​ប្រែ​សម្រួល : កញ្ញា​ដា​លី​ស (​បាងកក​ប៉ុស្តិ៍​) ៖ នៅឯ​រោង​ជាង​មួយ​នៅ​ទីក្រុង​ហ្សា​ប៉ូរីស​ហ្សា (Zaporizhzhia) ភាគខាងត្បូង​អ៊ុយ​ក្រែន​ពួកជាង​ឡាន​កំពុង​ខិតខំ​កែច្នៃ​រថយន្ត​ប្រភេទ​ប្រណាំង​​ទៅ​ជា​រថយន្ត​ចម្បាំង ដែល​អាច​ប្រើ​ដើម្បី​ប្រយុទ្ធ​ជាមួយ​ទាហាន​រុស្ស៊ី​នៅ​សមរភូមិ​ជួរ​មុខ​។​

​ពួកគេ​បាន​ដូរ​បំពង់​ស៊ី​ម៉ាំង ដកចេញ​នូវ​ម៉ូត​សម្រាប់​ឡាន​ស្ព័​រ និង​កែ​ផ្ទៃ​ខាងក្នុង​ដើម្បី​បង្កើត​ជា​យានជំនិះ​សាមញ្ញ ដែល​កិច្ចការ​ទាំងអស់​នេះ​គឺ​ស្ថិតនៅក្រោម​ការត្រួតពិនិត្យ​របស់​អ្នកជំនួញ​ឈ្មោះ វ៉ូ​ឡូ​ឌី​មៀ តា​ខូវ (Volodymyr Tarkhov) ។​

​មុន​ពេល​ការ​លុកលុយ​របស់​រុស្ស៊ី អ្នកជំនួញ​វ័យ ៣២ ឆ្នាំ​រូប​នេះ​បាន​ផលិត​កូន​នាវា​កម្សាន្ត​និង​ទូក​កា​យ៉ាក់ តែ​ចាប់​តាំងពី​ការចាប់ផ្តើម​នៃ​សង្គ្រាម លោកតា​ខូវ​បាន​និយាយថា គាត់​និង​មិត្តភក្តិ​​របស់​គាត់​បាន​កែច្នៃ​ឡាន​ធម្មតា​ប្រហែល ៣០ គ្រឿង​សម្រាប់​យោធា​។​

​ឥឡូវ​នេះ​ពួកគេ​កំពុង​បញ្ចប់​ការងា​រលើ “​ឡាន​ចម្បាំង​” ជាមួយនឹង​ម៉ាស៊ីន​ពី​រថយន្ត​ម៉ូ​ដែល​ឡា​ដា​(Lada)​របស់​រុស្ស៊ី ដែល​ប្រើប្រាស់​ដោយ​អ្នកបើកបរ​ឡាន​ប្រណាំង​អ៊ុយ​ក្រែន​ដែល​នេះ​ជា​ការកែច្នៃ​ឡាន​​បែប​ប្រណាំង​ជា​លើក​ទី​ពីរ​ហើយរ​បស់​ពួកគេ​។​

​ពួកគេ​បាន​ដក​ទ្វារ​ចេញ ធ្វើ​ឱ្យ​ឡាន​កាន់តែ​ស្ងាត់ ហើយ​បន្ថែម​រន្ធ​ធំ​មួយ​នៅខាងមុខ ដែល​អាច​បាញ់​កាំភ្លើងយន្ត​បាន​។​

​ជាង​ផ្សា​ដែក លោក ម៉ា​ស៊ីម សេន​ឌូ​កូវ (Maxym Sendukov) អាយុ ៣៣ ឆ្នាំ​បាន​និយាយថា បំពង់​ស៊ី​ម៉ាំង​ថ្មី​នឹង​ធ្វើឱ្យ​រថយន្ត​ស្ទើរតែ​ស្តាប់​មិនឮ​សំឡេង​សម្រាប់​សត្រូវ​។​

​លោក​បាន​បន្តថា “​គោលដៅ​គឺ​ធ្វើឱ្យ​រថយន្ត​ស្ងាត់​ដើម្បី​អាច​បើក​ឆ្លងកាត់​ចុះ​ឡើង​បាន​និង​មើលមិនឃើញ​”៕

​ចាប់​តាំងពី​ការចាប់ផ្តើម​នៃ​សង្គ្រាម លោកតា​ខូវ​បាន​និយាយថា គាត់​និង​មិត្តភក្តិ​របស់​គាត់​បាន​កែច្នៃ​ឡាន​ធម្មតា​ប្រហែល ៣០ គ្រឿង​សម្រាប់​យោធា​