ដោយៈឫទ្ធិ​ស័ក្តិ​/​ភ្នំពេញ ៖ នៅ​ទីបំផុត​តុលាការ​បានសម្រេច​ឃុំខ្លួន​ស្ត្រី​ថៅកែ​កាហ្វេ​ដូង​នៅ​ផ្សារ​ដេប៉ូ​ដែល​បាន​ប្រើ​អំពើហិង្សា​លើ​ក្មេងស្រី​ដែលជា​កូន​ចិ​ញ្ចឹ​ម​ដាក់ពន្ធនាគារ​ព្រៃ​ស​ជា​បណ្ដោះអាសន្នក្រោម​ការចោទប្រកាន់​ពីបទ​ហិង្សា​ដោយ​ចេតនា​មាន​ស្ថាន​ទម្ងន់ទោសតាម​មាត្រា​២១៩ នៃ​ក្រមព្រហ្មទណ្ឌ នា​ល្ងាច​ថ្ងៃទី​២៧ ខែឧសភា ឆ្នាំ​២០២២​នេះ​។ ស្ត្រី​រូបនេះ​ត្រូវបាន​សមត្ថកិច្ច​នៃ​អធិការដ្ឋាន​នគរបាល​ខណ្ឌទួលគោក បញ្ជូន​ខ្លួន​ទៅកាន់​សាលាដំបូង​រាជធានី​ភ្នំពេញ កាលពី​រសៀល​ថ្ងៃទី​២៦ ខែឧសភា ឆ្នាំ​២០២​។​

ស្ត្រី​ជាប់សង្ស័យ​ឈ្មោះ ចាន់ ធីតា ហៅ ធីតា អាយុ​៣៧​ឆ្នាំ មានមុខរបរលក់​កាហ្វេ​ដូងពេលបញ្ជូនទៅតុលាការ(រូបថតសហការី)

​ស្ត្រី​សង្ស័យ​ឈ្មោះ ចាន់ ធីតា ហៅ ធីតា អាយុ​៣៧​ឆ្នាំ មានមុខរបរលក់​កាហ្វេ​ដូង ត្រូវបាន​ឃាត់ខ្លួននៅមុខ​ផ្ទះ​លេខ​១៣Eo ផ្លូវ​លេខ​២១៩ ក្រុមទី​២២ ភូមិ​០៣ សង្កាត់​ផ្សារ​ដេប៉ូ​ទី​១ ខណ្ឌទួលគោក កាលពី​យប់​នៅ​ថ្ងៃទី​២៣ ខែឧសភាកន្លងទៅ។ ការឃាត់ខ្លួន​នេះ គឺ​ដោយ​កាលពី​ថ្ងៃទី​២០ ខែឧសភាស្ត្រី​រូបនេះ​បាន​ប្រើ​ដៃ​វាយ​លើ​ផ្ទៃមុខ​និង​យក​ដែក​ទំ​ពក់សម្រាប់​ព្យួរ​ខោអាវ​វាយទៅលើ​ក្មេងស្រី​រងគ្រោះ​បណ្ដាល​ឲ្យ​របួស​ធ្ងន់ធ្ងរ​។​

អ្នកនាំពាក្យ​ស្នងការដ្ឋាន​នគរបាល​រាជធានី​ភ្នំពេញ លោក​សាន សុខ​សីហា បាន​ប្រាប់​រស្មី​កម្ពុជា​ថា សមត្ថកិច្ច​នៃ​អធិការដ្ឋាន​នគរបាល​ខណ្ឌទួលគោកបាន​បញ្ជូន​ខ្លួន​ស្ត្រី​ជា​ម្តាយចិញ្ចឹម​ដែល​បាន​ប្រើប្រាស់​អំពើហិង្សា​មកលើ​កូនស្រីនៅ​ចំណុច​មុខផ្ទះ​លេខ​១៣Eo ផ្លូវ​លេខ​២១៩ ក្រុមទី​២២ ភូមិ​០៣ សង្កាត់​ផ្សារ​ដេប៉ូ​ទី​១ ខណ្ឌទួលគោក រាជធានី​ភ្នំពេញទៅ​សាលាដំបូង​រាជធានី​ភ្នំពេញកាលពី​រសៀល​ថ្ងៃទី​២៦ ខែឧសភាដើម្បី​ចាត់ការ​បន្ត​តាម​នីតិវិធី​ច្បាប់ ។​

​សូម​រម្លឹកថា កាលពី​ថ្ងៃទី​២៣ ខែឧសភាវេលា​ម៉ោង​ប្រហែល ២៣:៣០​យប់កម្លាំង​ប៉ុស្តិ៍នគរបាល​រដ្ឋបាល​ផ្សារ​ដេប៉ូ​ទី​១នៃ​អធិការដ្ឋាន​នគរបាល​ខណ្ឌទួលគោក បានធ្វើការ​បង្ក្រាប​ឃាត់ខ្លួន​ជនសង្ស័យ​ម្នាក់នៅ​ចំណុច​មុខផ្ទះ​លេខ​១៣Eo ផ្លូវ​លេខ​២១៩ ក្រុមទី​២២ ភូមិ​០៣ សង្កាត់​ផ្សារ​ដេប៉ូ​ទី​១ ខណ្ឌទួលគោក ពាក់ព័ន្ធ​ករណី​ប្រើ​ដៃ​វាយ​លើ​ផ្ទៃមុខ និង​ប្រើ​ដែក​ទំ​ពួក​សំរាប់​ព្យួរ​ខោអាវ​វ៉ៃ​លើ​ក្មេងស្រី ប្រព្រឹត្ត​កាលពី​ថ្ងៃទី​២០ ខែឧសភា។​
​ជនសង្ស័យ​ដែល​ត្រូវជា​ម្តាយចិញ្ចឹម ឈ្មោះ ចាន់ ធីតា ហៅ ធីតា ភេទ​ស្រី អាយុ​៣៧​ឆ្នាំ ជនជាតិខ្មែរ មុខរបរ លក់​កាហ្វេ ស្នាក់​នៅផ្ទះ​លេខ​១៣Eo ផ្លូវ​លេខ​២១៩ ក្រុមទី​២២ ភូមិ​០៣ សង្កាត់​ផ្សារ​ដេប៉ូ​ទី​១ ខណ្ឌទួលគោក រាជធានី​ភ្នំពេញ​។​

​ចំណែកស្ត្រីឈ្មោះ កេង សុភា អាយុ​៣៦​ឆ្នាំ មុខរបរនៅផ្ទះស្នាក់នៅ​ផ្ទះជួល ផ្លូវលំ ភូមិ​ឬ​ស្សី សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ ជា​ម្ដាយ​ង្កើ​ត​ក្មេងស្រី​រងគ្រោះ​។

​ចំណែក​ក្មេងស្រី​រងគ្រោះ ត្រូវបានសមត្ថកិច្ច​បានប្រគល់​ជូន​មន្ទីរ​សង្គមកិច្ច​អតីតយុទ្ធជន និង​យុវនីតិសម្បទា រាជធានី​ភ្នំពេញ និង​មន្ទីរ​សង្គមកិច្ច​រាជធានី​ភ្នំពេញ ដើម្បី​បញ្ជូន​ក្មេងស្រី​រងគ្រោះ​ទៅ​ព្យាបាល​នៅមន្ទីរពេទ្យ បង្អែក​រាជធានី​ភ្នំពេញក្រោម​ការថែទាំ​ជា​បណ្ដោះ​សន្ន​របស់​អង្គការ​មិត្តសំឡាញ់​៕​សរន