ដោយ​៖​រ៉ា​ម៉ន​/​ព្រះសីហនុ ៖ អាជ្ញាធរខេត្ត​ព្រះសីហនុ​ដាក់ចេញ​ផែនការ​ជាច្រើន​ដើម្បី​ធានា​សន្តិសុខ​សណ្តាប់ធ្នាប់​នាឱកាស​ព្រឹត្តិការណ៍​បោះឆ្នោត​ក្រុមប្រឹក្សាឃុំ សង្កាត់​ឱ្យ​ប្រព្រឹត្ត​ទៅដោយ​រលូន​មាន​តម្លាភាព យុត្តិធម៌ និង​គ្មាន​អំពី​ហឹ​ង្សា ។​

​នេះ​ជាការ ថ្លែង​របស់លោក ឡុង ឌី​ម៉​ង អភិបាលរង ខេត្ត​ព្រះសីហនុ​ក្នុង​កិច្ច​សម្ភា​នស៍​ជាមួយ​អគ្គនាយកដ្ឋាន​វិទ្យុជាតិ​កម្ពុជា ថ្មីៗ​នេះ​ថា តាម​ប្រតិទិន របស់​គណៈ​ក​ម្មា ធិ​ការ​ជាតិ​រៀបចំ​ការបោះ ឆ្នោត​ហៅ​កាត់​ថា « គ​.​ជ​.​ប » នៅ​ថ្ងៃទី​៥ ខែមិថុនា ឆ្នាំ ២០២២ ខាងមុខនេះ គឺជា​ថ្ងៃ​បោះឆ្នោត​ជ្រើសរើស​ក្រុម ប្រឹក្សា​ឃុំ​សង្កាត់ ដូចនេះ អាជ្ញាធរខេត្ត ជាពិសេស​គណៈបញ្ជាការ​ឯកភាព​ខេត្ត បាន​ខិតខំ​ជំរុញ ឱ្យ​ប្រជា​ពល រដ្ឋ​ប្រើប្រាស់​សិទ្ធិ ចូលរួម​បោះ ឆ្នោត​ឱ្យបាន​គ្រប់ៗ​គ្នា ដើម្បី​ជ្រើសរើស​ក្រុមប្រឹក្សាឃុំ​សង្កាត់​ដែលមាន​សមត្ថភាព បទពិសោធ និង​ឆន្ទៈ​មោះមុត ក្នុងការ​ដោះស្រាយ​បញ្ហា​ជា​មូលដ្ឋាន​របស់​ប្រជាពលរដ្ឋ​។​

​លោក​បន្តថា គណៈបញ្ជាការ​ឯកភាព​ខេត្ត ក៏បាន​កំណត់​នូវ​យន្តការ និង​រចនាសម្ព័ន្ធ សន្តិសុខ ក្នុងការ​បោះឆ្នោត ក្រុមប្រឹក្សាឃុំ​សង្កាត់ ជាមួយ នឹង​កិច្ចសហប្រតិបត្តិការ​ជាមួយនឹង​គ​.​ជ​.​ប ធ្វើជា​គណៈកម្មការ​ឃុំ សង្កាត់ ដោយ​គោរព​បាន​ទៅតាម​បទបញ្ញត្តិ ដែល​គោលការណ៍​ស្ដីពី​ការបោះឆ្នោត​ក៏ដូចជា​បទបញ្ជា​នីតិវិធី​គ​.​ជ​.​ប សម្រាប់​ការបោះឆ្នោត​ថ្នាក់ ក្រោម​ជាតិ​ប្រកបដោយ​ក្រម សីលធម៌​។ លោក​បន្តថា​៖​មិនតែប៉ុណ្ណោះ រដ្ឋបាលខេត្ត បាន​ត្រៀម កម្លាំង​នគរបាលជាតិ និង​កងរាជអាវុធហត្ថ​ធ្វើយ៉ាងណា ត្រូវបំពេញ​ភារកិច្ច ជា​ភ្នាក់ងារ​សន្តិសុខ​បោះឆ្នោត ក្រុម ប្រឹក្សា​ឃុំ​សង្កាត់​ឆ្នាំ​២០២២​ឱ្យបាន​ល្អ ពិសេស​ធានា​ឱ្យបាន នូវ​សន្តិសុខ​សុវត្ថិភាព​របៀប រៀបរយ និង​សណ្តាប់ធ្នាប់ ដើម្បីឱ្យ​ដំណើរការ​នៃ​ការបោះ ឆ្នោត​ក្រុមប្រឹក្សាឃុំ​សង្កាត់​ឆ្នាំ​២០២២​នេះ បាន​ប្រព្រឹត្ត ទៅដោយ​រលូន​ដោយ​គ្មាន​ការភ័យខ្លាច បំភិតបំភ័យ គំរាមកំហែង និង​អំពើហិង្សា​ណាមួយ​កើតឡើង​នោះទេ​។​

​ក្នុងឱកាស​នោះដែរ លោក​អភិបាលរង​ខេត្ត​ព្រះសីហនុ បានឱ្យដឹង​ទៀតថា នៅ​ទូទាំង​ខេត្ត​មាន ឃុំ សង្កាត់​ចំនួន ២៩ និង​មាន​ប្រជាពលរដ្ឋ​ក្នុង​បញ្ជី​បោះឆ្នោត​ចំនួន ១៣៦២៧៥​មានការ​រិ​យា​ល័យ​បោះឆ្នោត​៣១៧ និង​មាន​គណបក្ស​ប្រកួត​ចំនួន​១១ ដូច្នោះ​លោក​អំពាវនាវ​ដល់​ប្រជាពលរដ្ឋ​ទាំងអស់ ពិសេស​ពលរដ្ឋ​ដែល​រស់នៅក្នុង​ខេត្ត​ព្រះសីហនុ សូម​ចូល រួម​បោះឆ្នោតក្រុមប្រឹក្សា ឃុំ សង្កាត់ ដែល​នឹង​ប្រព្រឹត្តឡើង​នៅពេល​ឆាប់ៗ​ខាងមុខនេះ ឱ្យបាន​គ្រប់ៗ​គ្នា ដើម្បី​បំពេញ​តួនាទី​ក្នុងនាម​ជា​ប្រជាពលរដ្ឋ​គំរូ​សម្រាប់​សង្គមជាតិ​៕​