​ប្រែ​សម្រួលៈ​បំណង​(​ដេល្លី​ម៉េល​)៖ សហរដ្ឋ​អាម៉េរិក​កាលពី​ថ្ងៃ​សុក្រ​ទី​២៧​ឧសភា​បានឈ្នះ​សមរភូមិ​ក្តីក្តាំ​ចុង​ក្រោយ​មួយ​ដើម្បី​រឹបអូស​យក​នាវា​កម្សាន្ត​តំលៃ​៣២៥​លាន​ដុល្លារ​មួយ​នៅ​កោះ​ហ្វ៊ី​ជី ដែល​មាន​ម្ចាស់​​ជា​ជនជាតិ​រុស្ស៊ី ហើយ​ឥឡូវ​បណ្តឹង​នេះ​ទំនងជា​ត្រូវ​នាំ​ទៅកាន់​តុលាការ​កំពូល​របស់​ប្រជាជាតិ​ដែល​កោះ​ប៉ាស៊ីហ្វិក​នេះ​។​

​ករណី​នេះ​បាន​រំលេច​មូលដ្ឋាន​ច្បាប់​ដ៏​ស្មុគស្មាញ​ដែល​អាម៉េរិក​ប្រឈម​នៅពេល​ខ្លួន​ព្យាយាម​រឹបអូស​យក​ទ្រព្យសម្បត្តិ​របស់​ពួក​មហាសេដ្ឋី​រុស្ស៊ី​នៅ​ជុំវិញ​ពិភពលោក​។​ការងារ​នេះ​ត្រូវបាន​ស្វាគមន៍​ដោយ​​ប្រទេស​និង​មនុស្ស​ជាច្រើន​លើ​ពិភពលោក​ដែល​ប្រឆាំង​នឹង​សង្គ្រាម​នៅ​អ៊ុ​យក្រែន តែ​ទង្វើ​ខ្លះ​បង្ក​ជា​សំណួរ​អំពី​ថា​តើ​យុត្តាធិការ​របស់​អាម៉េរិក​មាន​កំរិត​ណា​។​

​តុលាកា​ត​ឧទ្ធរណ៍​របស់​ហ្វ៊ី​ជី​កាលពី​ថ្ងៃ​សុក្រ បាន​ច្រានចោល​បណ្តឹងឧទ្ធរណ៍រ​បស់ ហ្វេ​ហ្សា​ល់ ហា​នី​ហ្វ​(Feizal Haniff)​ដែល​តំណា​អោយ​ក្រុមហ៊ុននា​វា​អាម៉ាដី​( Amadea)​។​លោក ហា​នី​ហ្វ អះអាងថា​​អាម៉េរិក​មិនមាន​សិទ្ធិ​អំណាច​តាម​ផ្លូវច្បាប់​(​យុត្តាធិការ​)​នៅក្រោម​ច្បាប់​ហ្វ៊ី​ជី​ដើម្បី​រឹបអូស​យក​នាវា​នេះ​ទេ យ៉ាងហោចណាស់​ក៏​រហូត​ដល់​ក្រោយ​តុលាការ​បញ្ជាក់ថា​នរណា​ជា​ម្ចាស់​របស់​នាវា​នេះ​​ពិតប្រាកដ​ដែរ​។​

​លោក ហា​នី​ហ្វ បាន​និយាយថា​លោក​មាន​ផែនការ​នាំ​ករណី​នេះ​ទៅ​កាន់​តុលាការ​កំពូល​ហ្វ៊ី​ជី និង​ស្នើសុំ​អោយ​តុលាការ​ចេញ​បញ្ជា​អោយ​រារាំង​កុំ​អោយ​ពួក​ភ្នាក់ងារ​អាម៉េរិក​នាំ​នាវា​Amadea​ចេញពី​ហ្វ៊ី​ជីនៅ​​មុន​បណ្តឹង​សារទុក្ខ​ចុង​ក្រោយ​ត្រូវ​បាន​សំរេច​។​

​អាម៉េរិក​បាន​និយាយថា ការស៊ើបអង្កេត​របស់​ខ្លួន​បង្ហាញ​ថា នាវា​ប្រណិត​ដោយ​ទង់​កោះ​កៃ​ម៉ាន់​(Cayman Islands)​ពិត​ជា​របស់​មហាសេដ្ឋី​រុស្ស៊ី ឈ្មោះ ស៊ូ​ឡេ​ម៉ាន់ គេ​រី​ម៉ូ​វ​(Suleiman Kerimov)​ជា​​អ្នក​សេដ្ឋកិច្ច​និង​ជា​អតីត​អ្នក​ន​យ​បាយ​រុស្ស៊ី​។​

​នាវា​កម្សាន្ត Amadea ចត​នៅ​កំពង់ផែ នៅ​កោះ​ហ្វ៊ី​ជី កាលពី​ថ្ងៃ​១៥ មេសា ឆ្នាំ​២០២២​។​នៅ​ថ្ងៃ​០៥​ឧសភា ភ្នាក់ងារ​អាម៉េរិក​ប្រាំ​នាក់​បាន​ឡើង​លើ​វា​ក្នុង​បណ្តឹង​រឹបអូស​វា​

​ការិយាល័យ​ស៊ើបអង្កេត FBI​បាន​ភ្ជាប់​នាវា Amadea​ទៅ​នឹង​គ្រួសារ​លោក គេ​រី​ម៉ូ​វ​តាមរយៈ​ការប្រើ​ឈ្មោះ​លេខ​កូដ​នៅ​បរទេស​ដើម្បីទិញ​ទំនិញ​ដូចជា​ចង្ក្រាន​ដុត​ពី​ហ្សា និង​គ្រែ​ម៉ាស្សា​។​វា​បាន​ក្លាយ​ជា​គោ​​ល​ដៅ​របស់​ក្រុមការងារ​Task Force KleptoCapture បង្កើតឡើង​កាលពី​ខែ​មីនា​ដើម្បី​រឹបអូស​ប្រមូលយក​ទ្រព្យសម្បត្តិ​ពួក​មហាសេដ្ឋី​រុស្ស៊ី ក្នុង​បំណង​ដាក់​សម្ពាធ​អោយ​រុស្ស៊ី​បញ្ចប់សង្គ្រា​នៅអ៊ុយក្រែន៕

​នាវា​ប្រវែង​១០៦​ម៉ែត្រ​នេះ រួម​មាន​អាង​ចិញ្ចឹម​បង្កង ព្យ៉ា​ណូ អាង​ហែល​ទឹក​និង​កន្លែង​ចុះ​ឧទ្ធម្ភាគចក្រ​ធំ​មួយ​