​ដោយៈ ទេ​ពក​ង្រី​/​កំពង់ឆ្នាំងៈ នៅវេលា​ម៉ោង​ប្រហែល ១២:២០​នាទី ថ្ងៃទី​២៥ ខែមិថុនា ឆ្នាំ​២០២២ មាន​ករណី​បុរស​ស្ត្រី​វ័យ​ចំណាស់​ពីរ​នាក់​ប្ដី​ប្រពន្ធ ត្រូវបាន​ក្រុម​ជនសង្ស័យ​មាន​គ្នា​៦​នាក់ ជិះ​ម៉ូតូ​៣​គ្រឿង​ស្ទាក់ផ្លូវ​ដេញ​កាប់​នឹង​ដាវ​ទៅលើ​ជនរងគ្រោះ​ហើយ​ដណ្តើមយក​ម៉ូតូ​ជិះ​គេចខ្លួនបាត់ នៅ​ចំណុច​លើផ្លូវ​ក្រាល​គ្រួស​ក្រហម​មួ​យក​ន្កែ​ង​ស្ថិត​ក្នុងភូមិ​អភិវឌ្ឍន៍ ឃុំ​ស្វាយ​ជុក ស្រុក​សាមគ្គី​មានជ័យ ខេត្តកំពង់ឆ្នាំង​។​

​ជនរងគ្រោះ​ម្ចាស់​ម៉ូតូ​មានឈ្មោះ ជូន វុ​ធ ភេទ​ប្រុស អាយុ​៥២​ឆ្នាំ រស់នៅក្នុង​ភូមិ​ច្រាប​កន្ទួត​ឃុំ​ពាម ស្រុក​សាមគ្គី​មានជ័យ ខេត្តកំពង់ឆ្នាំង ជិះ​ម៉ូតូឌុប​ប្រពន្ធ​របស់គាត់ ម៉ាក​ហុងដា C១២៥ ពណ៌​ខ្មៅ ពាក់​ស្លាក​លេខ កំពង់ឆ្នាំង ១J ៥៤៩៨ ត្រូវ​ក្រុម​ជនសង្ស័យ​កាប់​នឹង​ដាវ​សាមូរ៉ៃ បណ្តាលឱ្យ​របួស​កែងដៃ​ស្តាំ និង​ចំ​មួកសុវត្ថិភាព​ផ្នែក​ខាងក្រោម​។​

​បច្ចុប្បន្ន​សមត្ថកិច្ច​ក​ង​រាជ​អាវុធហត្ថ​ស្រុក​សា​ម្គី​មានជ័យ​កំពុង​សហការ​ជាមួយ​កម្លាំង​អធិការនគរបាល​ស្រុក​សាមគ្គី​មានជ័យ​បើក​ការស្រាវជ្រាវ​បន្ទាន់ ដើម្បី​ស្វែងរក​ជនសង្ស័យ​ដៃដល់​ដើម្បី​នាំយកមក​ផ្ដន្ទា​ទោ​ទៅតាម​ផ្លូវច្បាប់​៕​