១ គីឡូម៉ែត្រ​ក្នុង​មួយ​ម៉ោង​។​នោះ​គឺ​លឿន​​ជាង​គ្រាប់កាំភ្លើង​ប្រហែល១៤,៥ ដង​៕

​អាចម៍​ផ្កាយ 7335 (1989 JA) នឹង​ហោះ​កាត់​ផែនដី​នៅ​ថ្ងៃ​សុក្រ​