​ដោយ​៖​ប៉ូ​លី​ទិ​ក​/​ទីក្រុង​មែ​ល​ប៊​ន​៖ ប្រជាពលរដ្ឋ​ខ្មែរ​រស់នៅ​ទីក្រុង​មែ​ល​ប៊​ន ប្រទេស​អូស្ត្រាលី ប្រមាណ​៧០០​នាក់ ដែលជា​សមាជិក សមាជិកា​គណបក្ស​ប្រជាជន​កម្ពុជា បានរៀបចំ​ពិធី​ជួបជុំ អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស​ប្រជាជន​កម្ពុជា (២៨ មិថុនា ១៩៥១ – ២៨ មិថុនា ២០២២) យ៉ាង​ឱ​ឡា​រឹក និង​ប្រកប ដោយ​ភាពស្និទ្ធស្នាល ដោយមាន​ការចូលរួម ក្រោម​អធិបតីភាព​របស់ ប្រធាន​គណៈកម្មាធិការ​គណបក្ស​, ប្រធាន អនុប្រធាន ក្រុមការងារ​រៀបចំ​អង្គការ​ចាត់តាំង​យុវជន​គណបក្ស​នៅ​ប្រទេស​អូស្ត្រាលី និង​នូវ៉ែល​ហ្សេ​ឡង់ ។​

​ថ្លែង​ក្នុងឱកាស​នោះ លោក គឹម សន្តិភាព ប្រធាន​ក្រុមការងារ​រៀបចំ​អង្គការ​ចាត់តាំង​យុវជន​គណបក្ស នៅ​ប្រទេស​អូស្ត្រាលី និង​នូវ៉ែល​ហ្សេ​ឡង់ បានលើកឡើង​អំពី​ប្រវត្តិ​ស្នាដៃ សមិទ្ធផល​ធំៗ របស់​គណបក្ស​ប្រជាជន​កន្លងមក ក្នុងនោះ​លោក​ក៏បាន​លើកឡើង​អំពី​តួនាទី ភារកិច្ច​របស់​សាខា​បក្ស​ទាំងអស់ ដែល​ត្រូវមាន​ភារកិច្ច​ក្នុងការ​អនុវត្ត​ការងារ​នយោបាយ ចាត់តាំង និង​ពាំ​នាំនូវ​ការ​ផ្តាំផ្ញើ​សាកសួរ​សុខទុក្ខ​ពី​សំណាក់ លោក ហ៊ុន ម៉ា​ណែ​ត ប្រធាន​យុវជន​គណបក្ស​ថ្នាក់កណ្តាល ជូន​ដល់ បងប្អូន​ជនរួមជាតិ​ខ្មែរ​ដែលរ​ស់​នៅ​ប្រទេស​អូស្ត្រាលី​ទាំងអស់ និង​អ្នក​ដែល​កំពុងមាន​វត្តមាន​នៅទីនេះ ប្រកបដោយ​មនោសញ្ចេតនា ស្រឡាញ់​រាប់អាន និង​ការ​នឹករលឹក​ដ៏​ជ្រាលជ្រៅ​បំផុត​។​

​លោក ឡាវ វ៉ាន់ ប្រធាន​តំបន់​២ ទីក្រុង​មែ​ល​ប៊​ន បាន​មានប្រសាសន៍ថា​ការរៀបចំ​ពិធី “​អបអរសាទរ​ខួប លើក​ទី​៧១ នៃ​ថ្ងៃ​បង្កើត គណបក្ស​ប្រជាជន​កម្ពុជា​” គឺ​បាន​ប្រារព្ធ​មុន​ចំនួន ៥​ថ្ងៃ នៃ​ថ្ងៃកំណើត​ផ្លូវការ ដែល​នឹង​ប្រព្រឹត្តទៅ​ថ្ងៃទី​២៨ ខែមិថុនា ឆ្នាំ​២០២២ ។​

