ដោយ​៖ រ៉ា​ម៉ន / ព្រះវិហារ​៖ ក្រុមការងារ​មន្ទីរ​សាធារណការ និង​ដឹកជញ្ជូន ខេត្តព្រះវិហារ បាននិងកំពុង​ចុះ​សម្អាត​រុក្ខជាតិ ដោយ​ម៉ា​ស៊ីន​ស្វ័យប្រវត្តិ សងខាង​ផ្លូវជាតិ និង​ផ្លូវ​ខេត្ត ក្នុងភូមិ​សាស្ត្រ​ស្រុក​ជាំ​ក្សាន្ត ដើម្បីសម្រួលការ​​ធ្វើ​ដំណើរ របស់​ប្រជាពលរដ្ឋ ។​

​លោក សំ លាង​ទ្រី ប្រធាន​មន្ទីរ​សាធារណការ និង​ដឹកជញ្ជូន​ដឹកជញ្ជូន ខេត្តព្រះវិហារ បានឱ្យដឹងថាៈ អនុវត្តតាម​ការណែនាំ​របស់ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន និង​លោក ប្រាក់ សុវណ្ណ អភិបាលខេត្ត​ព្រះវិហារ ក្រុមការងារ​ថែទាំ​ផ្លូវថ្នល់ នៃ​មន្ទីរ​សាធារណការ និង​ដឹកជញ្ជូន ខេត្តព្រះវិហារ នៅ​ថ្ងៃទី​២៥ ខែមិថុនា ឆ្នាំ​២០២២ នេះ ក្រុមការងារ នៃ​មន្ទីរ​សាធារណការ និង​ដឹកជញ្ជូន ខេត្តព្រះវិហារ បាន​ចុះ​ធ្វើ​សកម្មភាព​សម្អាត​រុក្ខជាតិ​ (​កាត់​ស្មៅដោយ​ម៉ាស៊ីន​ស្វ័យប្រវត្តិ សងខាង​ផ្លូវជាតិ និង​ផ្លូវ​ខេត្ត ក្នុងភូមិ​សាស្ត្រ​ស្រុក​ជាំ​ក្សាន្ត ដើម្បីសម្រួល​ដល់​ការ​​ធ្វើ​ដំណើរ​របស់​ប្រជាពលរដ្ឋ​។​

​លោក សំ លាង​ទ្រី បាន​មានប្រសាសន៍ថាៈ សូម​ជូនពរ​ការ​ធ្វើ​ដំណើ​រ​របស់​បងប្អូនប្រជាពលរដ្ឋ ជួបតែ​សុខ​សុវត្ថិភាព ពិសេស​សូម​ចូលរួម​គោរព​ច្បាប់ ស្តីពី​ចរាចរណ៍​ផ្លូវគោក ឱ្យបាន​គ្រប់ៗ​គ្នា ដើម្បី​ខ្លួន​យើ​ង ក្រុមគ្រួសារ អ្នកដទៃ និង​សង្គមជាតិ​យើង​ ៕/V​