ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ រុស្ស៊ី​កាលពី​ថ្ងៃ​អង្គារ​ទី​២៤​ឧសភា​បានបង្ហាញ​សញ្ញា​ថា ខ្លួន​កំពុង​ចូលមក​ធ្វើសង្គ្រាម​យូរអង្វែង​នៅ​អ៊ុ​យក្រែន ខណៈ​ជម្លោះ​បាន​ឈាន​ចូលដល់​ខែ​ទី​បួន​ក្នុងពេល​មានការ​ប្រយុទ្ធ​គ្នា​យ៉ាង​ខ្លាំង​នៅ​ភាគ​ខាងកើត​ប៉ុន្តែ​ក៏​មាន​សញ្ញា​នៃ​ភាពប្រក្រតី​មួយចំនួន​វិលត្រឡប់​នៅ​កន្លែង​ផ្សេង​ផងដែរ​។​

​រដ្ឋមន្ត្រី​ការពារជាតិ​រុស្ស៊ី​លោក សឺ​ហ្គេ សយ​ហ្គូ (Sergei Shoigu)​បាន​និយាយថា “​យើង​នឹង​បន្ត​ប្រតិបត្តិការ​យោធា​ពិសេស​រហូតដល់​គោលដៅ​ទាំងអស់​ត្រូវ​បាន​សម្រេច​”​។​

​បី​ខែ​បន្ទាប់​ពី​ការ​លុកលុយ​របស់​ទីក្រុង​មូ​ស្គូ មូលនិធិ​និង​សព្វាវុធ​របស់​បស្ចិម​ប្រទេស​បាន​ជួយ​អ៊ុយ​ក្រែន​ទប់ទល់​នឹង​ការរុលមក​មុខរប​ស់​ប្រទេសជិតខាង​នៅក្នុង​តំបន់​ជាច្រើន រួម​ទាំង​រដ្ឋធានី​គៀវ​។​រុស្ស៊ី​​ឥឡូវ​នេះ​កំពុង​ផ្តោត​លើ​ការធានា​និង​ការពង្រីក​ប្រៀប​ឈ្នះ​របស់​ខ្លួន​នៅក្នុង​តំបន់​ដុន​បាស​ភាគ​ខាងកើត​អ៊ុយ​ក្រែន​ជិត​ព្រំដែន​ខ្លួន​និង​ជា​ជម្រក​របស់​ក្រុម​បំបែក​ខ្លួន​ដែល​គាំទ្រ​រុស្ស៊ី​ក៏ដូចជា​ឆ្នេរសមុទ្រ​​ភាគខាងត្បូង​ផងដែរ​។​

​រដ្ឋមន្ត្រីការបរទេស​អ៊ុយ​ក្រែនលោក ឌី​មីត្រូ គូ​ឡេ​បា (Dmytro Kuleba)​បាន​ព្រមាន​ថា “​ការវាយលុក​របស់​រុស្ស៊ី​នៅ​តំបន់​ដុន​បាស​គឺជា​សមរភូមិ​ឥត​ត្រា​ប្រណី​ពោល​គឺជា​ការប្រយុទ្ធ​ដ៏​ធំ​បំផុត​នៅលើ​​ទឹកដី​អឺរ៉ុប​ចាប់តាំងពី​សង្គ្រាមលោកលើកទី​ពីរ​”​។​

​ប្រធានាធិបតី​អ៊ុយ​ក្រែនលោក វ៉ូ​ឡូ​ឌី​មៀ ហ្សេ​លេន​ស្គី បាន​និយាយ​កាលពី​ថ្ងៃ​ចន្ទ​ថា “​សប្តាហ៍​ខាង​មុខ​នៃ​សង្គ្រាម​នឹង​មាន​ការលំបាក​”​បន្ទាប់​ពី​មេដឹកនាំ​ក្នុង​តំបន់​និង​អ្នកស្រុក​រាយការណ៍​អំពី​ការបាញ់​​ផ្លោង​យ៉ាងធ្ងន់ធ្ងរ​៕

​រុស្ស៊ី​ឥឡូវនេះ​កំពុង​ផ្តោតលើ​ការធានា​និង​ការពង្រីក​ប្រៀប​ឈ្នះ​របស់​ខ្លួន​នៅក្នុង​តំបន់​ដុន​បាស​