ដោយ: សុខុម / មណ្ឌលគិរី៖ សមត្ថកិច្ចកងរាជអាវុធហត្ថ ស្នាក់ការសន្តិសុខ៧៦១ សហការជាមួយ សង្កាត់រដ្ឋបាលព្រៃឈើ ចុងផ្លាស និង ស្រែព្រះ បានបង្ក្រាបរថយន្តដឹកឈើ មួយគ្រឿង កាលពីថ្ងៃទី២០ ខែមិថុនា ឆ្នាំ២០២២ នៅចំណុចចំការស្វាយ មួយកន្លែង ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
សមត្ថកិច្ច បានឲ្យដឹងថាៈ រថយន្តដឹកឈើដែលសមត្ថកិច្ចបង្ក្រាបនោះ គឺម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ម០៥-២០ភ.ព២ ចំណុះមួយតោនកន្លះ ដោយមានផ្ទុកឈើ ប្រភេទលេខមួយ គឺឈើស្រឡៅ និងឈើសុក្រំ ចំនួន១០ដុំ។ ឈើទាំងអស់នោះ ក្រុមឈ្មួញ បម្រុងដឹកទៅលក់ នៅប្រទេសវៀតណាម។
ក្រោយពីបង្ក្រាបរថយន្តដឹកឈើ ជាវត្ថុតាងមក សមត្ថកិច្ច បានដឹកទៅរក្សាទុក នៅសង្កាត់រដ្ឋបាលព្រៃឈើ ចុងផ្លាស់ និង ស្រែព្រះ ដើម្បីវាស់វែង បន្តនីតិវិធីតាមផ្លូវច្បាប់៕/V
