ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ សិង្ហ​បុរី​បានប្រកាស​កញ្ចប់​ថវិកា​ទ្រទ្រង់​តំលៃ​១,០៨​ពាន់​លាន​ដុល្លារ​ដើម្បី​ដោះស្រាយ​ការឡើង​ថ្លៃទំនិញ​។​

​រដ្ឋ​មន្ត្រី​ហិរញ្ញវត្ថុ​របស់​ប្រទេស​បាន​និយាយ​កាលពី​ថ្ងៃ​អង្គារ​ទី​២១​មិថុនា​ថា សិង្ហ​បុរី​នឹង​បញ្ចេញ​កញ្ចប់​ថវិកា​ទ្រទ្រង់​តំលៃ​១,៥​ពាន់​លាន​ដុល្លារ​សិង្ហ​បុរី​(១,០៨​ពាន់​លាន​ដុល្លារ​អាម៉េរិក​)​ភាគច្រើន​សំរាប់​ក្រុម​ចំ​​ណូល​ទាប​ដើម្បី​ជួយ​សម្រាល​បន្ទុក​ការចំណាយ​ក្នុង​ការរស់នៅ​ចំពេល​ប្រទេស​ជួប​កំណើន​អតិផរណា​និង​ការ​ឡើងថ្លៃ​ថាមពល​។​

​លោក​ឡរ​រ៉េ​ន វ៉ុង​(Lawrence Wong)​បាន​ប្រាប់​សន្និសីទកាសែត​មួយ​ថា ផែនការ​នេះ​សំដៅលើ​ក្រុម​មនុស្ស​មាន​ចំណូល​ទាប​តែ​ក៏​នឹង​រួមបញ្ចូល​ប្រាក់​ផ្តល់​ដល់​គ្រួសារ​សិង្ហ​បុរី​ទាំងអស់​នៅក្នុង​រដ្ឋ​បុរី​ដែល​​មាន​ប្រជាជន​៥,៥​លាន​នាក់​នេះ សំរាប់​ថ្លៃ​ទឹក​ភ្លើង​។​

​កញ្ចប់​ថវិកា​នេះ​នៅ​ក្រៅ​គំរោង​ថវិកាជាតិ​ទេ ហើយ​មួយ​ផ្នែក​ផ្តល់​ដោយ​អ្នក​មាន​ចំណូល​ខ្ពស់​ដែល​ត្រូវ​បាន​ប្រមូល​បាន​កាលពីប្រទេសជួបរើប​រើ​សេដ្ឋកិច្ច​ដ៏​ខ្លាំង​ជាង​ការរំពឹង​ទុក​កាលពី​ឆ្នាំមុន​។​

​សូមបញ្ជាក់​ថា សិង្ហ​បុរី​ជួប​អតិផរណា​ខ្ពស់​បំផុត​ក្នុង​រយៈពេល​មួយ​ទសវត្សរ៍​មក​នេះ ហើយ​ធនាគារ​កណ្តាល​បាន​រឹតបន្តឹង​គោលនយោបាយ​រូបិយវត្ថុ​បី​ដង​ក្នុង​អំ​ឡុង​ពេល​ប្រាំ​មួយខែ​៕