​ប្រែ​សម្រួលៈ​បំណង​(​ដេល្លី​ម៉េល​)៖ ការបា​ក់ដី​សង្កត់​បង្ក​ឡើង​ដោយ​ការ​ធ្លាក់ភ្លៀង​ខ្លាំង​បាន​សម្លាប់​មនុស្ស​យ៉ាង​តិច​២៩​នាក់​នៅក្នុង​រដ្ឋ​ពែ​រណាម​ប៊ូ​កូ​(Pernambuco)​នៅ​ប្រេ​ស៊ីល​ខាង​ជើងកាល​​ពី​ថ្ងៃ​សៅរ៍​។​នៅក្នុង​រដ្ឋ​អា​ឡា​ហ្គោស​(Alagoas)មនុស្ស​ពីរ​នាក់​បាន​ស្លាប់​ក្រោយ​ទឹកជំនន់​ហូរ​នាំយក​ទៅ​កាលពី​ថ្ងៃ​សុក្រ​។​

​មន្ត្រី​ការពារ​ជន​ស៊ីវិល​បាន​និយាយថា មនុស្ស​ជាង​១.០០០​ពាន់​នាក់​ត្រូវបាន​បង្ខំ​អោយ​ចាកចេញ​ពី​ផ្ទះ​របស់​គេ​ដោយសារ​ការ​ជន់​លិច​នៅ​រដ្ឋ​ពែ​រណាម​ប៊ូ​កូ នៅពេល​មនុស្ស​ដល់​ទៅ​ប្រមាណ​៣២.០០០​គ្រួសារ​​រស់​នៅក្នុង​តំបន់​ប្រឈម​ការបាក់​ដំនង​ទឹកជំនន់​។​

​បណ្តា​សាលារៀន​នៅក្នុង​ទីក្រុង រេ​ស៊ី​ហ្វេ​(Recife)​បាន​បើក​ទទួល​អ្នក​ត្រូវបាន​ជម្លៀស​ពី​គ្រោះធម្មជាតិ​នេះ​។​

​នៅក្នុង​រដ្ឋ​អា​ឡា​ហ្គោស រដ្ឋាភិបាល​ប្រចាំ​រដ្ឋ​បាន​និយាយថា ទីក្រុង​ទីប្រជុំជន​ចំនួន​៣៣​ត្រូវបាន​ប្រកាស​ដាក់​ក្នុងស្ថានភាព​គ្រាអាសន្ន​ដោយសារ​រង​ផល​ប៉ះពាល់​ពី​ការ​ធ្លាក់ភ្លៀង​ខ្លាំង​នៅ​ប៉ុន្មាន​ថ្ងៃ​មកនេះ​។​

​ក្នុងពេល​ជាមួយគ្នា ប្រធានា​ធិបតៅ ហ្សែ​រ បូល​សូ​ណារ៉ូ​(Jair Bolsonaro)​បាន​សរសេរ​បង្ហោះ​ក្នុង​ទ្វី​ត​ធឺ​ថា ក្រុម​ជួយសង្គ្រោះ​ទៅ​ពី​ក្រសួង​អភិវឌ្ឍន៍​តំបន់​និង​កងកម្លាំងប្រដាប់អាវុធ​នឹង​ត្រូវ​បញ្ជូន​ទៅ​​កាន់​រដ្ឋ​រងគ្រោះ​ទាំងពីរ​ដើម្បី​ការងារ​ជួយ​សង្គ្រោះ​និង​ផ្តល់​ជំនួយ​មនុស្សធម៌​៕

​ស្ត្រី​ម្នាក់​ឈរ​លើ​កៅអី​រថយន្តក្រុង​មួយ​នៅពេល​អ្នកបើករថយន្ត​តូច​ព្យាយាម​បើក​កាត់​វិថី​ដែល​ជន់​លិច​នៅ​ទីក្រុង​រេ​ស៊ី​ហ្វេ ក្នុង​រដ្ឋ​ពែ​រណាម​ប៊ូ​កូ កាលពី​ថ្ងៃ​២៨​ឧសភា​