​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ក្លិប​អ៊ីតាលី Inter Milan បាន​យល់ព្រម​លើ​កិច្ចព្រមព្រៀង​ចុះ​ហេត្ថលេខា​លើ​ខ្សែប្រយុទ្ធ រ៉ូ​មេលូ លូ​កា​គូ (Romelu Lukaku)​ក្នុង​លក្ខខណ្ឌ​ខ្ចី​ជើង​ពេញ​មួយ​រដូវ​​កាល​ពី​តោ​ខៀវ Chelsea ។​

​ក្រុម​តោ​ខៀវ​បាន​ចុះហត្ថលេខា​លើ​កីឡាក​រវ័យ ២៩ ឆ្នាំ​រូប​នេះ​ពី​ក្លិប Inter ក្នុងតម្លៃ ៩៧,៥ លាន​ផោន​ក្នុង​ខែសីហា ឆ្នាំ ២០២១ ប៉ុន្តែ​រូបគេ​នឹង​ត្រឡប់​ទៅ​ក្រុម Serie A វិញ​ដោយសារ​លេង​មិន​​បានល្អ​កាល​ពី​រដូវ​កាល​មុន​។​

​តម្លៃ​ខ្ចី​ជើង​សម្រាប់​លូ​កា​គូ​គឺ​ប្រហែល ៦,៩ លាន​ផោន​។​

​កីឡាករ​អន្តរជាតិ​បែលហ្ស៊ិក​រូប​នេះ​ស៊ុត​បញ្ចូល​ទី​បាន ១៥ គ្រាប់​ក្នុង​គ្រប់​ការប្រកួត​ទាំង​អស់​សម្រាប់ Chelsea កាល​ពី​រដូវ​កាល​មុន ដោយ​ស៊ុត​បញ្ចូល​ទី​បាន ៨ គ្រាប់​ក្នុង ២៦ ប្រកួត​នៅ Premier League ។​

​គេ​បាន​ដឹងថា លូ​កា​គូ​មាន​ឆន្ទៈ​ក្នុង​ការកាត់បន្ថយ​ប្រាក់​ឈ្នួល​ដើម្បី​បាន​ចូលរួម​ជាមួយ Inter ម្តងទៀត ដែល​ឈ្នះ​ជើងឯក Serie A ក្នុង​ឆ្នាំ ២០២០-២១ ដោយ​រូបគេ​ជា​អ្នក​ស៊ុត​ចូល​ច្រើនជាងគេ​៕

​លូ​កា​គូ​ត្រូវ Inter ខ្ចី​ជើង​ពេញ​មួយ​រដូវ​កាល