លោក​បាន​បន្ថែមថា​ពិធី​នេះ​រៀបចំឡើង​ក្នុងន័យ​ចងចាំ​ជានិច្ច​នូវ​គុណបំណាច់​របស់​គណបក្ស​ប្រជាជន​កម្ពុជា ដែល​បាន​តស៊ូ​លះបង់​គ្រប់បែបយ៉ាង និង​បង្ហាញឱ្យឃើញ​ពី​ការចូលរួម​ដ៏​សំខាន់​របស់​គណបក្ស​ប្រជាជន​កម្ពុជា ក្នុងការ​រួមចំណែក​ទា​ម​ទារ​ឯករាជ្យ​ពី​អាណានិគម​បារាំង ក្រោយ​បង្កើតឡើង​នៅ​ឆ្នាំ​១៩៥១​។ ជាពិសេស គឺ​គុណ​តម្លៃ​ដ៏​ធំធេង​របស់​បក្ស​ក្នុងការ​រំដោះប្រទេស​ចេញពី​របប​ប្រល័យពូជសាសន៍ ប៉ុល ពត នៅ​ថ្ងៃទី​៧ ខែមករាឆ្នាំ​១៩៧៩ប្រឹងប្រែង​ស្វះ​ស្វែងរក​សុខសន្តិភាពបិទ​បញ្ចប់​ភ្លើងសង្គ្រាម តាម​នយោបាយ ឈ្នះ ឈ្នះ និង​ការស្តារ អភិវឌ្ឍន៍​ប្រទេសជាតិ​ឱ្យមាន​ការរីកចម្រើន​ដូច​ពេលបច្ចុប្បន្ន ។

​លោក ចាន់ រតនា ប្រធាន​គណៈកម្មាធិការ​គណបក្ស បាន​មានប្រសាសន៍ថាគណបក្ស​ប្រជាជន​បាន​រំដោះប្រទេស​ឱ្យចេញ​ផុតពី​ការកាប់សម្លាប់ពី​របប​ប្រល័យពូជសាសន៍ និង​ដើរតួនាទី​យ៉ាងសំខាន់​ក្នុង​ការនាំ​នាវា​កម្ពុជា​ឱ្យ​លេចមុខលេច​មាត់​នៅក្នុង​តំបន់ក៏ដូចជា​នៅលើ​ឆាក​អន្តរជាតិនិង​ធ្វើឱ្យ​ប្រទេសជាតិ​មានការ​រីកចម្រើន​គួរឱ្យកត់សម្គាល់​

​លោក​បានស្នើ​ដល់​សមាជិក​គណបក្ស​ទាំងអស់ ត្រូវ​ធ្វើជា​គំរូ​ល្អ និង​មាន​សីលធម៌​រស់នៅ ការសិក្សា​រៀនសូត្រ ការដើរតាម​លំនាំ​របស់​យុទ្ធជន យុទ្ធ​នារី ដែល​បាន​ពលី​ជីវិត​ដើម្បី​ដណ្តើមយក​សេចក្តីសុខ​សន្តិភាព​សំរាប់​ជាតិ​និង​ប្រជាជន​។​ម្យ៉ាងទៀត​សមាជិក​សមាជិកា​ទាំងអស់​ត្រូវតែ​ចងចាំ​មិន​ភ្លេច​ចំពោះ​គុណូបការៈ​របស់​យុទ្ធជន យុទ្ធ​នារី និង​យក​គំរូ​ដ៏​ប្រពៃ​ទាំងនេះ មក​អនុវត្ត​សំរាប់​ការពារជាតិ​មាតុភូមិ និង​អភិវឌ្ឍ​ប្រទេសជាតិ​លើ​គ្រប់​វិស័យ ការពារ​ជំនឿ សាសនានិង​រាល់​អ្វីៗ​ទាំងអស់​សសម្រាប់​ភាពសុខ ដុមរមនា​រប​ស់​ប្រជាពលរដ្ឋ​៕Ph